LUKAS 11:39 - WUKE SUSI WATTI'U AL᷊AL᷊USASSA

³⁹ Ana waugu udde Mawu nabbisara si tou, “Atonna yamiu manga taumatan Farisi ninumaramma mammaresi mangko wuṛṛu lama'a tumba'u su liudde, arawe sulal᷊ummu watangannu napene lal᷊awangnga wuṛṛu al᷊al᷊eo.

LUKAS 11:39 Referans Kwoze

YAKOBUS 4:8

Pangundaniten Ruata, ne Ruata lai sarun mangundanin kamiu. Ukkase limanu, i yamiu apan marosa! Wuṛṛu paatilangke naungngu, i yamiu apan naungnge uapenga!

TITUS 1:15

Sarangkanambone udde susi su manga taumata apan susi. Arawe su manga taumata apan ṛingiranne lal᷊eo wuṛṛu tawe pangangimanne, tawe sambau sarannapa apan susi, ana waugu ṛingiranne wuṛṛu lal᷊ummu naungngi mangitou nalal᷊eote!

WATTI'U MANGA RASUL 5:3

Ne i Petrus nabbisara si tou, “Ananias, anio i'o namalan Setanna namiaṛṛa'u naungngu, na'oman sara i'o nangawusu Ghaṛṛahon Ruata, ringannu mal᷊anna-l᷊annaba nama'ungnga roitta ipaannu sassane sambageanganna roitta la'unnu leta'a udde?

MATIUS 15:19

Ana waugu wuassu naungnga sumabangnga manga ṛingiṛṛanna lal᷊eo, apan maaola'a taumata mammate, sussandaga, ma'ola'a al᷊al᷊eo, manna'o, mammahia, wuṛṛu ma'umbilangnga.

MATIUS 7:15

“Paatehamma su manga nabi awusu. I mangitou nirumanta ringanni yamiu, lihide ere domba, arawe i mangitou ṛinone ere serigala apan mal᷊aṛṛaga.

AMSAL 30:12

Pia taumata apan massunna watanganne na'ukkassa wutte'e i tou marosa atonna.

PANDARIADDI 6:5

Mawu na'ellega tumaniten dal᷊eo manga taumata su runia; anambon ṛingiranni mangitou sidutu lal᷊eo.

GALATIA 1:14

Sulal᷊ummu mappaamattu agaman Yahudi, ya'u nangillembo wuassu anambon taumatan Yahudi apan santuwo'u. I ya'u maṛṛimada su ola'u manga inolaannu addatu iupungngu al᷊amonan kami.

YOHANES 12:6

I Yudas nabbisara aroddi wal᷊ine ana waugu i tou tuttundaallu taumata asiangnga, arawe ana waugu i tou taṛṛa ta'o. I tou masokka manna'o roitti mangitou wuassu pangadoannu roitta apan uaraddo si tou.

LUKAS 16:15

Arawe Mawu Yesus nabbisara si mangitou, “Ete i yamiu taumata apan su saruannu taumata waine ellehanna mapia, arawe Ruata masingkattu lal᷊oṛṛo naungngu. Ana waugu apa apan sassunnannu taumata matanggakka, su aellegu Ruata udde mawawo.

LUKAS 7:13

Napawe Mawu Yesus naasilo wawine wal᷊u udde, i Tou inumakkannu wawine udde see nabbisara, “Arie palluai Inangnga!”

ZEFANYA 3:3

Manga tembonannu soa udde naal᷊ihidda singa apan mammasingnga. Manga mallaṛṛuungnge naal᷊ihidda manga serigala mal᷊unussa; i mangitou tumaniten bal᷊iu na'oman sara duṛṛi sampaddi lai tadewu itantangnga tiṛṛabbine.

YEHEZKIEL 22:27

Manga tembonanne su pamarenta ere serigala apan mammaṛṛu wiakke. I mangitou ma'ola'a pamamate tumba'u ana maddea'a auntunganna.

YEHEZKIEL 22:25

Manga piaṛṛangnge naal᷊ihidda singa apan mammassinga napawe tumambo wiakke. I mangitou mammate tumanangnge, mangngaṛṛo anambon darotongnga wuṛṛu pa'aala apan niasangkal᷊anni mangitou wuṛṛu naaola'a manambo wawine wal᷊u.

YEREMIA 4:14

Yerusalem, rammea'e al᷊al᷊eonu wuassu naungngu tadea'u i'o masal᷊amatta. Ma'oman sara tingngera manga ṛingiranna lal᷊eo udde sahipunanna sulal᷊ummu naungngu?

AMSAL 26:25

Salaiwe i tou masaṛṛionto'a, arawe arie pangimanna; ana waugu awawinsi uataṛṛino naungnge.

DARALO 22:13

Naal᷊ihidda ammul᷊annu bantenga, seetta uaṛṛimpulunna si ya'u, naal᷊ihidda bantenga matengnga wuassu Basan i mangitou namangalo si ya'u.

2 TAWARIKH 25:2

Inolaanni Amazia maal᷊uassa naungngu Mawu, arawe tawe ringannu ahewallu naungnga.

2 TIMOTIUS 3:5

Salaiwe su ola'u waddangnga, i mangitou matuṛṛutta mappaamattu titan agama, arawe maddiri manengkamma lal᷊oṛṛon watiti'u agama udde sassane. Paarau manga taumata ereudde.

YOHANES 13:2

Mawu Yesus wuṛṛu manga mallal᷊aṛṛenggen-Ne tantal᷊anna u'anna annu ṛabbi. Setanna suete napaasuttam pandumanne sulal᷊ummu naungngi Yudas ana'i Simon Iskariot ipamate Mawu Yesus.

AMSAL 26:23

Naal᷊ihidda urinna leta'a nioosannu sal᷊a'a, aroddi lai taumata matemangnga su moṛṛongnge arawe naungnge lal᷊eo.

LUKAS 7:19

see nandoloke mangitou inai ringannu Mawu Yesus wuṛṛu niapaiwal᷊o, “Ete Iamangnga taumata apan sarun rumanta tumuṛṛuttu pa'aire Ruata, ara'e i yami maṛṛado sangkatou waine lai?”