LAL᷊ALLU 3:39 - WUKE SUSI WATTI'U AL᷊AL᷊USASSA

³⁹ Anio taumata sidutu sussal᷊iomanna napawe i tou iṛṛuumanna ana waugu manga rosane?

LAL᷊ALLU 3:39 Referans Kwoze

MIKHA 7:9

I ite narosate su Mawu, ana waugu udde orassa indi i ite ṛinone mamendamma asasa'u-Ne. Arawe tate mal᷊annu lai i Tou sarun manamba'a si ite wuṛṛu mangonggollu atatul᷊idda si ite. i Tou sarun mangapiddi ite sumabbangnga watukku asasemakka; i ite sarun maapendamma sassane manungku i Tou nanal᷊amatta si ite.

AMSAL 19:3

Taumata mandugi watanganne sassane ana waugu awawoddone, wua'udde mapasal᷊an Mawu su olangnge udde.

YEREMIA 30:15

Imbaṛṛangnga sumal᷊iomanna su ola'u manga lessanu, ana waugu i yamiu tawe antimma mapia. I yamiu Ta'u iṛṛuumanna aroddi ana waugu manambote rosanu wuṛṛu wahewalla pasasal᷊annu.

LAL᷊ALLU 3:22

Tatal᷊antuppu Mawu uatatana'a sarangkal᷊o'enge, darangngu-Ne tawe masue,

YESAYA 51:20

Suapan pentakku lal᷊anna manga taumatanu nal᷊iundu'a niasueannu ikkatta ere rusa apan nul᷊ussa su pu'itta. I mangitou naṛṛiaannu asasa'u Mawu, wuṛṛu naṛṛinoannu lal᷊imbuakku Ruatanu.

AYUB 11:6

Wuṛṛu antimanna i'o pasingkatannu Ruata, manungku asingkatta udde manambo lihidde, wuṛṛu tawe asunnannu taumata. Ne i'o naatutukke manungku asasusanu udde tawe tumani, isumandingu ṛuumanna apan ṛinone sengkamannu.

EZRA 9:13

I yami buatte na'ola'a rosa wuṛṛu nilumawangnga tita-Nu, wuṛṛu I'o buatte nakkuumanni yami. Arawe yami masingkatta, oh Ruatan kami, manungku ṛuumanna apan nionggollu Mawu udde tawe tumanin mawakkatta apan ṛinone sengkamanni yami, ewe'e I'o ta'e lai nanalamatta si yami.

2 MARARATU 6:32

Ana see ratu nandolokku sangkatou niapal᷊iuṛoro wuassi tou watukku wal᷊en Elisa. Tempo udde i Elisa tantal᷊anna su wal᷊en, wuṛṛu manga pira matatimmadu soa tantal᷊anna mattindaho isudde. Tantal᷊anna daroloṛannu ratu udde taambe na'oma, i Elisa nabbisara su matatimmadu soa udde, “Panutukke! Taṛṛa pate udde udde nandolokku taumata iapapate si ya'u. Amungkangu taumata udde na'omate isindi, ṛuura'a ngara, wuṛṛu i tou arie paasutta'a. Panginsueanne ratu sarun dumanta sassane.”

2 MARARATU 3:13

“Anio maitul᷊unga si ya'u?” wisaran Elisa su ratun Israel. “Roote su manga nabin hagurangngu!” “Tawe!” sasimbakki Yoram. “Ana waugu ete Mawu apan nakkiinna manantilli yami siri tallu su ratun Moab.”

REENGANNA 17:12

Ana see taumatan Israel nabbisara si Musa, “Amungkangngu aroddi, nasilakate yami! Yami sarun mate!

REENGANNA 11:11

Ne i tou nabbisarate Mawu, “Anio I'o napaasusa'u arendi? Apa I'o tawe mal᷊uassa si ya'u? Anio I'o manantillu manara iapariaga anambon taumata udde si ya'u?

IMAMATTA 26:43

Arawe leta'a udde ṛinone iapasal᷊iu asuene tumanange, tadea'u atonna-tonna maaillol᷊o. Wuṛṛu al᷊aṛana-U sarun maapendamma anambon ṛuumanna apan Ta'u iaparanta si mangitou ana waugu maddiri tumuṛutta manga atoranna wuṛṛu manga parenta-U.

IMAMATTA 26:41

na'oman sara i Ya'u lumawanga si mangitou wuṛṛu mallimbuakka si mangitou watukku pamuanganna su wanuan manga seetti mangitou. Panginsueanne, amungkangngu papapulunnu niawadote wuṛṛu buatte napaamattu ṛuumanna ana waugu rosan wuṛṛu lal᷊awangi mangitou,

SONDAPPA 16:9

Taumata natutungngu sal᷊ihangnge, wuṛṛu i mangitou namontoga arannu Ruata, apan uataṛṛino manga asasusa udde. Salaiwe aroddi, i mangitou maddiri mawal᷊u wuassu manga rosa mangitou wuṛṛu maddiri maddalo awawantugu Ruata.

REENGANNA 16:41

Tiṛṛabbine anambon ṛuangannu Israel massa'u si Musa wuṛṛu si Harun. I mangitou nabbisara, “Iraddua buatte namate ṛuangannu Mawu.”

DARALO 107:17

Piaddu longonna wuṛṛu uatataṛṛangnga ana waugu manga rosan mangitou, wuṛṛu nisansaranna ana waugu pasasal᷊an mangitou.

2 MARARATU 6:33

I Elisa taambe nuddussa mabbisara, ratu na'omate isudde wuṛṛu nabbisara, “Asasusa indi niema'u Mawu si ite! Nariaddi, ipa'ura lai ya'u mangantimma i Tou mangontola?”

AYUB 15:13

i'o nasa'u su Ruata wuṛṛu lullawangnga.

YEREMIA 10:19

Tumana'u Yerusalem mangngintul᷊i, “I yami nal᷊essa wahewalla wuṛṛu tate mapia. Dorone i yami massunna manungku asasusa indi wotongnge i yami maapasanna, wutte'e tawe.