LAL᷊ALLU 1:13 - WUKE SUSI WATTI'U AL᷊AL᷊USASSA

¹³ Wuassu langitta i Tou nanossokku putungnga apan manoṛṛoba sara lal᷊ummu naungku. I Tou nantaingngu sedda su saruangku na'oman sara i ya'u nul᷊ussa. Ana see niwala-Ne i ya'u sassane uatataṛṛangnga su al᷊o'engngu allo.

LAL᷊ALLU 1:13 Referans Kwoze

HABAKUK 3:16

Naaringikka udde, naungku mangngiladda wuṛṛu wiwi'u mangngindo. I ya'u nabbal᷊i lome tate ikkata, ledda'u mattara, suapa i ya'u umamatta. I ya'u sarun maṛṛaddo ringannu matammudda ṛuumannu Ruata su taumata mammangalo.

AYUB 30:30

Pisin baddangngu nabbal᷊i ma'itumma; waddangku natutungngu sal᷊ihamma.

YEHEZKIEL 17:20

I Ya'u sarun mamataddu soma ipanametta si mangitou. I tou sarun Ta'u iapidda su Babel wuṛṛu Ta'u iṛṛuumanna poiaroddi, ana waugu i tou tawe satia si Ya'u.

DARALO 22:14

I mangitou sinumaruanna si ya'u ringannu moṛṛongnga uanganga, naal᷊ihidda singa mammasingnga wuṛṛu tumambote.

AYUB 19:6

Ṛinone i yamiu masingkatta manungku i ya'u tantal᷊anna sassansarannu Ruata, wuṛṛu nisametta sulal᷊ummu sedda-Ne.

IBRANI 12:29

Ana waugu Ruatang kite ere putungnga apan maatutungnga.

NAHUM 1:6

Isai wotongnge maataṛṛangnga amungkangngu Mawu masa'u? Taweddu maatal᷊angnga wuassu asasa'u-Ne? I Tou napaasabbangngu asasa'u-Ne apan lukkenggamma watu naṛṛimunsa'a wuṛṛu nabbal᷊i awu su saruan-Ne.

YEHEZKIEL 12:13

Arawe i Ya'u sarun mantaingngu soma-U ipanametta si tou. See Ta'u iapidda i tou su soan Babel, wuṛṛu poiaroddi i tou sarun nate ringannu tawe maasilo soa udde.

DARALO 66:11

I'o namalan kami nul᷊ussa su sedda, wuṛṛu I'o nangonggolu winabbawa apan mawakkata.

2 TESALONIKA 1:8

wuṛṛu ringannu putungnga apan mabbanala. I Tou sinumossoka maṛṛuumannu manga taumata apan tawe mangngimanna Ruata wuṛṛu maddiri mabbiakka su apulun Watti'u Al᷊al᷊uassa su ola'u Mawun kite Yesus Kristus.

HOSEA 7:12

Arawe suapan i mangitou sumabbi, i Ya'u sarun mantaingngu sedda wuṛṛu manamentta si mangitou ere taumata manametta manu'u winalanganna. I Ya'u sarun makkuumanni mangitou ana manga al᷊al᷊eon mangitou apan buatte Tau niasingkatanna.

YEHEZKIEL 32:3

Sutempo manga walahanna uaammulla, i Ya'u sarun manametta si'o ringannu soma-U, wuṛṛu mamalan manga walahanna udde wol᷊engannu watukku ammaranne.

LAL᷊ALLU 5:17

Wowon Sion nallannabba wuṛṛu nitantangnga; poiaroddi asun ahuranganna pasi lallele. Ana waugu udde naungngi yami nasusa, i yami lulluai na'oman sara aellegi yami mal᷊abbukke.

LAL᷊ALLU 1:22

Ellehete anambon al᷊al᷊eon mangitou udde, wuṛṛu ola'e i mangitou ere lai I'o na'ola'a si ya'u, ana waugu anambon rosa apan ta'u niola'a su saruan-Nu. I ya'u sussal᷊iomanna sulal᷊ummu radda'a, naungku massusa wuṛṛu maddunde.”

YEREMIA 44:6

Ana waugu udde i Ya'u napasabbangngu asasa'u-U wuṛṛu al᷊al᷊eo naung-Ku su manga soan Yehuda wuṛṛu manga lal᷊anna su Yerusalem. Sarangkanambone Ta'u nisoṛṛobba na'oman sara nabbal᷊i ete manga tuidda wuṛṛu nal᷊ol᷊okka ere lai aellehanna orassa indi.

YESAYA 42:17

Taumata apan mangngimanna su paal᷊uanna sassubbanna wuṛṛu mangnga'u udde maola'a mawu mangitou, sarun lobbosanna wuṛṛu pansilianna.”

DARALO 129:5

Wala'ewe suapan taumata apan maddantinnu Sion iawaddo wuṛṛu iapatal᷊angnga.

DARALO 35:4

Wala'e taumata apan maapulu mamate si ya'u iawaddo wuṛṛu pansilianna. Wala'e taumata apan ma'ire mando'apa si ya'u sumuṛṛotta ringannu nial᷊iwune.

DARALO 31:10

Akkanaawe i ya'u, oh Mawu, ana waugu i ya'u sulal᷊ummu asasusa; mata'u mapal᷊atta ana waugu lulluai, wadangnga wuṛṛu niawa'u maggingge.

AYUB 18:8

I tou niumamatta sulal᷊ummu soma, ne leddane naaitte.

TAHIUL᷊E 28:65

Suwallatu manga walahannu udde i yamiu tawe maasomba atatammudda, wuṛṛu tawe apan botongnge isaggo pussaanu; Mawu sarun ma'ola'a si yamiu sussal᷊impawakka wuṛṛu naungnga maadio'a tawe antimma.

DARALO 38:8

Sal᷊iubba mannutungnga wadangku, taweddu pia lal᷊umannange su waddangku.

DARALO 140:5

Oh Mawu, liuaawe i ya'u wuassu taṛṛinon taumata lal᷊eo, riagaiwe i ya'u su saruannu taumata apan mandantan pabbawawul᷊o apan pia pandumma mangema'u.

SASABANGNGA 12:9

Ana'u domba udde ṛinone pangganganna tal᷊impu'u suadio'a ringannu puane, leddane wuṛṛu lal᷊oṛṛon tianne. Inasse remene apan buatte nipangganga udde, arie piaddu uminassa tata ara'e itunna.

LAL᷊ALLU 3:11

Nienggenan-Ne i ya'u sara sinumewadda wuassu lal᷊anna, ana see i ya'u niwaṛṛangassa wuṛṛu nitantangnga.