LUKAS 13:25 - WUKE SUSI WATTI'U AL᷊AL᷊USASSA

²⁵ Napawe tatahuannu wal᷊e napu'o wuṛṛu naṛṛu'udu ngarane, i yamiu uarisikka su liudde wuṛṛu nanattakke mannengkella lapiddu mabbisara, ‘Tua, i yami pamu'aiwe ngara!’ Tuanga udde sarun sumimbakka, ‘I ya'u wagga i yamiu wuassuapa!’

LUKAS 13:25 Referans Kwoze

LUKAS 13:27

Arawe Tuanga udde sarun mabbisara apia, ‘I ya'u wagga i yamiu wuassuapa. Passal᷊iu wua isindi, yamiu apan na'ola'a al᷊al᷊eo!’

LUKAS 6:46

“Anio i yamiu mammago si Ya'u, ‘Mawu, Mawu,’ arawe tawe tumuṛṛutta apa iwabbisara-U si yamiu?

MATIUS 25:41

See Ratu udde sarun mabbisara su manga taumata su samba'an aiṛṛiNe, ‘Roote wua isindi, manga taumata lal᷊eo! Suttate sulal᷊ummu putungnga apan tawe iapadumma, apan suete nissaddia su Setanna wuṛṛu su manga ralol᷊oṛṛanne!

YESAYA 55:6

Pabbelengke ringannu Mawu tantal᷊anna ta'e wotongnge; pailelarete si Tou tantal᷊anna i Tou ta'e marani.

IBRANI 12:17

I yamiu masingkata manungku wua'udde i Esau ma'apulu maasomba al᷊amatta udde wuassu iamangnge, arawe i tou nito'e. Ana waugu salaiwe ringannu lal᷊uai tou maddea'a lal᷊anne ipangapia passasal᷊ane, arawe allo ipaddea'a udde nasuete.

2 KORINTUS 6:2

Sulal᷊ummu Wuke Susi, Ruata nabbisara, “Su tempo apan ipaapulu, i Ya'u buatte naddaringikka Si'o, wuṛṛu su allon pananal᷊amatta, i Ya'u buatte nantul᷊ungngu.” Naunge paapia-pia, ete orassa indi tempo apan ipaapulu-U udde. Ete orassa indi tempone ipanal᷊amatta.

DARALO 32:6

Ana waugu udde suapan taumata susi ṛinone umal᷊iomanna sutempo mamendamma asasusa, na'oman sara amungkangngu manawangngu asasusa rumanta, i tou tawe aeleṛṛanne.

PANDARIADDI 7:16

ere buatte nirolokku Ruata si tou. Napawe sarangkanambone nasuttate, Mawu naṛṛuudu ngaran apalla.

LUKAS 3:8

Pasiloa'e ringannu pallal᷊agunu manungku i yamiu nawal᷊ute wuassu manga rosanu! Arie mabbisara manungku Abraham udde iupungngu al᷊amonanu. Naunge: Wuassu manga watu indi lai Ruata wotongnge ma'ola'a papapulunni Abraham!