LUKAS 1:64 - WUKE SUSI WATTI'U AL᷊AL᷊USASSA

⁶⁴ Su tempo udde lai i Zakharia naawisarate wuṛṛu nadalote Ruata.

LUKAS 1:64 Referans Kwoze

LUKAS 1:20

Apa apan ta'u niwisara, sarun mariaddi su tempone. Arawe ana waugu i'o tawe mangngimanna, i'o sarun tawe maawisara; i'o sarun imoune ma'oman sara apa apan suete niwal᷊o'u matipusse.”

YEREMIA 1:9

Wua'udde Mawu nangul᷊ukku lima-Ne, wuṛṛu namita moṛṛongku see nabbisara, “Paddaringikke wuṛṛu al᷊iata'e manga wisara apan Ta'u niapasingkatta indi.

YEHEZKIEL 33:22

Su ṛabbi sutempo i tou taambe nirumanta, i ya'u naapendampe taṛṛino Mawu. Nariaddi sutempo taumata udde nirumanta ringangku, i ya'u napagahattote wuṛṛu tate nimoune.

DARALO 51:15

Ne i ya'u sarun mangaṛa'u parenta-Nu su taumata marosa, tadea'u i mangitou mabelengnga ringan-Nu.

MATIUS 9:33

Mawu Yesus nallimbuakke ghaṛṛaho lal᷊eo udde wuṛṛu su orassa udde lai taumata udde naawisarate apia. Taumata nambo isudde niṛṛumindu'a see nabbisara, “I yami taambe naasilo olangnge ereindi su Israel!”

YEHEZKIEL 3:27

Paṛṛadote, amungkangngu i Ya'u mabbisara si'o apia wuṛṛu mamelengngu atatohannu maggahatto, i'o ṛinone mamasingkattu apa apan i Ya'u, Mawu Apan Atanggaṛṛanne mamasingkatta si mangitou. Sambageanganna wuassi mangitou sarun maddaringikka, arawe sambagenganna lai tawe, ana waugu i mangitou atonna walahanna mal᷊awangnga.”

YESAYA 12:1

Sarun dumanta tempone i yamiu mangantari: “Mawu, i ya'u ma'adiangkamanna Si'o, ana waugu I'o nalluassa si ya'u. Dorone I'o massa'u si ya'u, arawe orassa indi nompo'e asasa'u-Nu.

YEHEZKIEL 29:21

Napawe olangnge udde nariaddite, i Ya'u sarun ma'ola'a Israel walahanna apan matohassa, wuṛṛu nangonggollu tempo si'o Yehezkiel, mabbisara ringannu apulunu sassane ma'oman sara awadaalla wotongnge maddaringikka si'o. Ne i mangitou masingkatte manungku ete i Ya'u Mawu.”

SASABANGNGA 4:11

Mawu nabbisara si tou, “Isai apan nagonggolu moṛṛongnga su taumata? Isai apan na'ola'a si tou mou ara'e wengella? Isai na'ola'a si tou alla ara'e wuta? Wal᷊inewe i Ya'u, Mawu?