LUKAS 1:52 - WUKE SUSI WATTI'U AL᷊AL᷊USASSA

⁵² Manga ratu nilintukka wuassu araratuanne wuṛṛu taumata adio'anne tinanggakka.

LUKAS 1:52 Referans Kwoze

YEHEZKIEL 17:24

Al᷊awo'u alu su wanua sarun maasunna manungku ete i Ya'u Mawu. Alu apan al᷊angkasanne Ta'u tuwanganna; alu apan mawawo Ta'u iapatuwo matanggakka. Alu apan mapia ta'u iapaaṛṛagassa; wuṛṛu alu apan naṛṛangu Ta'u onggol᷊annu lal᷊uwo wuṛṛu bungane. I Ya'u, Mawu, buatte nabbisara, al᷊awo'u wisara-U sarun matipussa.”

YAKOBUS 4:10

Ṛinone i yamiu sumallungu watangannu su saruannu Mawu, ne Mawu sarun manduitti yamiu.

LUKAS 18:14

“Pangimante,” unnu Mawu Yesus, “su tempo napul᷊ete su wal᷊e, ete madarorongnga wose udde tinarimmattu Ruata, wal᷊ine taumatan Farisi udde. Ana waugu taumata apan mannanggakku watanganne sarun iapaawawo, wuṛṛu taumata apan sussallungu watanganne sarun iapaatanggakka.”

1 SAMUEL 2:4

Anaannu atumannaṛanne napaddite, arawe lembon matohasse taumata lome.

AMOS 9:11

Mawu nabbisara, “Sarun a'omanna tempone i Ya'u manul᷊en araratuanni Daud. Orassa indi araratuanna udde nabbal᷊ite ere wal᷊en apan naṛṛa'a. Arawe manga darandungnge sarun Ta'u apianna wuṛṛu iapararisikka apia ma'oman sara mabbal᷊i ere paarorone.

MARKUS 6:3

Wal᷊inewe i Tou indi ana'u waseng kalu, ana'i Maria, wuṛṛu tuṛṛangngi Yakobus, i Yoses, i Yudas wuṛṛu i Simon? Ore, manga tuṛṛang-Nge wawine lai udde uatana'a isindi.” Ana waugu udde i mangitou nanol᷊ai Tou.

LUKAS 14:11

Ana waugu suapan taumata apan mannaggakku watanganne sarun iapaawawo, arawe isai mammawon batanganne sarun iapaatanggakka.”