LUKAS 10:1 - WUKE SUSI WATTI'U AL᷊AL᷊USASSA

¹ Wua'udde Mawu Yesus namile sire pitum pul᷊o mallal᷊aṛṛenggen-Ne lai, see nandolokki mangitou pattaṛṛa darua malliu ṛoro si Tou watukku al᷊awo'u soa wuṛṛu tampa apan rantanni Tou.

LUKAS 10:1 Referans Kwoze

LUKAS 9:52

Ne i Tou nandolokku taumata inai malliu ṛoro si Tou. Manga taumata apan nirolokka udde inaite, see sinumuttate su sambau ampungnga su Samaria tadea'u manaddia manga al᷊awo'a huna Mawu Yesus.

REENGANNA 11:16

Ana see Mawu nabbisarate si Musa, “Pangammule wuassu walahannu Israel pitun pul᷊o matatimmade apan nipile maola'a piaṛṛa'u walahannu Israel. Apira'e i mangitou su saṛuangku sulal᷊ummu Rasang-Ku, ana see i mangitou doloṛṛa'a pararisiṛṛa'a isudde su sandiṛṛannu.

LUKAS 1:76

I'o, ei Ana'u, sarun isago nabi Ruata Lembon Atanggaṛṛanne. I'o apan nirolokka malliu ṛoro Mawu wuṛṛu mamu'a lal᷊an-Ne,

LUKAS 1:17

I Tou sarun maola'a ralol᷊oṛṛannu Mawu apan matohassa wuṛṛu mataṛṛino ere i Elia. I tou sarun mangonggolu paddarame su iamangnga wuṛṛu ana'a, wuṛṛu taumata apan tawe tumuṛṛutta sarun ehetanne apia sulal᷊ammu ṛingiṛṛanna apan mapia. Ringannu aroddi i tou nanaddia sambau walahanna apan nasaddiate huna Mawu.”

LUKAS 7:13

Napawe Mawu Yesus naasilo wawine wal᷊u udde, i Tou inumakkannu wawine udde see nabbisara, “Arie palluai Inangnga!”

YEHEZKIEL 8:11

Pitun pul᷊o su atoune piaṛṛa'u walahannu Israel isudde, nasutta lai i Yaazanya ana'i Safan. Sangkatou-sangkatou uaagassa sambau pananambunannu amania apan tuttimbulla.

LUKAS 7:19

see nandoloke mangitou inai ringannu Mawu Yesus wuṛṛu niapaiwal᷊o, “Ete Iamangnga taumata apan sarun rumanta tumuṛṛuttu pa'aire Ruata, ara'e i yami maṛṛado sangkatou waine lai?”