LAL᷊ALLU 1:22 - WUKE SUSI WATTI'U AL᷊AL᷊USASSA

²² Ellehete anambon al᷊al᷊eon mangitou udde, wuṛṛu ola'e i mangitou ere lai I'o na'ola'a si ya'u, ana waugu anambon rosa apan ta'u niola'a su saruan-Nu. I ya'u sussal᷊iomanna sulal᷊ummu radda'a, naungku massusa wuṛṛu maddunde.”

LAL᷊ALLU 1:22 Referans Kwoze

YEREMIA 8:18

Naungku na'iṛṛitta wuṛṛu maṛṛagge, asasusa'u tawe aundumanna.

SONDAPPA 6:10

I mangitou u'ui ringannu tingikki mangitou apan ma'ikkatta, “Oh Mawu Lembon Taṛṛino, apan susi wuṛṛu naṛṛino! Pirang katempo lai al᷊annune I'o mamarikissa lal᷊oṛṛon runia wuṛṛu maṛṛuumanni mangitou ana waugu suete namate si yami?”

EFESUS 3:13

Ana waugu udde darorongku eteudde: arie paasinggawangnga su ola'u asasusa'u indi ana waugu i yamiu, ana waugu sarangkanambone udde hunan apapianu.

LUKAS 23:31

Ana waugu amungkangngu matataṛṛino su alu ta'e wiakka, taumata suete na'ola'a ereindi, apa lai sarun olaanni mangitou su alu apan naṛṛangute!”

LAL᷊ALLU 5:17

Wowon Sion nallannabba wuṛṛu nitantangnga; poiaroddi asun ahuranganna pasi lallele. Ana waugu udde naungngi yami nasusa, i yami lulluai na'oman sara aellegi yami mal᷊abbukke.

LAL᷊ALLU 1:13

Wuassu langitta i Tou nanossokku putungnga apan manoṛṛoba sara lal᷊ummu naungku. I Tou nantaingngu sedda su saruangku na'oman sara i ya'u nul᷊ussa. Ana see niwala-Ne i ya'u sassane uatataṛṛangnga su al᷊o'engngu allo.

YEREMIA 51:35

Tumana'u Sion, wal᷊oa'e, “Antimanna Babel aṛṛiaannu araṛṛagissa apan niolangnge si ite!” Tumana'u Yerusalem, wal᷊oa'e, “Antimanna Babel aṛṛiaannu asasusa apan niolangnge si ite!”

YEREMIA 18:23

Arawe I'o, Mawu, masingkattu sarangkanambone apan ihagol᷊agi mangitou ipanginsue niawa'u. Ana waugu udde, arie mangampungnga si mangitou; arie pamappassa pasasal᷊a mangitou. Puulle i mangitou ma'oman sara manawo. Pandonate si mangitou sulal᷊ummu asasa'u-Nu.”

YEREMIA 10:25

Sabbanga'e asasa'u-Nu su manga walahanna apan tawe manga'u Si'o wuṛṛu apan tawe mattaṛṛamawu Si'o. Ana waugu i mangitou buatte namate uman-Nu sara nasue wuṛṛu nanggohakku wanuang kami.

YESAYA 13:7

Suapan taumata sarun maapendamma lome limane wuṛṛu awul᷊iannu awawaṛṛanine.

DARALO 143:7

Paal᷊ihakkawe sumimbakka si ya'u, oh Mawu, ana waugu i ya'u tate antimma. Ariewe pa'imbunie i ya'u, tadea'u i ya'u tawe ere taumata apan sinumossoke su runian papate.

DARALO 79:10

Arie pabbala'a walahanna waine maiwalon kami, “Suapate Ruatan mangitou?” Wala'ewe i yami maasilo wawal᷊inne su walahanna apan namate manga allang-Ngu.

YEREMIA 30:16

Arawe orassa indi sarangakanambone apan nangaluppa si'o sarun allupanna, wuṛṛu anambon seennu sarun ṛootanna su pamuanganna. I Ya'u sarun mangallanga iangana'a apan nangallanga si yamiu, i Ya'u sarun mangaṛṛo si sai apan nangaṛṛo si yamiu.