LUKAS 1:73 - WUKE SUSI WATTI'U AL᷊AL᷊USASSA

^73-74 I Tou nassalu si Abraham iamangngi ite, wuṛṛu na'ire manal᷊amatta si ite wuassu seetti ite, tadea'u i ite tawe matta'utta mangimbe si Tou

LUKAS 1:73 Referans Kwoze

DARALO 105:9

Paaire udde niolang-Nge si Abraham, wuṛṛu wua'udde si Ishak;

TAHIUL᷊E 7:8

Arawe Mawu namile si yamiu ana waugu i Tou marangngu si yamiu wuṛṛu mapulu manipussa pa'aire apan niola'i Tou ringannu iupungngu al᷊amonanu. Ana waugu udde i Tou buatte nanal᷊amatta si yamiu ringannu taṛṛino apan wahewalla wuṛṛu namallossi yamiu wuassu pattataṛṛuallanganna si ratun Mesir.

YEREMIA 11:5

Amungkangngu i mangitou ma'ola'a sarangkanambone udde, i Ya'u sarun manipussa pa'aire-U su al᷊amona mangitou manungku wanua apan masuwukka wuṛṛu ala, apan orassa indi wawanuanni mangitou, sarun Ta'u ionggolla si mangitou.” I ya'u sinumimbakka, “Aroddite, Mawu.”

TAHIUL᷊E 7:12

“Amungkangngu i yamiu manutukka manga tita udde, wuṛṛu mapaamatta ringannu matammudda, ne Mawu Ruatanu lai sidutu matuṛṛutta su pa'aire-Ne apan niolang-Nge si yamiu. I Tou sarun mapal᷊iatta'u darangngu-Ne sidutu si yamiu, ere buatte nipa'ire-Ne su al᷊amonanu.

IBRANI 6:13

Su tempo Ruata na'ire si Abraham, i Tou nassalu manungku i Tou sarun mapaatipussu apa apan suete pina'ire-Ne. Wuṛṛu ana waugu tawedu mattanggaṛṛanne wuassu Ruata, ne i Tou nassalu ringannu aran-Ne sassane.

PANDARIADDI 26:3

I Ya'u sarun mallu'adda wuṛṛu mangal᷊amatta si'o. Ahewallu wageangngu leta'a indi sarun Ta'u ionggolla si'o wuṛṛu su papapulunnu. I Ya'u sarun manipussu paaire apan buatte Ta'u nionggolla si Abraham iamangngu.

PANDARIADDI 24:7

Mawu, Ruata apan uataṛṛino langitta, buatte nangapi'u wuassu wal᷊en iamangku wuṛṛu wuassu wanua manga tuṛṛangku, wuṛṛu i Tou buatte nassalu si ya'u manungku i Tou sarun mangonggolu wanua indi su papapulungku. I Tou lai sarun mandolokku mala'ekan-Ne mantul᷊ungngu, tadea'u i'o wotongnge maasomba sangkatou awingngu ana'u wua poiaroddi.