LUKAS 1:15 - WUKE SUSI WATTI'U AL᷊AL᷊USASSA

¹⁵ I tou sarun maola'a taumata mapia su aellegu Mawu, wuṛṛu i tou tawe ma'inumma anggore ara'e inumanna ma'awu'anna. Ro'en inasungkangnge i tou aintaṛṛoanten Ghaṛṛahon Ruata.

LUKAS 1:15 Referans Kwoze

YEREMIA 1:5

“Tantal᷊anna i Ya'u taambe nadiandi si'o sulal᷊ummu piolon inangngu, wuṛṛu tantal᷊anna i'o taambe nasungkangnga, i Ya'u buatte namile wuṛṛu maneneggu maola'a nabi su manga walahanna.”

EFESUS 5:18

Imbaṛṛangnga i yamiu iwu'annu anggore, ana waugu udde maal᷊al᷊eo si yamiu. Arawe ṛinone i yamiu intaṛṛoannu Ghaṛṛahon Duata.

GALATIA 1:15

Arawe ana waugu apapian naungngu Ruata, i Tou namile si ya'u tantal᷊anna i ya'u taambe niasungkanga wuṛṛu namago si ya'u iapa'imbe si Tou.

WATTI'U MANGA RASUL 2:4

I mangitou sarangkanambone naasomba taṛṛinon Ghaṛṛahon Ruata, wuṛṛu nanattakke mabbisara sulal᷊ummu al᷊awo'u manga wisara waine. I mangitou mabbisara tumuṛṛuttu apa apan ia'onggolu Ghaṛṛaho udde si mangitou iapawisara.

LUKAS 7:33

I Yohanes Mananaṛṛani nirumanta – i tou mappuasa wuṛṛu tawe ma'inumma anggore – wuṛṛu i yamiu mabbisara, ‘I tou niasuttannu setanna!’

YOSUA 4:14

Allo udde Mawu na'ola'a manga inolaanna tadea'u walahannu Israel mangaddata si Yosua ere sangkatou taumata wahewa. Su al᷊o'engngu pabbiaṛṛanne i mangitou mangngaddata si tou erelai i mangitou mangngaddata si Musa.

LUKAS 7:28

“Paanaunge,” unnu Mawu Yesus, “su runia indi taambe saran sangkatou taumata maggewal᷊anna wuassi Yohanes Mananaṛṛani. Arawe taumata apan adio'anne su wallattu al᷊aṛṛana'u Ruata, magewal᷊anna wuassi Yohanes Mananaṛṛani.”

1 TAWARIKH 17:8

I'o buatte Ta'u nitul᷊ungnga su anambon tampa apan amatannu, wuṛṛu anambon seennu Ta'u nipate sutempo i'o mapapangalo. I'o sarun Ta'u olaanna tumelengnga ere manga piaṛṛa'a apan ahewal᷊anne su runia.

YOSUA 3:7

Mawu nabbisara si Yosua, “Manattaka allo indi i'o sarun Ta'u olaanna taumata wahewa ma'oman sara anambon ṛuangannu Israel mangaddata si'o wuṛṛu maatutukka manungku i Ya'u su sandiṛṛannu ere lai Ya'u su sandiṛṛanni Musa.

ZAKARIA 9:15

Uman-Ne sarun onggolan-Ne passirunganna, ma'oman sara al᷊awo'u seetta wotongnge iawaddo. Naal᷊ihidda hahuressan taumata wu'anna, etearoddi hahuressan mangitou sulal᷊ummu pangalo. Naal᷊ihidda daṛṛan sasamba apan nilal᷊inna su wowon mezbah, aroddi lai daṛṛan seetti mangitou nabboso.

DARALO 22:9

Unni mangitou, “Wala'e aroa i tou mangngasakku Mawu, tadea'u Mawu manal᷊amatta si tou, amungkangu Mawu mal᷊uassa si tou!”

1 TAWARIKH 29:12

Anambon pa'a'ala wuṛṛu lal᷊umanna'a darantane wuassu Mawu; al᷊awo'u riadianna I'o uataṛṛino ringannu atatohassa wuṛṛu taṛṛino apan atanggaṛṛanne; I'o uataṛṛino manenegu taumata maola'a taumata aaddatanna wuṛṛu matohassa.

PANDARIADDI 48:19

Arawe iamangnge nanol᷊a'a, “I ya'u masingkatta, ana'u, i ya'u masingkatta. I Manasye sarun bahewalla taṛṛinone wuṛṛu papapulunne lai sarun mabbal᷊i balahanna apan bahewalla. Arawe tuarine lembon maggewal᷊anna lai taṛṛinone wuassi tou, wuṛṛu papapulunnu tuarine sarun maola'a walahanna apan bahewalla.”

PANDARIADDI 12:2

I ya'u sarun mangonggolla si'o papapulunna apan manambo wuṛṛu i mangitou sarun maola'a walahanna apan bahewalla. I ya'u sarun mangal᷊amatta si'o wuṛṛu arannu mabbal᷊i tumelengnga, ma'oman sara i'o maola'a al᷊amatta.

YOHANES 5:35

I Yohanes udde naal᷊ihida sol᷊o apan luṛṛenggamma wuṛṛu mannemakka. Tumba'u sangkatempo i yamiu mal᷊uassa mannengkamma semakka udde.

IMAMATTA 10:9

“Napawe buatte na'inumma ua'e anggore ara'e ua'e ma'awu'anna, i'o wuṛṛu manga anangngu imbaṛṛangnga sumutta sulal᷊ummu Rasang-Ku. Amungkangngu i yamiu lumawangnga atoranna udde, i yamiu sarun mate. Parenta udde sarun daringiṛṛannu anambon papapulunnu.

YEREMIA 35:6

Arawe i mangitou sinumimbakka, “I yami tawe ma'inumma anggore. Al᷊amonang kami Yonadab ana'i Rekhab manningaddi yami wuṛṛu papapulunni yami ma'inumma anggore. Sasingadda udde iappaamatta saran mal᷊annu-l᷊annu.

LUKAS 1:14

I'o sarun lembon lumuassa wuṛṛu manambo taumata lullala'a napawe ana'a udde inasungkangke!