LUKAS 12:33 - WUKE SUSI WATTI'U AL᷊AL᷊USASSA

³³ Wal᷊ua'e darotongngu wuṛṛu anggil᷊a'e roinne su taumata asiangnga. Ola'e sulal᷊ummu ririnu tampan doitta apan tawe maṛṛenessa, eteudde darotongnga apan uaraddo su surga. Darotongnga udde tawe mawul᷊i ana waugu taṛṛa ta'o tawe maapanna'o wuṛṛu wiangnga tawe maahohakka.

LUKAS 12:33 Referans Kwoze

MATIUS 19:21

Mawu Yesus nabbisara si tou, “Amungkangngu i'o ma'apulu maola'a taumata nasuungnga, roote wal᷊ua'e manga darotongngu. Onggol᷊a'e roinne su taumata asiangnga, wuṛṛu i'o sarun maasomba darotongnga su surga. Wua'udde rantate tantalongke si Ya'u!”

LUKAS 18:22

Naaringikka udde, Mawu Yesus nabbisara, “Ta'e pia lai sambau sarun olaannu: Wal᷊ua'e anambon darotongngu, onggol᷊a'e roinne su taumata asiangnga, ne i'o sarun maasomba darotongnga su surga. Wua'udde rantate wuṛṛu tantalongke si Ya'u.”

WATTI'U MANGA RASUL 2:45

I mangitou nabal᷊u'u manga sarannapa wuṛṛu pussa'a mangitou, see tinahia roinne si mangitou sarangkanambone tumuṛṛuttu hausannu sangkatou-sangkatou.

LUKAS 16:9

See Mawu Yesus nabbisara apia, wisara-Ne, “Padaringikka! Paata'e pa'a'alan runia indi ipadea'a hawe, tadea'u napawe darotongngu runia indi tate aregane, i yamiu sarun iapaatana'a su tampan atatanaanna apan tawe pangudusanne.

LUKAS 12:21

Aroddi olangnge al᷊awo'u taumata apan maddea'a maala hunan badangnge sassane, arawe tawe maddea'a maala su saruannu Ruata.”

HAGAI 1:6

I yamiu buatte nangasi'u manambo wualanna, arawe pangitingannu addio'a. I yamiu pia anna, arawe tawe mattiudda ipallaidda tiannu. I yamiu uatahuanna anggore, arawe tawe maawusaingnga naungngu. I yamiu uatahuanna laubba, arawe tawe mapanal᷊ihangnga waddangngu. Wuṛṛu lal᷊antakka apan nitarimmatu manga lal᷊ebbone tawe mattiudda ipanampa'a pabbiaṛṛanni mangitou.

2 KORINTUS 8:2

I mangitou buatte niannamannu manga asasusa apan mawakkata. Arawe su pattangngannu manga asasusa udde, i mangitou lulluassa, wuṛṛu naungnge masaṛṛionto'a ipangonggolu sumbala ipantul᷊ungngu taumata waine, salaiwe i mangitou asiangnga.

YOHANES 12:6

I Yudas nabbisara aroddi wal᷊ine ana waugu i tou tuttundaallu taumata asiangnga, arawe ana waugu i tou taṛṛa ta'o. I tou masokka manna'o roitti mangitou wuassu pangadoannu roitta apan uaraddo si tou.

LUKAS 11:41

Apan sulal᷊ummu mangko wuṛṛu lamangngu udde, eteudde ṛinone ionggolli yamiu su taumata asiangnga. Ringannu olangnge aroddi, sarangkanambone sarun maola'a waresi hunane si yamiu.

AMSAL 13:7

Piaddu mattanno ere taumata ala, arawe tawe darotongnge; piaddu mattanno ere taumata asiangnga, wutte'e ala marasai.