LAL᷊ALLU 2:22 - WUKE SUSI WATTI'U AL᷊AL᷊USASSA

²² I'o namaggo manga seetta apan iaata'utti yami niapaola'a andeangngu araṛṛagissa su tampan kami. I mangitou namate sarangkanambone apan papadul᷊iananna wuṛṛu arangnguanni yami. Su allo asasa'u-Nu, tawe saran sangkatou apan wotongne tumal᷊angngu watanganne.

LAL᷊ALLU 2:22 Referans Kwoze

YEREMIA 6:25

I mangitou tawe waṛṛani lumintukka watukku lal᷊anna ara'e inai su wailla, ana waugu suapan tampa seetta apan pia ahidde sidutu mammate.

DARALO 31:13

I ya'u tinimbul᷊iananna naal᷊ihidda taumata nate, wuṛṛu nabbal᷊i ere saranapa nirammete.

YEREMIA 46:5

Arawe i Ya'u, Mawu, ma'asilo si mangitou sinumoṛṛotta matta'utta. Manga tantara mangitou niwaddo, wuṛṛu tinumal᷊angngu atata'utta ringannu tawe nanaille liudde.

YEREMIA 20:3

Rua'allo manansunna napawe i Pasyhur namallo'u wuasasu mantungnga, i ya'u nabbisara si tou, “Aranna apan ionggollu Mawu si'o wal᷊ine Pasyhur, arawe ‘Pangalo su al᷊awo'u tampa’.

TAHIUL᷊E 28:18

Niawontohante i yamiu, na'oman sara tumba'u matul᷊u anangngu, hessin letangngu, see lai ambinga dombanu.

YESAYA 28:19

I yamiu sarun aṛṛiaannu asasusa mal᷊annu-l᷊annu wuṛṛu ṛinone maola'a bawawanna mamiallo, maruallo, allattune wuṛṛu ṛabbi. I yamiu sarun mangindon atata'utta napawe i yamiu maasunna tanatan Duata.

YEREMIA 11:11

Ana waugu udde, i Ya'u, Mawu, mapanaungnga manungku i Ya'u sarun mandantan asasilaka si mangitou wuṛṛu i mangitou tawe maal᷊inda'a. Amungkangngu i mangitou mailal᷊are maiontolla si Ya'u, i Ya'u maddiri maddaringikka.

YEREMIA 44:7

Wuṛṛu orassa indi Ya'u, Mawu Apan Lembontaṛṛino, Ruatan Israel, maiwal᷊o anio i yamiu ma'ola'a inolaanna apan maarantan asasilaka apan bahewalla su watangannu. Apa i yamiu mappulu mamate anambon taumata – esakka, wawine, al᷊aṛṛana'a, wuṛṛu ana'a ta'e addio'a – ma'oman tawe saran sangkatou wuassu walahannu apan mallambe?

2 TAWARIKH 36:17

Mawu nangal᷊oren naungngu ratun Babel tadea'u mamangalo si mangitou. Ratu udde namate taumatan Yehuda apan ta'e saṛṛen tumuwo, nasutta lai i mangitou isudde su Wal᷊en Mawu. I Tou niumakkannu saran sangkatou, mawae ete timmadde ara'e dario'a, esakka ara'e wawine, mapia ara'e maradda'a. I mangitou sarangkanambone tinatillu Ruata su ratun Babel.

YEREMIA 14:19

Mawu, apa Yehuda buatte nito'e-Nu atonna-tonna wuṛṛu tumana'u Sion iaarantin-Nu? Anio aroddi aikkanne I'o namuulla si yami na'oman sara i yami tate lai mapia? Tate gunane i yami maddea'a paddarame, tate gunane i yami mangngantimma aaul᷊en baddangnga, ana waugu nallambe ete tumba'u araṛṛagissa.

YEREMIA 21:7

I'o wuṛṛu manga mammamanaran araratuannu see manga taumata apan naatal᷊angnga wuassu pangalo, ṛutumma wuṛṛu al᷊aṛṛusa'itta, sarangkanambone sarun Ta'u iwala sametanni Ratu Nebukadnezar wuṛṛu manga seetta apan mappulu mamate si yamiu. I Nebukadnezar sarun mamate si yamiu sarangkanambone ringannu tawe ampungnge wuṛṛu tawe aakanne. I Ya'u, Mawu, buatte nabbisara.”