LUKAS 13:32 - WUKE SUSI WATTI'U AL᷊AL᷊USASSA

³² Mawu Yesus sinumimbakka, “Roote wal᷊oa'a su taumata apan tawe gunane udde, ‘Allo indi wuṛṛu tiṛṛabbi i Ya'u mallimbuakka ghaṛṛaho lal᷊eo wuṛṛu mapaapian taumata marada'a, arawe su allo atallune i Ya'u sarun manginsue manara-U.’

LUKAS 13:32 Referans Kwoze

IBRANI 2:10

Atonna su ṛinonete Ruata – apan nandiaddi ul᷊ilimpati'uppa ringannu panduman-Ne sassane – nandiaddi Mawu Yesus mananal᷊amatta apan nasuungnga sulal᷊ummu asasusa. Ringannu aroddi Ruata wotongnge mangahe taumata nambo iapawantuga suadio'a ringannu Mawu Yesus. Ana waugu ete i Tou mamamu'a lal᷊anna si mangitou tadea'u wotongnge iapaasal᷊amatta.

IBRANI 5:9

Ne napawe i Tou niola'a mananal᷊amatta apan nasuungnga, i Tou naola'a punnu asasal᷊amatta saran mal᷊annu-l᷊annu hunane su anambon taumata apan matuṛṛuta si Tou,

IBRANI 7:28

Titan agama Yahudi mappaatenegu taumata apan tawe nasuungnga maola'a imam bahewa. Arawe wuassu tita udde, Ruata na'ola'a pa'aire ringannu sasalu manungku i Tou mapaatenega maola'a sangkatou Imam Bahewa, Ana'a apan suete niola'a Ratum Punnu Sal᷊amatta apan nasuungnga saran mal᷊annu-l᷊annu.

YOHANES 10:32

Arawe Mawu Yesus nabbisara si mangitou, “I yamiu suete naasilo si Ya'u ma'ola'a manambo manara apan mapia, apan niapamanaran Iamangku si Ya'u. Wuassu anambo manara udde, suapane apan naa'al᷊udda si yamiu na'oman sara i yamiu mammareta si Ya'u?”

MARKUS 6:14

Manga watti'a su ola'u anambon arariadianna udde na'omate lai ringanni Ratu Herodes, ana waugu arannu Mawu Yesus niasingkatante su al᷊awo'u tampa. Pia taumata mabbisara, “I Yohanes Mananaṛṛani nabbiakke apia! Ana waugu udde i tou pia taṛṛino ma'ola'a al᷊aṛṛindu'a udde.”

ZEFANYA 3:3

Manga tembonannu soa udde naal᷊ihidda singa apan mammasingnga. Manga mallaṛṛuungnge naal᷊ihidda manga serigala mal᷊unussa; i mangitou tumaniten bal᷊iu na'oman sara duṛṛi sampaddi lai tadewu itantangnga tiṛṛabbine.

YEHEZKIEL 13:4

Ei Israel, manga nabinu udde tawe gunane, nassul᷊ungngu manga serigala apan mabbiakka su pattangngannu tuiddu manga soa.

YOHANES 19:30

Mawu Yesus naattemma ua'en anggore udde see nabbisara, “Nia'omante!” See nal᷊apute pua-Ne wuṛṛu natete.

ANTARI MAWANTUGA 2:15

Taappe manga asun ahuranganna udde, manga asun ahuranganna maraddio'a apan manggohakku waillu anggore, ana waugu waillu anggori yami tantal᷊anna mabbunga.