LUKAS 1:79 - WUKE SUSI WATTI'U AL᷊AL᷊USASSA

⁷⁹ aroddiwe lai Tou nangonggolu semak-Ke su anambon taumata apan mabbiakka sulal᷊ummu ararandumma wuṛṛu su atata'utta. I Tou mangngehetta si ite su lal᷊anna apan matudda m paddarame.”

LUKAS 1:79 Referans Kwoze

YESAYA 9:2

Mawu, I'o nangonggolla si mangitou al᷊al᷊uassa apan bahewalla, I'o na'ola'a si mangitou huggio. I mangitou lullala'a ana waugu apapia-Nu, naal᷊ihidda taumata apan lulluassa sutempo mangitingnga, ara'e mattahia ul᷊e niaaṛṛo.

MATIUS 4:16

Walahanna apan mabbiakka sulal᷊ummu ararandumma, suete naasilo asasemakka! Su manga taumata apan uatana'a su wanuan ararandummu papate nisabanganten asasemakka!”

WATTI'U MANGA RASUL 26:18

tadea'u i mangitou sumabangnga wuassu ararandumma wuṛṛu sumutta su asasemakka; tadea'u i mangitou mal᷊iu wuassu wawono'u Setanna, see mangngimante Ruata. Ne ringannu mangngimanna si ya'u, manga rosa mangitou sarun ampunganna wuṛṛu i mangitou sarun mareengnga su walahannu Ruata apan suete nipile.’ ”

EFESUS 5:8

I yamiu sassane dorone sulal᷊ummu ararandumma. Orassa indi yamiu naola'e al᷊aṛṛana'u Mawu, nariaddi yamiu orassa indi sulal᷊ummu asasemakka. Ana waugu udde i yamiu ṛinone mabbiakka sulal᷊ummu asasemakka.

YESAYA 42:7

Tadea'u ipamu'a matan taumata wuta, wuṛṛu ipamallossu taumata wuassu ararandummu tuttupanna.

YOHANES 12:46

I Ya'u nirumanta su runia indi maola'a sambau asasemakka, tadea'u anambon taumata apan mangngimanna si Ya'u tawe matana'a sulal᷊ummu ararandumma.

YOHANES 8:12

Mawu Yesus nabbisara apia su taumata nambo udde, wisara-Ne, “Ete i Ya'u asasemakku runia. Taumata apan tumantalongnga si Ya'u tawe umamatta su ararandumma, arawe maatahuanna asasemakku pabbiaṛṛanna.”

YOHANES 9:5

Tantal᷊anna i Ya'u ta'e su runia indi, ete i Ya'u asasemakku runia.”

DARALO 107:14

I Tou nangapiddi mangitou sinumabbangnga wuassu ararandumma, wuṛṛu namaddi mantungi mangitou.

DARALO 107:10

Piaddu uataṛṛo sulal᷊ummu ararandumma, taumatan tattupanna uatataṛṛangnga sulal᷊ummu mantunga atta'a,

YESAYA 49:9

Taumata apan nitaṛṛo su tattupanna Ta'u iapasabbanga; apan su tampa marandumma Ta'u iapidda su asasemakka. Ewe'e lai wuidda apan lol᷊okka i mangitou tawe atalanne, su al᷊o'engngu lal᷊anna nasaddiate anna.

YOHANES 1:9

Semakka tutune apan mannemakka anambon taumata, nirumanta su runia.

DARALO 23:4

Salaiwe i ya'u u'amatta su wawal᷊anne apan marandumma, i ya'u tawe mata'uttu asasilaka, ana waugu I'o uaringanna si ya'u. I'o uatillumma si ya'u naal᷊ihidda sangkatou mallal᷊u'adda uatillumma dombane ringannu ta'inna wuṛṛu pal᷊o-pal᷊o.

LUKAS 2:32

naal᷊ihida semakka apan mannemakka lal᷊annu manga walahanna waine, ana see rumanta ringan-Nu; eteudde asasemakka apan mandantan awawantuga su al᷊aṛṛanang-Ngu Israel.”

YEREMIA 2:6

I Ya'u tate pandumanna; i Ya'u, apan buatte nangehetta si mangitou su lal᷊anna, wuṛṛu nangapiddi mangitou sinumabbangnga wuassu Mesir niumamattu wadda'u anne, wageangngu leta'a maṛṛasa apan manambo liobbongnge, see lai mamara wuṛṛu ma'asilaka – wadda'a apan taweddu uatana'a wuṛṛu tawe amatanna!

YESAYA 49:6

Mawu nabbisara si ya'u, “Manara apan ahewal᷊anne uaṛṛaddo si'o, ei allang-Ku; i'o tawe tumba'u mapaapul᷊en tantangngu papapulunni Yakub wuṛṛu mamelengngu awawantugu manga ṛuangannu Israel, arawe Ta'u niola'a lai asasemakku manga walahanna, tadea'u ahewallu runia iapaasal᷊amatta.”

YESAYA 42:16

Pabbawala-U apan buta sarun Ta'u ehetanna umamattu lal᷊anna apan awagananni mangitou; I mangitou sarun Ta'u ipiaṛṛa'a su manga lal᷊anna apan awagananni mangitou. Ararandumma Ta'u olaanna semakka si mangitou, wuṛṛu lal᷊anna natatal᷊attada Ta'u iratakka. Eteudde apan Ta'u olaanna si mangitou, wuṛṛu sarun Ta'u manaranna.

ROMA 3:17

I mangitou wuta su ola'u lal᷊annu al᷊al᷊uassa,

YEREMIA 6:16

Mawu nabbisara uman-Ne, “Darisikke su pappengannu lal᷊anna, wuṛṛu panutudde paapia-pia! Pa'iwal᷊ote manga lal᷊annu al᷊amona, wuṛṛu suapa apan apianne suwallanne. Amatte su lal᷊anna udde, tadea'u i yamiu mabbiakka matammudda.” Arawe i mangitou nabbisara, “Tawe, i yami maddiri umamatta su lal᷊anna udde!”

YESAYA 59:8

I yamiu tawe maddea'a paddarame, wuṛṛu anambon inolaannu tawe atatul᷊idde. Lal᷊annu mangke wengkolla, wuṛṛu taumata apan umamatta su lal᷊anna udde sarun mabbiakka susa.

YESAYA 48:22

Tawe asasal᷊amatta su taumata lal᷊eo,” etearoddi wisara Mawu.

DARALO 44:19

Naungngi yami tawe mangawusu Si'o; tita-Nu tawe abul᷊iananni yami.

DARALO 25:12

Taumata mangngaṛṛa'a taumata mangngimanna lal᷊anna apan ṛinone amatanni mangitou.

AMSAL 3:17

Asingkatta ma'ola'a wiakku masunge wuṛṛu matahul᷊andimma.

AYUB 10:22

wanua apan mal᷊abbukka, napenen linta'u wuṛṛu aal᷊iba'ukka, isudde asasemakka uasul᷊ungngu ararandumma.”

YESAYA 48:17

Wisaran Duata susi Israel, Mananal᷊amannu, “Ete i Ya'u Mawu Ruatanu, apan mangngaṛṛa'u apa apan mahuna si'o, wuṛṛu nangehetta si'o su lal᷊anna apan amatannu.

AMSAL 8:20

I ya'u uatantuṛṛutta lal᷊annu atatul᷊idda, i ya'u lullempangnga su lal᷊annu apapia.

AYUB 3:5

Olaawe allo udde ma'itumma uarallamma, wasa tuudda, mal᷊abbukka wuṛṛu mawol᷊a; oopeten winabbawa wuṛṛu rallamma, lindumete wuassu semakku matannallo.

WATTI'U MANGA RASUL 10:36

Manga tuṛṛangnga masingkate lal᷊oṛṛon watti'a apan niapaasingkattu Ruata su walahannu Israel. Eteudde Watti'u Al᷊al᷊uassa su ola'u padarame sulal᷊ummu Mawu Yesus Kristus, eteudde Mawun anambon taumata.