KOLOSE 4:3 - WUKE SUSI WATTI'U AL᷊AL᷊USASSA

³ I yami lai aal᷊iomana'a tadea'u Ruata mangoggolu allo mapia si yami manal᷊iawukku watti'a su ola'a addapingingi Kristus. Ana waugu olangnge udde ne i ya'u orassa indi uatana'a sulal᷊ummu tuttupanna.

KOLOSE 4:3 Referans Kwoze

WATTI'U MANGA RASUL 14:27

Napawe na'omate su Antiokhia, i mangitou nangammullu manga taumata wuassu jamaatta udde, see nabatti'u sarangkanambone apan suete niola'u Ruata sulal᷊ummi mangitou. I mangitou nabbati'a lai su ola'u ereapa Ruata suete namantingidu lal᷊anna tadea'u manga taumata apan bal᷊ine Yahudi mangngimanna Mawu Yesus.

KOLOSE 1:26

eteudde watti'a ro'en al᷊amonane apan sidutu iaadappingu Ruata su anambon taumata, arawe orassa indi niapaal᷊iatta'a su al᷊aṛṛanang-Nge.

2 KORINTUS 2:12

Su tempo i ya'u na'omate su Troas ringannu pandumanna mabbatti'u Watti'u Al᷊al᷊uassa su ola'i Kristus, Mawu buatte namu'a lal᷊anna si ya'u ipammanara su tampa udde.

2 TIMOTIUS 2:9

Ana waugu mabatti'u Watti'u Al᷊al᷊uassa udde, i ya'u natataṛṛangnga; ewe'e lai na'oman sara niṛṛapussa ere sangkatou taumata lal᷊eo. Arawe wisaran Duata tawe iaṛṛapussa.

FILIPI 1:7

Atonna su tampane i ya'u pia apendamma ereudde su saruanni yamiu, ana waugu i yamiu sarangkanambone sidutu marani su naungku. Ana waugu i yamiu lai suadio'a ringangku, nanengkamma al᷊amatta apan nionggolu Ruata si ya'u: mapia orassa indi tantal᷊anna i ya'u sulal᷊ummu tuttupanna ara'e lai su tempo i ya'u su liudde ana waugu mangngesakku Watti'u Al᷊al᷊uassa udde.

EFESUS 4:1

Ana waugu udde i ya'u – sangkatou taumatan ṛuumanna, apan nitaṛṛanganna ana waugu mangngimbe Mawu – sussal᷊ande si yamiu: pabbiakke uasulungngu ere io sangkatou taumata apan suete niwagoannu Ruata.

1 KORINTUS 16:9

Manambo allo'u isindi ipammanara manara apan pia gunane, salaiwe manambo lai taumata mannal᷊are.

1 KORINTUS 4:1

Ellehete i yami indi mangangimben Kristus, apan uapasanna manara mabbatti'u manga pandumannu Ruata apan taambe niasingkatannu runia.

1 TESALONIKA 5:25

Al᷊iomana'a i yami, manga tuṛṛangnga!

MATIUS 13:11

Mawu Yesus sinumimbakka, “Ana waugu i yamiu suete nionggol᷊annu al᷊amatta ipani'attu addapingnga su ola'u ereapa Ruata mamarenta, arawe i mangitou tawe nionggol᷊anna.

FILEMON 1:22

Tantal᷊anna udde tul᷊unga'a i ya'u saddiai wabbo'a su wal᷊enu, ana waugu i ya'u mangngantimma Ruata sarun maddaringikka aal᷊iomannu manga tuṛṛangnga sarangkanambone wuṛṛu mangapi'u apia ringanni yamiu.

FILIPI 1:19

ana waugu i ya'u masingkata manungku ringannu manga aal᷊iomannu udde wuṛṛu ringannu sasumbala Ghaṛṛahon Yesus Kristus, i ya'u sarun ipallosa.

2 TIMOTIUS 1:16

Arawe lal᷊oṛṛon bal᷊en Onesiforus masokkate malluassa naungku. Doronganna Mawu mapaal᷊iatta'u darangngu-Ne si mangitou. Salaiwe i ya'u sulal᷊ummu tuttupanna, Onesiforus tawe masilin inolaangku udde.

EFESUS 3:1

Ana waugu udde i ya'u Paulus, nitaṛṛo su tuttupanna ana waugu Kristus Yesus maola'a hunan kamiu taumata wal᷊ine Yahudi.

ROMA 16:25

Daralo su Ruata! I Tou uataṛṛino mannohassa pangangimannu tuṛṛangnga nassul᷊ungngu Watti'u Al᷊al᷊uassa wuassu Ruata apan ta'u iapaasingkatta su ola'u Yesus Kristus. I ya'u namasingkatu watti'a udde nassul᷊ungngu ere apa apan niapaal᷊iatta'u Ruata; eteudde su ola'u paa'apulun Ruata apan mal᷊annute awaganannu taumata.

EFESUS 3:3

Ruata namasingkattu addapingngu manara-Ne wuṛṛu nabal᷊o si ya'u. (Su olangnge indi suete ta'u niwoṛṛeta al᷊iu rosone ringannu maautta,

EFESUS 3:4

wuṛṛu amungkangu i yamiu mabbasa, i yamiu sarun maasunna addapingi Kristus ere lai ya'u maasunna.)

EFESUS 3:9

wuṛṛu lai tadea'u wuassia'u anambon taumata maasingkata ereapa Ruata, Mandariaddi ul᷊ilin pati'uppa indi, napaamattu manara-Ne ro'en dorone apan iaddappingnga su runia.

KOLOSE 4:18

Tabea wuassia'u, Paulus. I ya'u sassane apan namoṛṛetu addoanne indi. Arie paabul᷊iane manungku i ya'u ta'e sulal᷊ummu tuttupanna! Doronganna Mawu mangal᷊amatta si yamiu. Tabea wuassi yami, Paulus

2 TIMOTIUS 4:2

Ṛinone i'o mamasingkatu watti'a wuassu Ruata udde, wuṛṛu sidutu mammata'a tadea'u taumata maddaringikka, apa i mangitou maapulu ara'e maddiri. Ṛinone i'o mapaangimannu taumata, manta'en pasasal᷊a, wuṛṛu mangonggolu sasasa si mangitou. Aṛṛa'ete taumata ringannu anambon asasabbare.