LAL᷊ALLU 4:19 - WUKE SUSI WATTI'U AL᷊AL᷊USASSA

¹⁹ Mangangenggenni yami tumaniten mal᷊ihakka mallihaṛṛanna wuassu manu'a rajawali. I mangitou mangngenggenna si yami su wowone, wuṛṛu nangampangnga si yami su wadda'u anne.

LAL᷊ALLU 4:19 Referans Kwoze

HABAKUK 1:8

Awal᷊o mallihaṛṛanna wuassu macan tutul, wuṛṛu maṛṛagisanna wuassu serigala apan mal᷊unussa. Tantaran awal᷊onne nirumanta wuassu manga wanua marau; i mangitou nirumanta naahil᷊idda asiaṛṛe apan nangapatta inanne.

YEREMIA 4:13

Pa'ellege, seetta sinumabbangnga ere winabbawa. Manga keretan pangalone ere anginna al᷊isusu, manga awal᷊one mallihaṛṛanna wuassu manu'a rajawali. Uare, i ite nasilakate! I ite matete!

HOSEA 8:1

Mawu nabbisara, “Patuntingia'e tatialan pangalo! Seetta namangalo wanua-Ku naal᷊ihidda asiaṛṛe nangametta inanne! Uma-U nilumawangnga paaire-U ringanni mangitou, wuṛṛu nilumawangnga manga tatantiro-U.

TAHIUL᷊E 28:49

Sambau walahanna apan tawe asunnanni yamiu wisarane sarun iaparantan Mawu wuassu pentakku runia iaparoappa si yamiu. Naal᷊ihidda manu'a iamba i mangitou mangametta si yamiu.

AMOS 2:14

Tumatal᷊angnga apan mal᷊ihakka lai sarun tawe maal᷊assangnga, taumata matohassa sarun awul᷊iannu ikkanne, wuṛṛu taumata waṛṛani tawe mapanal᷊amatta watanganne sassane.

IMAMATTA 26:36

Manga taumatanu apan uatana'a sulal᷊ummu pamuanganna su wanua waine, sarun Ta'u olaanna tumaniten matta'utta, na'oman sara tingikku rongnga apan nitiuppu anginna na'atal᷊anga si mangitou. I yamiu sarun tumal᷊anga naal᷊ihida a'enggenanna sulal᷊ummu pangalo, ana see nal᷊iundu'a salaiwe tawe seetta maraninu.

YEREMIA 16:16

Mawu nabbisara, “I Ya'u sarun mamaggo manambo samakka iapasametta manga taumata indi. Wua'udde i Ya'u mamaggo manambo matataṛṛia su iapasametta si mangitou suapan bowone wuṛṛu wuidda, wuṛṛu su manga loṛṛangngu wuidda watu.

LAL᷊ALLU 1:13

Wuassu langitta i Tou nanossokku putungnga apan manoṛṛoba sara lal᷊ummu naungku. I Tou nantaingngu sedda su saruangku na'oman sara i ya'u nul᷊ussa. Ana see niwala-Ne i ya'u sassane uatataṛṛangnga su al᷊o'engngu allo.

HOSEA 8:3

arawe i mangitou maddiri manengkamma apa apan mapia. Ana waugu udde i mangitou sarun enggenannu seetti mangitou.