LUKAS 1:17 - WUKE SUSI WATTI'U AL᷊AL᷊USASSA

¹⁷ I Tou sarun maola'a ralol᷊oṛṛannu Mawu apan matohassa wuṛṛu mataṛṛino ere i Elia. I tou sarun mangonggolu paddarame su iamangnga wuṛṛu ana'a, wuṛṛu taumata apan tawe tumuṛṛutta sarun ehetanne apia sulal᷊ammu ṛingiṛṛanna apan mapia. Ringannu aroddi i tou nanaddia sambau walahanna apan nasaddiate huna Mawu.”

LUKAS 1:17 Referans Kwoze

MATIUS 11:14

Wuṛṛu amungkangngu i yamiu mangngimanna, i Yohanes uddewe i Elia, apan darantane suete niapasingkatta.

LUKAS 1:76

I'o, ei Ana'u, sarun isago nabi Ruata Lembon Atanggaṛṛanne. I'o apan nirolokka malliu ṛoro Mawu wuṛṛu mamu'a lal᷊an-Ne,

YOHANES 3:28

I yamiu sassane suete naaringikka si ya'u nabbisara, ‘I ya'u wal᷊ine Ratum Punnu Sal᷊amatta. I ya'u nirolokka malliu ṛoro si Tou.’

DARALO 78:8

tadea'u i mangitou tawe mangaṛussa iupungngu al᷊amonan mangitou apan apulune mammangalo wuṛṛu mandal᷊eo; pallal᷊awanna apan matul᷊u pangangimanne, wuṛṛu tawe maddaringikka Ruata.

1 TAWARIKH 29:18

Oh Mawu Ruata, apan sassubbanni Abraham, i Ishak wuṛṛu i Yakub, al᷊amonan kami, antimanna I'o mallu'adda tadea'u al᷊aṛṛanang-Ngu sidutu marangngu Si'o ere lai su orassa indi wuṛṛu tul᷊ungaawe tadea'u sarangkal᷊o'engnge sidutu tuttuṛṛuta Si'o.

SONDAPPA 20:4

See i ya'u naasilo manga adderan araratuanna, wuṛṛu manga taumata apan ua'ianna su manga adderan araratuanna udde inonggol᷊annu taṛṛino ipangema'u ṛuumanna. I ya'u lai naasilo manga ṛimuuddu taumata apan suete niponggo'a puane ana waugu i mangitou mattiala su ola'u Mawu Yesus, wuṛṛu mammasingkatu tanata Ruata. Manga taumata udde tawe massubba winatangnga, ara'e lai paal᷊uanne. I mangitou lai tawe saran paassa nanengkama tatiala manga winatangnga udde su pakkana ara'e su lima mangitou. Ne i mangitou nabbiakka apia wuṛṛu namarenta ere sangkatou ratu suadio'a ringanni Kristus saṛṛiwu su tonnane al᷊annune.

1 PETRUS 2:9

Arawe i yamiu udde walahanna apan niapile, manga imam apan mangngimbe ratu, walahanna naukkassa, tumba'u hunan Duata, walahannu Duata sassane. Ruata namile si yamiu wuṛṛu namaggo si yamiu sinumabangnga wuassu araranduma sumutta su asasemakke apan mal᷊endappa ringannu pandumma tadea'u i yamiu mamasingkatu watti'a su ola'u manga inolaan-Ne apan wahewalla.

KOLOSE 1:12

wuṛṛu ringannu wisara adiangkamanna su Iamangnga. Ana waugu ete Iamangnga udde apan nandiaddi si yamiu wotongnge manengkamma apa apan nissaddian Duata su al᷊aṛṛanang-Nge sulal᷊ummu araratuan-Ne apan masemakka.

DARALO 111:10

Isai-sai apan maapulu maola'a pande ṛinone mangaddata Mawu. I Tou mangonggolu asingkatta su anambon taumata apan matuṛṛutta. Daralo su Mawu su al᷊o'engngu tempo!

2 TIMOTIUS 2:21

Taumata apan mammaresi watanganne wuassu anambon al᷊al᷊eo, taumata udde sarun ipaatta su pandumma apan apianne. I tou maola'a pussa'a apianne wuṛṛu mahuna su mawune. I tou sasaddianna ipaatta su al᷊awo'u manara apan mapia.

YESAYA 29:24

Taumata woddo sarun mangurumma tadea'u maasunna wuṛṛu taumata apan sidutu sussawutulla sarun mal᷊uassa aṛṛaanna.”

ROMA 9:23

Ruata lai maapulu mapaal᷊iatta'a si ite al᷊al᷊uassa apan nasuungnga apan nionggola si ite taumata arangnguan-Ne. I ite buatte nisaddianni Tou manengkamma al᷊al᷊uassa udde.

WATTI'U MANGA RASUL 10:33

Ana waugu udde i ya'u nasasaṛṛawutta nandolokku taumata inai namaggo si Tuangnga. Wuṛṛu i Tuangnga naungnge mapia atonna nirumanta isindi. Orassa indi yami nambo uaammulle isindi su saruannu Ruata madaringikka apa apan niapasilon Ruata si Tuangnga iapa'asingkatta si yami.”

YOHANES 1:34

I ya'u suete naasilo sassane,” unni Yohanes, “wuṛṛu ya'u mangonggolu tatiala manungku ete i Tou Ana'u Ruata.”

YOHANES 1:13

apan niasungkangnga wal᷊ine wuassu taumata, ana waugu wiakka wakku udde punnene wuassu Ruata.

LUKAS 1:16

Manambo taumatan Israel sarun ehetanne apia mabelengnga ringannu Ruata, Mawu mangitou.

MATIUS 14:4

Ana waugu i Yohanes suete nabbisara si Herodes ereindi, “Tawe wotongnge i'o ma'awingngi Herodias!”

AMOS 4:12

Ana waugu udde, ei umattu Israel, i Ya'u sarun makkuumanni yamiu. Nariaddi, pandiahite sumaruanna ṛuumanna apan Ta'u iema'a si yamiu!”

DARALO 10:17

Mawu, I'o maddaringikka aal᷊iomannu taumata lal᷊ebbone, wuṛṛu mannohassa naungngi mangitou.

2 TAWARIKH 29:36

Ne naungngi Ratu Hizkia wuṛṛu tumanangnge nal᷊uasse ana waugu sulal᷊ummu tempo apan mal᷊ihakka Ruata buatte nassumbala na'ola'a sarangkanambone udde.

1 MARARATU 21:20

Sutempo i Ahab naasilo si Elia, i tou nabbisara, “Ei seetta, panginsueanne i'o naasangkalla si ya'u!” “Atonna,” sasimbakki Elia. “Ana waugu i Tuangnga ringannu na'utulla na'ola'a al᷊al᷊eo su aellegu Mawu,

1 MARARATU 17:1

Pia sangkatou nabi aranne i Elia. I tou darantane wuassu Tisbe, sambau soa su wageangngu Gilead. Su allo sambau i tou nirumanta ringanni Ratu Ahab wuṛṛu nabbisara, “Ringannu arannu Mawu apan biakka, Ruata apan sassubbannu taumatan Israel wuṛṛu ta'u a'imbeanna, i ya'u mamasingkatta si Tuangnga manungku al᷊annune darua ara'e tallu tonna apan manansunna indi sarun tawe angngukka ara'e uranna saran addio'a, tabbene'e i ya'u mabbisara.”

1 YOHANES 2:28

Nariaddi, al᷊aṛṛana'u, paasidutute mabbiakka uaaukka ringanni Kristus, tadea'u su tempo i Tou rumanta apia, i ite sumaruanna si Tou ringannu napenen kawawaṛṛani, wuṛṛu tawe ma'imbuni ana waugu massili.

MATIUS 3:4

I Yohanes ual᷊uṛṛen laubba wuassu wambul᷊un unta. Papeṛṛenne wuassu pisim binatangnga wuṛṛu anni tou saṛṛapalanna wuṛṛu pul᷊an ahuranganna.

2 MARARATU 1:16

Ana see i Elia nabbisara ratu, “Mawu nabbisara, ‘I'o nandolokku taumata niaparoronga tatantiro si Baal-Zebub mongannu soan Ekron naal᷊ihidda su Israel tawe Ruata pa'iwal᷊oanna. Ana waugu udde i'o tawe mapia wuassu radda'a, i'o sarun mate!’ ”

1 MARARATU 18:18

“I ya'u wal᷊ine mangangal᷊iba'ukka,” sasimbakki Elia, “arawe i Tuangnga sassane. Ete i Tuangnga wuṛṛu amonanni Tuangnga apan mangngal᷊iba'ukka. Ringannu massubba manga paal᷊uanni Baal, i Tuangnga nilumawangnga manga parentan Mawu.

1 SAMUEL 7:5

Wua'udde i Samuel nabbisarate, “Ammul᷊a'e anambon walahannu Israel su Mizpa, ne i yamiu ta'u ial᷊iomanna su Mawu.”

MATIUS 3:3

Ete i Yohanes udde taumata apan pappandumannu Nabi Yesaya sulal᷊ummu manga wisarane indi, “Pia taumata u'al᷊iata su wadda'a, ‘Saddiaite lal᷊annu Mawu; rataṛṛa'e lal᷊anni Tou.’ ”