LAL᷊ALLU 3:56 - WUKE SUSI WATTI'U AL᷊AL᷊USASSA

^56-57 I ya'u maddorongnga ringannu atonna ariewe manappingnga tal᷊inga-Nu su saruannu darorongku tadea'u I'o mantul᷊ungku. Ne aal᷊iomangku niraringiṛṛan-Nu, wuṛṛu I'o nirumanta nangundani'u; I'o nabbisara, ‘Arie passinggawanga.’

LAL᷊ALLU 3:56 Referans Kwoze

DARALO 55:1

Su piaṛṛa'u mangangantari. Ringannu nanalangnge kecapi. Antari al᷊aṛṛa'i Daud.

AYUB 34:28

Waugu i mangitou taumata asiangnga sussal᷊iomanna lal᷊uain mangitou niaringiṛṛannu Ruata.

ROMA 8:26

Aroddi lai Ghaṛṛahon Duata nirumanta mantul᷊ungngi ite amungkangngu i ite lome. Ana waugu i ite wagga ereapa ṛinone i ite umal᷊iomanna; Ghaṛṛaho udde sassane sumaruanna Ruata sumal᷊ande hunan kite ringannu ahewallu ṛintulu, na'oman sara tawe iawisara.

YESAYA 38:5

apia niapawelengnga ringanni Hizkia wuṛṛu namasingkattu tanata indi, “I Ya'u, Mawu, Ruata apan sassubbanni Daud al᷊amonanu, buatte naddaringikka aal᷊iomannu wuṛṛu na'ellega allo matanu. I Ya'u sarun manamba uukku mapul᷊o l᷊ima su tonnane lai.

DARALO 34:6

Taumata su asasusa mangngantimma si Tou wuṛṛu lulluassa, i mangitou taweddu pangiananne mabbal᷊i masili.

DARALO 66:19

Arawe Ruata naddaringikka si ya'u, i Tou nangonggolu darorongku.

DARALO 3:4

Arawe I'o, oh Mawu, naola'a allunga apan ual᷊indumma si ya'u. I'o nangonggolu auntunganna si ya'u, wuṛṛu nalluassa naungku.

2 TAWARIKH 33:19

Sulal᷊ummu wuke Watti'u Manga Nabi buatte niwoṛṛetta lai aal᷊iomanni Manasye wuṛṛu sasimbakku Ruata su aal᷊iomanna udde, see lai watti'u manga rosane tantal᷊anna i tou taambe awawal᷊u, manga tampa pasasubbanna paal᷊uanna wuṛṛu manga paal᷊uannu Monganni Asyera apan nilanginne, wuṛṛu manga monganna apan sassubbanne.

2 TAWARIKH 33:13

Ruata naddaringikka aal᷊iomanni Manasye wuṛṛu namelengngi i tou watukku Yerusalem iapaparenta apia. Ana waugu arariadianna udde Manasye nangimanna manungku Mawu eteudde Ruata.

DARALO 5:2

Oh Mawu, daringiṛewe manga wisara'u, ellehewe manga sasal᷊ande'u.

DARALO 5:3

Daringiṛewe sasal᷊ande'u wuṛṛu ontol᷊ewe i ya'u, oh Ratu'u wuṛṛu Ruata'u.

DARALO 55:2

Oh Ruata, daringiṛṛewe aal᷊iomangku, ariewe tawe maddaringikka sasal᷊ande'u.

DARALO 55:18

Allo ṛabbi i ya'u sussal᷊iomanna wuṛṛu lulluai, wuṛṛu i Tou naddaringikka tingi'u.

DANIEL 9:17

Oh Ruatan kami, daringiṛṛewe aal᷊iomanna wuṛṛu sasalande'u. Welengaawe wal᷊e-Nu apan buatte niniṛṛimunsa'a udde, apiate tadea'u anambon taumata masingkatta manungku ete I'o Ruata.