LAL᷊ALLU 3:40 - WUKE SUSI WATTI'U AL᷊AL᷊USASSA

^40-41 Mappianne i ite manaṛṛassidda wiakki ite, wuṛṛu mabbelengnga ringannu Mawu Ruata su surga. Wette i ite mamu'a naungnga wuṛṛu umal᷊iomanna,

LAL᷊ALLU 3:40 Referans Kwoze

2 KORINTUS 13:5

Annama'o i yamiu maannammu watanganni yamiu sassane, apa i yamiu atonna-tonna mabbiakka ana waugu mangngimanna si Kristus! I yamiu sarun maatutukka manungku Kristus Yesus udde sulal᷊ummu naungngi yamiu! – waine lai olangnge amungkangngu i yamiu tawe mangngimanna atonna-tonna.

DARALO 119:59

I ya'u buatte naṛṛingiddu pallal᷊aghu'u, wuṛṛu maddiandi sarun tumuṛṛutta parenta-Nu.

DARALO 4:4

Ṛinone i yamiu masingkatta, Mawu buatte namile hunan batangan-Ne sangkatou apan arangnguan-Ne. Mawu naddaringikka napawe i ya'u sumal᷊ande si Tou.

YESAYA 55:7

Ṛinone taumata lal᷊eo mangapia pabbiaṛṛanne, wuṛṛu mamal᷊u lal᷊annu ṛingidde. Wala'e i tou mabbelengnga ringannu Mawu, wuṛṛu maasomba darangngu-Ne. Ṛinone i tou mabbal᷊i'a ringannu Ruatan kite, ana waugu Mawu mangampungnga ringannu naungnga awasa.

HOSEA 6:1

Manga taumatan Israel nabbisara, “Wette i ite mabbelengke ringannu Mawu. Ete i Tou apan mannansara si ite, arawe ete i Tou apan sarun mangapia. I Tou apan nallassa, arawe i Tou lai apan sarun mami'unna manga lessang kite.

1 KORINTUS 11:28

Nariaddi, suapan taumata ṛinone mamarikissa ririne paarorone, wua'udde i tou wotongnge umanna roti wuṛṛu ma'inumma anggore udde.

1 KORINTUS 11:31

Arawe amungkangngu i ite mamarikissa wadangngi ite rorone, i ite tawe iṛṛuumannu Ruata.

2 TAWARIKH 30:6

Wuassu parentan datu wuṛṛu manga mamanaran araratuanne manga daroloṛṛanna nirolokke watukku ahewallu leta'u Yehuda wuṛṛu Israel niapaapiddu manga suratta apan tingikke ereindi: “Tumana'u Israel! I yamiu napallosse wuassu taṛṛinon taumatan Asyur. Orassa indi yamiu ṛinone mabelengnga mangaddatta Mawu, Ruata apan sassubbanni Abraham, Ishak wuṛṛu Yakub, tadea'u i Tou lai mabelengnga mangontolla si yamiu apia.

YEHEZKIEL 18:28

I tou buatte naatutukka al᷊awo'u inolaanne ana see nangillol᷊ote ma'ola'a rosa. Ringannu aroddi i tou sarun tawe mate, ewe'e sidutu wiakka.

2 TAWARIKH 30:9

Amungkangu i yamiu mabelengnga mattaṛṛamawu su Mawu, ne manga taumata apan nangapiddu manga tuṛṛangngu naola'a taumata niatawanna, sarun umakkanna wuṛṛu mamalan mangitou iapapul᷊e apia. Mawu Ruatanu eteudde Ruata apan mapia wuṛṛu marangngu; i Tou sarun manarimmatti yamiu amungkangu i yamiu mabelengnga apia ringanni Tou.”

TAHIUL᷊E 4:30

Amungkangngu i yamiu aṛṛiaannu al᷊al᷊eo udde, wuṛṛu i yamiu udde lai sulal᷊ummu asasusa, ne i yamiu sarun mabelengnga ringannu Mawu Ruatanu wuṛṛu tuttuṛṛutta si Tou.

WATTI'U MANGA RASUL 26:20

Ringannu uahahatti ya'u namasingkatta su manga taumata manungku i mangitou ṛinone mawal᷊u wuassu manga rosa mangitou, wuṛṛu manantillu wadangngi mangitou su Ruata see lumiatta'a sulal᷊ummu wiakki mangitou manungku i mangitou nawal᷊ute wuassu manga rosa mangitou. I ya'u namasingkattu watti'a udde paarorone su Damsyik, wua'udde su Yerusalem wuṛṛu su ahewallu Yudea wuṛṛu su wallattu manga taumata apan wal᷊ine Yahudi.

HOSEA 12:6

Ruata udde eteudde Mawu Apan Lembon Taṛṛino. Aran-Ne eteudde Mawu. Ete ringannu aranna udde i Tou mappandumma taumata mattaṛṛamawu si Tou.

HOSEA 5:15

Uma-U sarun Ta'u itantangnga ma'oman sara i mangitou natimute uatataṛṛangnga ana waugu manga rosane, wua'udde rumanta maddea'a si Ya'u. Asinungka sulal᷊ummu asasusane, i mangitou sarun mattinsahadda maddea'a si Ya'u.”