LAL᷊ALLU 5:1 - WUKE SUSI WATTI'U AL᷊AL᷊USASSA

¹ Naungete, oh Mawu, apan apan nariaddi si yami. Tannoite i yami, wuṛṛu ellehete al᷊al᷊eon kami.

LAL᷊ALLU 5:1 Referans Kwoze

HABAKUK 3:2

I ya'u naaringikka su ola'u inolaan-Nu, ne apendamma mal᷊angnganna namene naungku. Antimanna inolaanna wahewalla udde isule-Nu apia wuṛṛu iapal᷊iattang-Ngu sutempon kami indi. Ṛinone I'o umakkanni yami salaiwe naung-Ngu mal᷊oso.

LAL᷊ALLU 3:61

I'o, Mawu, naaringikka si ya'u haggeloanna; I'o masingkattu anambon hol᷊agi mangitou.

LAL᷊ALLU 3:19

Maṛṛingiddu al᷊alallele wuṛṛu asasusa'u ere na'inumma racunna apan mapetta.

LAL᷊ALLU 2:15

Anambon taumata apan sinumabbi, mangngal᷊uandaga si'o, ana waugu i'o naṛṛimunsa'e abbi. I mangitou uapapa'ilingnga wuṛṛu nabbisara, “Eteudde apan aṛṛansanganne, soa apan raddaloannu runia?”

YEREMIA 15:15

Wua'udde i ya'u nabbisara, “Mawu, I'o ma'asunna. Naungewe, wuṛṛu ontol᷊ewe i ya'u. Wal᷊isete i mangitou apan mangngenggenna wuṛṛu mangngallangnga si ya'u. Ariewe tumaniten masabbare si mangitou ma'oman sara i mangitou wotongnge maapate si ya'u. Naungete manungku ana waugu I'o i ya'u nial᷊uandahanna.

DARALO 79:12

Oh Mawu, wal᷊isete walahanna udde anambone paapitu ana waugu anambon aal᷊uandagi mangitou su saruan-Nu.

DARALO 79:4

I yami naola'a paaeettu manga walahanna su al᷊indonganna, i mangitou nilumagge wuṛṛu mannappissi'a si yami.

NEHEMIA 4:4

Ne i ya'u niumal᷊iomante, “Oh Ruata, daringiṛṛewe ereapa i yami lallobbosanna! Lal᷊obbossa udde antimanna maṛṛia'a si mangitou sassane. Wala'e al᷊awo'u darotongngi mangitou aṛṛoanna wuṛṛu i mangitou sassane ṛuwoanna maola'a tawananna watukku wanua waine.

LUKAS 23:42

See i tou nabbisara, “Mawu Yesus, naungewe i ya'u, napawe I'o rumantate maola'a sangkatou Ratu!”

LAL᷊ALLU 2:20

Mawu, ellehete wuṛṛu panutukke i mangitou apan sassansaran-Nu udde! Apa piaddu suete apan niolang-Ngu aroddi? Inangnga niuminassa anangne sidutu apan arangnguanna, imam wuṛṛu nabi nipate sulal᷊ummu Wal᷊en-Nu apan susi.

LAL᷊ALLU 1:20

O, Mawu! Ellehewe i ya'u, naungku sussinggawanga wuṛṛu uasongkakka, naṛṛimunsa'a ana waugu al᷊al᷊eo'u dorone. Su manga lal᷊anna pia pamamate, sulal᷊ummu wal᷊en pia papate.

AYUB 10:9

Naungete manungku wuassu awun leta'a I'o na'ola'a si ya'u! Ṛatadde I'o na'ola'a apia si ya'u nabbal᷊i awu?

AYUB 7:7

Naungete, oh Mawu, wia'u tumba'u paassa sumangngo; lal᷊umanna'u nawul᷊i, tawe lannangnge.

NEHEMIA 1:8

Oh Mawu, naungewe manga wisara-Nu, manungku amungkangngu i yami, umattu Israel, tawe satia Si'o, i yami sarun isal᷊iwukku Mawu suwallattu manga walahanna waine.

NEHEMIA 1:3

I mangitou nabbatti'a manungku manga taumata wua niwuangnga apan buatte nabbelengnga watukku wanuane udde, orassa indi mabbiakka susa wuṛṛu lallobbosannu manga walahanna raho apan uatana'a maranine. See lai, manga darandungngu soa Yerusalem ta'e naṛṛimunsa'a uatal᷊eṛṛongnga wuṛṛu manga ngaran passallanganne taambe niola'a apia ro'en nisoṛṛobba sutempo nal᷊iu.

DARALO 119:153

Pa'ellege asasusa'u wuṛṛu sal᷊amatewe i ya'u, ana waugu i ya'u tawe manantangngu tita-Nu.

YESAYA 62:6

Su darandungngu Yerusalem i ya'u nangaddo mandariagga; allo ṛabbi i mangitou tawe wotongnge mangillol᷊o, arawe ṛinone uata'a mannaungnga Ruata su pa'aire apan buatte niolang-Nge.

LAL᷊ALLU 3:50

maddatingngu I'o, oh Mawu su surga, ual᷊u'adda si yami.

DARALO 74:18

Naungete ereapa seetta mallobbossa Si'o, oh Mawu, manga walahanna apan tawe maillal᷊a Si'o mangngadio'a aran-Nu.

YEREMIA 51:51

I yamiu mabbisara, ‘I yami haggeloanna wuṛṛu pappansilianna; i yamiu nasili ana waugu manga taumata raho ua'ianna su manga wabbo'a susi sulal᷊ummu Wal᷊en Mawu.’

LAL᷊ALLU 1:9

Al᷊al᷊eone aasiloanna ringannu matualaga arawe i tou tawe pandumma su apa apan sarun mariaddi su watanganne. Tumaniten bahewalla ahahohakke, arawe tawe saran sangkatou malluassa si tou. Ne i tou naddorongnga tatal᷊antuppa wuassu Mawu, ana waugu manga seenne naauntungke.

LAL᷊ALLU 1:11

Ringannu sussal᷊iomanna tumanangne maddea'a anna; saranapa maarega ipannal᷊iun mangitou roti, tumba'u tadea'u i mangitou sidutu wiakka wuṛṛu tawe mate. Yerusalem sinumal᷊ande, “Oh Mawu, ellehete i ya'u, intannoi'o al᷊awo'u asasusa'u.”