LUKAS 10:2 - WUKE SUSI WATTI'U AL᷊AL᷊USASSA

² “Wuane apan itinganna manambo,” unnu Mawu Yesus si mangitou. “arawe mangangitingnge matul᷊ungnga. Ana waugu udde padorongke su tatahuannu wailla tadea'u i tou mandolokku taumata mangitingnga wuan sinuananne.

LUKAS 10:2 Referans Kwoze

1 TESALONIKA 5:12

Manga tuṛṛangnga, i yami sumal᷊ande tadea'u i yamiu mangaddata taumata apan mammanara su pattangngani yamiu; eteudde i mangitou apan suete nipilen Mawu mamiaṛṛa'a wuṛṛu manantiro si yamiu.

MARKUS 16:15

See Mawu Yesus nabbisara si mangitou, “Roote su ahewallu runia wuṛṛu wal᷊oa'e Watti'u Al᷊al᷊uassa wuassu Ruata udde su anambon taumata.

2 TIMOTIUS 4:5

Salaiwe aroddi, i'o ṛinone uaparenta watangannu sulal᷊ummu al᷊awo'a apan mariaddi. Paasabare sulal᷊ummu asasusa, ola'e manaranu mabatti'u Watti'u Al᷊aluassa udde wuṛṛu amata'e ringannu mapia-pia manaranu ere sangkatou mangangimbe Ruata.

2 TESALONIKA 3:1

Panginsueanne, Manga tuṛṛangnga, aal᷊iomana'awe i yami. Aal᷊iomante tadea'u watti'a wuassu Mawu wotongnge siddutu massal᷊iawukka ringannu mal᷊ihakka wuṛṛu sengkamanna ringannu mapia, ere lai suete nariaddi si yamiu dorone.

MARKUS 13:34

Olangnge isumandingnga ere sangkatou apan nanantangngu wal᷊ene see inai su tampa marau. I Tou nandolokku manga ralol᷊oṛṛanne mandiaga wal᷊ene, wuṛṛu nangagillu manara si mangitou sangkatou-sangkatou. Su mandariaga ngara, i tou nananata tadea'u mandiaga mapia-pia.

1 TIMOTIUS 4:10

Ana waugu udde i ite mammanara maṛṛimadda, ana waugu i ite pia antimma atonna su Ruata apan wiakka; eteudde Punnu Sal᷊amattu anambon taumata, nangillembo taumata apan mangngimanna.

WATTI'U MANGA RASUL 22:21

Arawe Mawu nabbisara apia lai si ya'u, ‘Roote, ana waugu i Ya'u sarun mandolokku inai su tampa apan marau ringannu manga taumata apan wal᷊ine Yahudi.’ ”

WATTI'U MANGA RASUL 20:28

Ṛinone i yamiu uariaga watangannu wuṛṛu riagai lai anambon jamaatta apan suete tinantillu Ghaṛṛahon Ruata si yamiu iapariaga; ana waugu i yamiu suete nitenega maola'a mandariaga jamaatta udde. Ṛinone i yamiu uariaga jamaattu Ruata udde naal᷊ihidda ere mallal᷊u'adda uariaga dombane, ana waugu Ruata suete na'ola'a jamaatta udde pussaa-Ne sassane sulal᷊ummu papaten Anang-Nge sassane.

WATTI'U MANGA RASUL 13:4

Ana waugu nirolokku Ghaṛṛahon Ruata, i Barnabas wuṛṛu i Saulus inaite watukku Seleukia. Wua'isudde i mangitou nassenggotte watukku taṛṛanusan Siprus.

WATTI'U MANGA RASUL 13:2

Su tempo i mangitou tantal᷊anna mattaṛṛamawu su Mawu wuṛṛu mappuasa, Ghaṛṛahon Ruata nabbisara si mangitou, “Pamilete si Barnabas wuṛṛu si Saulus tumba'u hunane su manara-U, tadea'u i mangitou mammanara manara apan suete niapamanara-U si mangitou.”

WATTI'U MANGA RASUL 11:19

Napawe i Stefanus nipate, manga taumata apan mangngimanna Mawu Yesus, nanattakke a'enggenanna, na'oman sara i mangitou nassal᷊iawukka su al᷊awo'u tampa. Piaddu tinumal᷊angnga su Fenisia, wuṛṛu piaddu lai na'oma su Siprus wuṛṛu Antiokhia. I mangitou mammasingkattu Watti'u Ruata tumba'u su manga taumatan Yahudi sassane.

WATTI'U MANGA RASUL 8:4

Manga taumata mangngimanna apan nassal᷊iawukka udde, mabatti'u Watti'u Al᷊al᷊uassa wuassu Ruata su al᷊awo'u tampa.

LUKAS 9:1

Mawu Yesus namago sire mapul᷊o dua mallal᷊aṛṛenggen-Ne, see nangagillu taṛṛino si mangitou ipallimbuakka ghaṛṛaho lal᷊eo wuṛṛu mapaapian rada'a.

MARKUS 16:20

Ne manga mallal᷊aṛṛenggen-Ne inaite wuṛṛu namasingkattem batti'a wuassu Ruata su al᷊awo'u tampa. Wuṛṛu Mawu lai mammanara su sampunna ringanni mangitou wuṛṛu mapaal᷊iatta'a lai ringannu manga al᷊aṛṛindu'a manungku watti'i mangitou udde atonna.] [

MATIUS 20:1

“Napawe Ruata mamarenta, olangnge ere sasumandingnga indi: Sangkatou tatahuannu waillu anggore sinumabangnga su tempo rua'allo madea'a taumata iapamanara su waillu anggorene.

ZAKARIA 11:17

Niawontohante mallal᷊u'adda apan tawe gunane udde! It ou buatte nanantangngu ammul᷊annu dombane. Ta'iakke sarun mabbal᷊i lome wuṛṛu mata aikkatanne mabbal᷊i wuta.”

YEREMIA 3:15

I Ya'u sarun mangonggolla si yamiu manga mamamiaṛṛa'a apan matuṛṛutta si Ya'u. I mangitou sarun mamiaṛṛa'i yamiu ringannu asingkatta wuṛṛu napenen pasasunna.

FILIPI 2:25

Su ola'u tuṛṛangi ite Epafroditus apan nirolokki yamiu mallal᷊ima si ya'u, i ya'u mammendama mappianne i tou irolokka iapaawelengnga ringanni yamiu apia. I tou suete nallal᷊ima si ya'u sulal᷊ummu manara'u.

FILIPI 2:21

Sarangkanambone apan waine tumba'u maṛṛingiddu watanganne sassane, wal᷊ine hunan Yesus Kristus.

1 KORINTUS 12:28

Aroddi lai sulal᷊ummu jamaatta, Ruata buatte nangatokku tampan al᷊awo'u taumata: Paarorone manga rasul; aruane manga nabi, atallune manga huru, see i mangitou apan ma'ola'a al᷊aṛṛindu'a, wua'udde i mangitou apan nionggol᷊annu al᷊amatta mapaapian taumata waine, ara'e ma'ola'a mamamiaṛṛa'a, ara'e lai iapaawisara ringannu al᷊awo'u sasinaukka apan maaṛṛindu'a.

REENGANNA 11:17

I Ya'u sarun sumossokka wuṛṛu maggahattonu su tampa udde, wuṛṛu sambageanganna taṛṛino apan buatte Ta'u nionggola si'o, sarun Ta'u ionggola lai si mangitou. Ne i mangitou wotonggngete massumbala manaranu mamasanna balahanna indi, wuṛṛu udde tawe manarannu sassane.

KOLOSE 1:29

Su ipaddea'a olangnge udde i ya'u mammanara ringannu maṛṛimadda. I ya'u mammanara ringannu ahewallu atatohassa apan nionggoli Kristus si ya'u wuṛṛu apan mammanara sulal᷊ummu wadangku ringannu napenen taṛṛino.

FILIPI 2:30

Su hunan manaran Kristus, i tou ete addio'a mate; i tou nanantillu niawane ipantul᷊ungku sulal᷊ummu arannu.

IBRANI 3:6

Arawe i Kristus matuṛṛuta ere sangkatou Ana'a apan uariaga Wal᷊en Ruata. Wuṛṛu ete i ite indi Wal᷊en Ruata, amungkangu i ite sidutu maṛṛimadda wuṛṛu sidutu mangngimanna maasomba apa apan aantimanni ite.

1 TESALONIKA 2:9

Asinungka i yamiu ta'e maanaungnga ereapa aṛṛimade i yami mattinsahadda wuṛṛu mammanara. Allo ṛabbi yami mammanara tadea'u i yami tawe mapaasusan saran sangkatou wuassi yamiu su tempo yami mammasingkatu Watti'u Al᷊al᷊uassu Ruata udde si yamiu.

KOLOSE 4:12

Tabea wuassi Epafras. I tou lai wuassu walahannu. I tou allangngi Kristus Yesus, apan sidutu u'al᷊iomanni yamiu ringannu maṛṛimadda. I tou sussal᷊ande Ruata tadea'u pangangimannu mabal᷊i matohassa wuṛṛu i yamiu atonna-tonna natimmaddete, tadea'u i yamiu lai nasuungnga tuttuṛṛuta apulun Duata.

2 KORINTUS 6:1

Ana waugu i yami mammanara suadio'a ringannu Ruata, ne i yami sumal᷊ande arie i yamiu ma'ola'a tawe gunane apapia naungngu Ruata udde.

1 KORINTUS 15:10

Arawe ana waugu al᷊amattu Ruata, i ya'u naola'a lai ere olangnge i ya'u orassa indi. Wuṛṛu talawe tawe gunane Ruata nangampunga si ya'u. Ewe'e ete i ya'u mammanara maṛṛimadda wuassu anambo manga rasul waine. Arawe udde ṛinone wal᷊ine ya'u mattinsahadda, udde sahaddu Ruata apan marangngu si ya'u wuṛṛu mammanara suadio'a ringangku.

ZAKARIA 11:5

Manga mamamalline mammate manga domba udde ringannu tawe naasomba ṛuumanna. I mangitou apan mabbalu'u ṛemessu manga domba udde mabbisara, ‘Dalo su Mawu! Orassa indi niatambante paa'alan kite!’ Manga mallal᷊u'udda udde tawe maapendamma umakkanna su manga domba papadul᷊iananni mangitou.

1 MARARATU 18:22

Wua'udde i Elia nabbisara, “Suwallattu manga nabin Mawu tumba'u i ya'u apan nallambe, sumbali isindi pia 450 nabin Baal.

REENGANNA 11:29

I Musa sinumimbakka, “Anio i'o maṛṛingi'u? Ewe'e i ya'u mangantimma tadea'u Mawu mangonggolu Ghaṛṛaho-Ne su anambon walahan-Ne, wuṛṛu ma'ola'a si mangitou sarangkanambone mabbal᷊i nabi!”

FILEMON 1:1

Tuṛṛanga Filemon, hawe wuṛṛu ringanni yami! I ya'u, Paulus, sangkatou taumatan ṛuumanna ana waugu Kristus Yesus, su sampunna ringannu tuṛṛangi ite Timotius, namoṛṛetu suratta indi si'o,

DARALO 68:11

Ana see al᷊aṛṛanang-Ngu namanuate poiaroddi; sulal᷊ummu apapia-Nu, oh Ruata, I'o nappadul᷊i taumata asiangnga.

SONDAPPA 2:1

“Su mala'ekattu jamaatta su Efesus, woṛṛetta'a arendi: Ete indi tanata wuassi Tou apan uaagassa anumpitanna pitu su lima uanan-Ne, wuṛṛu u'amatta su wallatu pitu leddan sol᷊o wul᷊awanna udde.