LAL᷊ALLU 5:7 - WUKE SUSI WATTI'U AL᷊AL᷊USASSA

⁷ Al᷊amonan kami na'ola'a rosa, orassa indi i mangitou tate su runia; arawe i yami ṛinone matataṛṛangnga, ana waugu manga rosan mangitou.

LAL᷊ALLU 5:7 Referans Kwoze

YEREMIA 31:29

Sutempo udde taumata tate lai mabbisara, ‘Timmadde u'anna wua apan mapakkadda, isin anangnge ma'apendamma mangirassa,’

YEREMIA 16:12

Arawe i yamiu ma'ola'a lembon al᷊al᷊eone lai. Puang kamiu maattikka wuṛṛu tumba'u tuttuṛṛutta apulunu sassane apan dal᷊eo. I yamiu tawe tumuṛṛutta si Ya'u.

YEHEZKIEL 18:2

“Anio sasanato'a indi sidutu isassago su wanuan Israel? ‘Taumata timmade u'anna wuan anggore apan mapakkadda temange, arawe al᷊aṛṛana'a maṛṛangirassa isine.’

YEREMIA 14:20

Mawu, tumba'u su saruan-Nu i yami buatte na'ola'a rosa. I yami manga'u rosan kami sassane wuṛṛu rosan al᷊amonang kami.

SASABANGNGA 20:5

Imbaṛṛangnga massubba paal᷊uanna ere udde, ana waugu ete i Ya'u Ruatanu, wuṛṛu i Ya'u maddiri isul᷊ungngu sarangkanambone. Manga taumata apan maddanting-Ku, Ta'u iṛṛuumanna sara ṛawanna atallune wuṛṛu aiappanne.

YEREMIA 31:15

Mawu nabbisara, “Su Rama niaringiṛṛanna tingikku lal᷊allu, wuṛṛu auare apan tatilla'upannu asasusa. I Rahel lulluain anangne, i tou tawe al᷊imbatanna ana waugu mangitou tate baddi'a.

PANDARIADDI 42:36

Ana see iamangngi mangitou nabbisarate, “Ete i yamiu naaola'a si ya'u niawul᷊iannu ana'u. I Yusuf tate baddi'a lai; i Simeon tate baddi'a lai; wuṛṛu orassa indi yamiu lai mangapiddi Benyamin. Wal᷊ine hampa asasusa'u!”

ZAKARIA 1:5

Suapate iupungngu al᷊amonanu wuṛṛu manga nabi udde orassa indi? I mangitou tate baddi'a.

AYUB 7:21

Apa I'o tawe mapangampungnga rosa'u? Tawe wotongnge I'o mapamappassa pasasal᷊a'u? Ete addio'a lai i ya'u lumallowangnga su lal᷊abbinganna, ne amungkangngu I'o maddea'a si ya'u, i ya'u tate asombangan-Nu.”

AYUB 7:8

Orassa indi i'o ual᷊ellege si ya'u – arawe udde tawe mal᷊annu. Amungkangngu i ya'u reaannu, tate asombanganna.

PANDARIADDI 42:13

I mangitou sinumimbakka, “Yami indi siri mapul᷊o dua sangkatuṛṛangnga, Tuangku, yami ana'u iamangnga sambau su wanua Kanaan. Sangkatou su wallati yami natete wuṛṛu iapa ṛembonne poi suadio'a ringannu iamangngi yami.”

REENGANNA 14:18

‘I Ya'u, Mawu, mal᷊annu masa'u. I Ya'u mapal᷊iatta'u darangngu-U wuṛṛu apapia-U ringannu nilumambalanna. I Ya'u mangampungnga taumata apan marosa wuṛṛu apan nilumawangnga si Ya'u. Salaiwe aroddi, pasasal᷊an hagurangnga Ta'u walusanna su manga anangnge wuṛṛu papapulunne, maddatingngu pallaṛṛawanne atallune wuṛṛu aiappanne.’

YEREMIA 16:11

Wal᷊oa'e si mangitou manungku i Ya'u nabbisara arendi, ‘Al᷊amonanu buatte nanantang-Ku inai massubba wuṛṛu mattaṛṛamawu manga mawu waine. I mangitou tuttal᷊iudda si Ya'u wuṛṛu maddiri tumuṛṛutta manga atorang-Ku.

YEHEZKIEL 16:58

I'o ṛinone matataṛṛangnga susa maola'a pangillul᷊eannu inolaannu apan dal᷊eo wuṛṛu maarantinna udde. I Ya'u Mawu buatte nabbisara.”