LAL᷊ALLU 1:5 - WUKE SUSI WATTI'U AL᷊AL᷊USASSA

⁵ Manga seenne lullala'a ana waugu napamarenta si mangitou. Mawu na'ola'a i tou uatataṛṛangnga, ana waugu tumaniten manambo rosane. Tumanangnge buatte nitawanna, wuṛṛu niapidda su pamuanganna.

LAL᷊ALLU 1:5 Referans Kwoze

YEHEZKIEL 9:9

Ruata sinumimbakka, “Manga taumatan Israel wuṛṛu Yehuda buatte na'ola'a rosa apan bahewalla. I mangitou na'ola'a pamamate su al᷊awo'u tampa, wuṛṛu Yerusalem nikotorannu al᷊al᷊eo. I mangitou mabbisara manungku i Ya'u, Mawu, buatte nanantangngu wanua indi na'oman sara tate maasilo inolaanni mangitou.

YEREMIA 39:9

Panginsueanne tumanangnge apan nallambe su soa, suadio'a ringannu manga taumata apan tinumal᷊angnga su samba'an taumatan Babel, niapiddi Nebuzaradan watukku Babel, tembonannu tantaran Babel.

LAL᷊ALLU 3:46

I yami aal᷊uandahannu anambon seetti yami wuṛṛu ilallagge;

LAL᷊ALLU 2:17

Mawu buatte napaamattu wawansa-Nge apan dorone niṛṛiinna wuṛṛu niapanaung-Nge si ite. I ite niṛṛimunsa-Ne ringannu tawe aakkanna, seetta nionggol᷊an-Ne auntunganna. I Tou na'ola'a si mangitou lulluassa naasilo ananawon kite.

LAL᷊ALLU 1:18

Arawe ete Mawu apan naṛṛino, ana waugu parenta-Ne ta'ute nil᷊awanganna. Daringiṛṛewe i ya'u, ei manga walahanna, ellehete i ya'u apan uatataṛṛangnga. Manga umbasanna wuṛṛu maṛṛuala'u niatawanna, wuṛṛu niapidda watukku pamuanganna.

YEREMIA 23:14

Arawe su Yerusalem i Ya'u naasilo manga nabi ma'ola'a lembon al᷊al᷊eoanne lai. I mangitou mammahia wuṛṛu sussandaga, see mannasa taumata apan ma'ola'a al᷊al᷊eo, na;oman sara taweddu sangkatou apan mawal᷊u. Si Ya'u i mangitou sarangkanambone lal᷊eo ere tumana'u Sodom wuṛṛu Gomora.”

YEREMIA 12:7

Mawu nabbisara, “Tampa atatanaang-Ku tate lai iṛṛingi-U, wanua apan maola'a pussa'a-U buatte nitantang-Ku, wuṛṛu uma-U apan arangnguang-Ku buatte Ta'u nitantilla su lima manga seenne.

YEREMIA 5:29

Arawe, i Ya'u, Mawu, sarun makkuumanni mangitou ana waugu sarangkanambone udde; i Ya'u sarun mabbal᷊issa manga inolaannu walahanna indi.

YESAYA 63:18

Anio niwala-Nu seetta mangke makkinda Wal᷊en-Nu, wuṛṛu manga taumata mandal᷊eo wuid-Du apan susi?

DARALO 89:42

Anambon taumata apan sinumabbi nangaṛṛo darotongnge, i tou nabbal᷊i paaeettu al᷊indonganne.

DARALO 80:6

I'o napal᷊uain kami su ala'uanna, allon mata lakkubasanna maola'a ua'e inumanna.

TAHIUL᷊E 31:29

I ya'u masingkatta manungku napawe i ya'u natete, manga taumata udde sarun mabbal᷊i lal᷊eo wuṛṛu maddiriten al᷊aṛṛa'a apan buatte ta'u niaṛṛa'a si mangitou. Wuṛṛu i mangitou sarun aṛṛiaannu asasusa, ana waugu naasa'u Mawu ringannu na'ola'a sarangkanambone apan isassingaddi Tou.”

YESAYA 22:5

Atonna, Mawu Apan Lembonmatanggakka wuṛṛu Lembontaṛṛino buatte nanantunnu allo indi maola'a allon patatiakka, atata'utta wuṛṛu pabbawawul᷊o su Wawal᷊annu Sondappa. Manga tanda'u watun soa buatte niṛṛa'a. Aintul᷊i ma'iontolla nunnalunna su manga wuidda.

YEREMIA 10:20

Rasanni yami nahohakka, manga tal᷊ine nabassutta abbi. Tateddu lai apan botongnge mapararisikku rasanna wuṛṛu mangele manga mal᷊aṛṛenenge, ana waugu al᷊aṛṛana'a inaite aroddi.”

LAL᷊ALLU 1:8

Yerusalem malluhudda watanganne sassane ringannu ma'ola'a manambo rosa apan maarantinna. Sarangkanambone apan dorone mangngaddatta si tou, orassa indi mangngal᷊uandaga ana waugu naasilo uatantol᷊ene. I tou sussal᷊iomanna, ana waugu inawul᷊ianten hatine.

YEHEZKIEL 9:10

I ya'u tate umakkanni mangitou. Sarun Ta'u olaanna si mangitou apa apan niola'i mangitou su taumata waine.”

2 MARARATU 21:15

Sarangkanambone sarun Ta'u olaanna su saruannu walahangKu ana waugu i mangitou buatte na'ola'a rosa su saruang-Ku wuṛṛu nandal᷊eo naungku ro'en al᷊amonan mangitou sinumabbanga wuassu Mesir naddatingngu allo indi.”

LAL᷊ALLU 1:16

Ana waugu udde allon mata'u mappinapi, taweddu mangonggollu sasasa ara'e al᷊al᷊uassa. Walahangku niawul᷊ianten al᷊awo'a, ana waugu seetta lembon uataṛṛino.