LUKAS 11:13 - WUKE SUSI WATTI'U AL᷊AL᷊USASSA

¹³ Salaiwe i yamiu lal᷊eo, i yamiu masingkatta lai mangagillu sarannapa mapia su ana'i yamiu. Lembonete Iamangnga su surga. I tou sarun mangagillu Ghaṛṛaho-Ne si mangitou apan madorongnga si Tou!”

LUKAS 11:13 Referans Kwoze

MATIUS 7:11

Salaiwe i yamiu lal᷊eo, i yamiu masingkatta lai mangagillu apa apan mapia su manga al᷊aṛṛanangngu. Nangillembo Iamangngu su surga! I Tou lembone lai sarun mangagillu apa apan mapia su taumata apan maddorongnga si Tou.

YOHANES 4:10

Mawu Yesus sinumimbakka, “Unnu wisara i'o masingkattu aonggolu Ruata wuṛṛu isai madorongnga ma'inumma ringannu, i'o sassane lai sarun madorongnga si Tou ma'inumma, wuṛṛu i Tou sarun mangonggola si'o ua'e apan wiakka.”

ROMA 8:32

Anang-Nge sassane tawe niakkan-Ne, ewe'e tinantilli Tou hunane si ite sarangkanambone, ṛatade i Tou tawe mangonggolu al᷊awo'u hausanna waine si ite?

AMSAL 1:23

Paddaringikka si ya'u amungkangu i ya'u managgu si'o, ne ete si'o sarun ta'u iapal᷊iatta'a lal᷊oṛṛon naungku wuṛṛu ta'u iaṛṛa'a asingka'u.

WATTI'U MANGA RASUL 2:38

I Petrus sinumimbakka, “Awal᷊ute wuassu manga rosanu. Wuṛṛu i yamiu sambau-sambau ṛinone saṛṛanianna su arannu Mawu Yesus Kristus, tadea'u manga rosanu ampunganna. Ne manga tuṛṛangnga sarun manengkamma Ghaṛṛahon Ruata wuassu Ruata.

YOEL 2:28

“Wua'udde sal᷊immurine anambon taumata sarun Ta'u onggol᷊annu ghaṛṛaho-U. Ne manga anangngu umbasanna maṛṛuala sarun mamasingkattu manga tanata-U; manga matatimmade suwallannu sarun maasomba wal᷊iawa sodappa sarun ionggolla su manga umbasanna maṛṛuala.

YEHEZKIEL 36:27

Ghaṛṛaho-U sarun Ta'u ilal᷊inna sulal᷊ummu naungngu wuṛṛu i yamiu sarun Ta'u riaganna tadea'u mabbiakka tumuṛṛuttu manga tita-U see tuttuṛṛutta al᷊awo'u parenta-U.

YESAYA 49:15

Mawu sinumimbakka, wisara-Ne, “Wotongngewe sangkatou inangnga maabul᷊in anangnge, wuṛṛu tawe mandangngu anangnge sidutu? Salaiwe i tou maabul᷊ine i Ya'u tawe maabul᷊inu!

MATIUS 6:14

Amungkangngu i yamiu mangampunga taumata apan nassal᷊a si yamiu, Iamangngu su surga lai sarun mangampunga pasasal᷊ang kamiu.

MATIUS 6:32

Sarangkanambone udde sidutu raddeaannu taumata apan tawe maaillal᷊a Ruata. Arawe Iamangngu su surga, masingkatta manungku i yamiu maapulun sarangkanambone udde.

LUKAS 11:2

Ne Mawu Yesus nabbisara si mangitou, “Amungkangngu i yamiu umal᷊iomanna, pabbisarate ereindi, ‘Iamangnga, Ete I'o Ruata apan Tinggassa. Doronganna I'o subbanna wuṛṛu addatanna.

MATIUS 6:30

Wal᷊abukka su wadda'a allo indi tumuwo wuṛṛu tiṛṛabbine tutunganna ma'oman sara masue. Arawe Ruata mamedetta wal᷊abukka udde aroddi aṛṛamage. Lembonete i yamiu! Arawe pangangimanni yamiu mattul᷊ungnga!

MATIUS 5:45

tadea'u i yamiu maola'a al᷊aṛṛana'u Iamangngi yamiu su surga. Ana waugu Ruata mapasabangngu matannallo su taumata apan mapia, wuṛṛu su taumata apan dal᷊eo lai. I tou napa'uranna su taumata apan ma'ola'a apapia wuṛṛu su taumata apan ma'ola'a al᷊al᷊eo lai.

MATIUS 5:16

Aroddi lai asasemakku ṛinone lai lumansiangnga su saruannu taumata, tadea'u i mangitou maasilo al᷊awo'u pallal᷊agunu apan mapia, wua'udde padalote Ruata su surga.”

DARALO 51:5

Ana waugu i ya'u mangnga'u manga pasasal᷊a'u, rosa'u sidutu nanaungangku.

ROMA 7:18

I ya'u masingkata manungku tawe saran sambau apan mapia sulal᷊ummu riri'u, eteudde su pallal᷊agu'u ere sangkatou taumata. Ana waugu i ya'u lai pia apulu ma'ola'a apapia, arawe i ya'u tawe maatuṛṛutta.

ROMA 5:17

Ana waugu pasasal᷊an sangkatou, papate nangeṛṛon taumata nambo wuassu taumata sangkatou udde. Lembon ahewal᷊anne lai wawal᷊issu apa apan niola'u sangkatou taumata waine lai, eteudde Yesus Kristus. Sulal᷊ummu Mawu Yesus Kristus, Ruata buatte nangal᷊amatta anambon taumata, wuṛṛu ringannu tawe bawal᷊inne madea'a i mangitou masasangkapia apia ringannu Ruata; i mangitou sarun mamarenta su runia indi sulal᷊ummi Kristus.

TITUS 3:3

Ana waugu dorone i ite sassane lai woddo, niumal᷊iwu wuṛṛu mal᷊awangnga. I ite niallangngu al᷊awo'u aapulun runia; i ite mabbiakka ringannu pandumanna apan lal᷊eo wuṛṛu mangngune, wuṛṛu uasaseetta.

PANDARIADDI 8:21

Hal᷊urun sasamba apan mawangngi udde naal᷊uassa naungngu Mawu, wuṛṛu i Tou nabbisara sulal᷊ummu naungnga, “I ya'u tate lai mamontoga runia indi ana waugu inolaannu taumata; i Ya'u masingkatta manungku ro'en i tou ta'e dario'a, ṛingirannu taumata udde lal᷊eo. I ya'u tate saran paassa mamate alawo'u riadianna wiakka naal᷊ihidda ere buatte Ta'u niola'a indi.

LUKAS 11:12

Ara'e mangagillu kalajengkingnga amungkangngu i tou madorongnga tallukka?

LUKAS 18:7

Ne, apa Ruata tawe manamba'a hatton al᷊aṛṛanang-Nge sassane apan sussal᷊ande si Tou allo ṛabbi? Apa i Tou sarun manoṛṛuttu tempone mantul᷊ungngi mangitou!