LUKAS 1:68 - WUKE SUSI WATTI'U AL᷊AL᷊USASSA

⁶⁸ “Wette i ite maddalo Mawu, Ruatam balahannu Israel! I Tou suete nirumanta mantul᷊ungngu pabbawala-Ge wuṛṛu mamallossi mangitou.

LUKAS 1:68 Referans Kwoze

DARALO 106:48

Paddalote Mawu, Ruatan Israel, orassa indi saran mal᷊annu-l᷊annu. Wala'ewe anambon taumata mabbisara, “Amin!” Paddalote Mawu!

LUKAS 7:16

Anambon taumata nata'utta wuṛṛu nanattakke maddalo Ruata. I mangitou mabbisara, “Sangkatou nabi apan wahewa suete nirumanta su wallatti ite! Ruata nirumantate manal᷊amatta pabbawalage!”

DARALO 41:13

I'o niumontolla si ya'u ana waugu awawaresin naungku, wuṛṛu namala'u mabbiakka suadio'a ringan-Nu saran mal᷊annu-l᷊annu.

DARALO 111:9

I Tou namallossu al᷊aṛṛanang-Nge, wuṛṛu nakkiinnu paaire apan tawe pangudusanne si mangitou. Ete i Tou Mawu apan na'ukkassa wuṛṛu matohassa!

SASABANGNGA 4:31

Ne i mangitou nangimante, wuṛṛu napawe i mangitou naaringikka manungku Mawu buatte na'ellega walahannu Israel wuṛṛu na'ellega al᷊awo'u asasusa mangitou, i mangitou niumal᷊intudda nassubba.

1 MARARATU 1:48

wuṛṛu niumal᷊iomanna, ‘Dalo Si'o, oh Mawu, Ruata apan sassubbannu umattu Israel. Allo indi sangkatou wuassu papapulungku buatte nitene-Gu naola'a ratu mallol᷊ossa si ya'u. Wuṛṛu I'o buatte namala'u nabbiakka tadea'u maasilo udde!’ ”

EFESUS 1:3

Dalo su Ruata, Iamangngu Mawun kite Yesus Kristus! I Tou nangal᷊amatta si ite ringannu al᷊awo'u al᷊amattu Ruata sulal᷊ummu surga, ana waugu i ite uaaukka ringanni Kristus.

LUKAS 2:38

Orassa udde lai i tou naṛṛindo'a nirumanta, see nadalo Ruata wuṛṛu uahahatto su ola'u ana'a udde ringannu awadaalla apan uaraṛṛaddo tempone Ruata mamallossu Yerusalem.

1 PETRUS 1:3

Wette i ite maadiangkamanna su Ruata, Iamangngu Mawun kite Yesus Kristus! I Tou lembon marangngu si ite, ana waugu udde i Tou nangonggolu wiakka wakku si ite, ringannu napaawiakku Mawu Yesus Kristus apia wuassu papate. Indi nangonggolu antimma apan matohassa si ite.

EFESUS 1:7

Ana waugu wuassu papaten Kristus, i ite nipallosu Ruata, atappasanne manungku i Tou buatte nangampunga si ite wuassu manga rosan kite.

1 TAWARIKH 29:20

Napawe buatte niumal᷊iomanna aroddi, i Daud nabbisara su anambon taumata apan uaammulla isudde, “Paddalote Mawu Ruatanu!” Ne awadaalla udde naddalote Mawu Ruata apan sassubbannu al᷊amonan mangitou. Ana see i mangitou niumal᷊intudda nangaddatta Mawu wuṛṛu ratu.

1 TAWARIKH 29:10

Su saruannu awadaalla udde i Ratu Daud naddalo Mawu, i tou nabbisara, “Oh Mawu Ruata apan sassubbanni Yakub al᷊amonan kami, dalo Si'o sarangkal᷊o'enge!

PANDARIADDI 14:20

Daralo su Mawu Ruata Apan Atanggaṛṛanne, apan buatte nangal᷊amatta si'o ringannu auntunganna wuassu manga seennu.” Wua'udde i Abram nangonggollu mapul᷊on kawageanganna wuassu al᷊awo'u darotongnga niaaṛṛo apan buatte niapiddi tou.

PANDARIADDI 9:26

Paddalote Mawu, Ruatan Sem! I Kanaan sarun maola'a allangngi Sem.

LUKAS 19:44

I mangitou sarun maṛṛimunsa'a si'o wuṛṛu anambon tumanangngu; wuṛṛu tawedu saran sambau itantangngi mangitou watu uaatokka su tampane, ana waugu i'o tawe manutukka tempone Ruata rumanta manal᷊amatta si'o!”

PANDARIADDI 24:27

Wisarane, “Paddalote Mawu, Ruata mawu'u Abraham. Mawu sidutu matul᷊idda wuṛṛu mapia su mawu'u Abraham. I tou nangehetta si ya'u watukku manga tuṛṛangnge.”

1 SAMUEL 25:32

Ana see i Daud nabbisarate si tou, “Dalo su Mawu, Ruatan Israel, apan nandolokku naisasomba'u su allo indi!

1 MARARATU 8:15

I tou nabbisara, “Dorone Mawu buatte naddiandi su iamangku Daud arendi, ‘Ro'en i Ya'u nangapiddu uma-U sinumabbangnga wuassu Mesir, su ahewallu wanua Israel tawe saran sambau soa apan Ta'u nipile maola'a tampa suapa tampa pa'olaanna wal᷊en maola'a tampa patataṛṛamawuanna si Ya'u. Arawe i'o, Daud, Ta'u nipile mamarenta uma-U.’ Dalo su Mawu Ruatan Israel apan buatte nanipussa pa'aire-Ne udde!”

DARALO 130:8

I Tou sarun mamallosi ite wuassu al᷊awo'u pasasal᷊an kite.

LUKAS 1:71

ipanal᷊amatta si ite wuassu seetti ite wuṛṛu wuassu taṛṛino manga taumata apan maddantinni ite.

LUKAS 24:21

Sumbal᷊i yami mangngantimma manungku ete i Tou mamallossu Israel! Wuṛṛu allo indi allo atallune wuassu olangnge udde nariaddi.

IBRANI 9:12

Mawu Yesus sinumutta su Wabbo'a Lembon Susi sulal᷊ummu rasanna udde tumba'u paassa ma'oman sara mal᷊annu-l᷊annu. Su tempo udde i Tou tawe nangapiddu ṛaṛṛang kambinga esakka ara'e ṛaṛṛan ana'u sapi olaanna sassamba; i Tou nangapiddu ṛaṛṛan Tou sassane, wuṛṛu ringannu udde i Tou nanubusa rosang kite saran mal᷊annu-l᷊annu.