KOLOSE 2:5 - WUKE SUSI WATTI'U AL᷊AL᷊USASSA

⁵ Ana waugu salaiwe i ya'u uatana'a marau wuassi yamiu, ere lai ya'u uatana'a su wallatti yamiu. Wuṛṛu i ya'u lulluassa maasilo si yamiu uasampinunutanna wuṛṛu matohassa sulal᷊ummu pangangimanna si Kristus.

KOLOSE 2:5 Referans Kwoze

1 TESALONIKA 2:17

Arawe manga tuṛṛangnga, ro'en i yami nattalei tal᷊an kadio'a wuassi yamiu – nattal᷊ei su mata arawe su naungnga tawe – yami lembon mannaungnga si yamiu wuṛṛu mappandumma atonna-tonna ana see massomban kamiu apia!

1 PETRUS 5:9

Roopete i tou ringannu pangangimanna apan matohassa, ana waugu i yamiu masingkata manungku manga tuṛṛangnga sansul᷊ungnga Saṛṛani apan waine su ahewallu runia uatataṛṛanga lai ere i yamiu.

1 KORINTUS 16:13

Ṛinone i yamiu paatehamma wuṛṛu matohassa sulal᷊ummu pabbiaṛṛannu ere taumatan Saṛṛani. Pammanarate ringannu waṛṛani wuṛṛu paatohassa.

IBRANI 3:14

I ite sarangkanambone uddewe sanggaweanna sulal᷊ummu manara ringanni Kristus, sawal᷊iate saran pangudusanne i ite uaaggasa pangangimanna apan tatahuananni ite ro'en paarorone.

1 KORINTUS 14:40

Arawe sarangkanambone ṛinone olaanna ringannu mapia wuṛṛu uaatokka.

IBRANI 6:19

Antimmi ite udde ere wal᷊ango apan ual᷊abinga mal᷊al᷊umma wuṛṛu maola'a sambau pangangal᷊eanna apan matohassa wuṛṛu tawe singkal᷊one su pabbiaṛṛani ite. Antimma udde nallapasa su lal᷊indumu Wabbo'a Lembon Susi su Wal᷊e Mawu su surga.

1 TESALONIKA 3:8

na'oman sara orassa indi yami naapendamma atonna-tonna mabbiakka, sambal᷊iate i yamiu sidutu uarisikka matohassa, uaaukka ringannu Mawu.

1 KORINTUS 15:58

Ana waugu udde, manga tuṛṛangnga apan arangnguanna, ṛinone i yamiu matohassa wuṛṛu sidutu mangngimanna. Pammanarate sidutu su Mawu ringannu atonna-tonna, ana waugu i yamiu masingkatta manungku sarangkanambone apan mammanaranni yamiu udde su Mawu, tawe maholo'a.

DARALO 78:37

I mangitou tawe tumuṛutta si Tou, wuṛṛu tawe uaagassa su paaire-Ne.

DARALO 78:8

tadea'u i mangitou tawe mangaṛussa iupungngu al᷊amonan mangitou apan apulune mammangalo wuṛṛu mandal᷊eo; pallal᷊awanna apan matul᷊u pangangimanne, wuṛṛu tawe maddaringikka Ruata.

2 TAWARIKH 29:35

Waine lai wuassu sasamba itattambunna, manga imam nangonggolu tawa wuassu sasamba aadiangkamanna apan niinassu tumanangnge. I mangitou lai nangonggolu anggore apan nilal᷊inna suadio'a ringannu sasamba itattambunna udde. Etearoddi patataṛṛamawu su Wal᷊en Mawu nilaghu apia.

KOLOSE 2:1

I ya'u maapulu i yamiu maasingkata ereapa ahewalle i ya'u mammanara hunan kamiu, wuṛṛu hunan mangitou su Laodikia see anambon taumata apan tawe maaillal᷊a si'u sassane.

1 KORINTUS 11:34

Amungkangngu piaddu mal᷊unussa, i tou ṛinone umanna asuene su wal᷊e. Amungkangngu i yamiu maddaringikka al᷊aṛṛa'a indi, ammul᷊annu pamamisanu tawe mapaarantan ṛuumanna wuassu Ruata su wadangngi yamiu sassane. Su ola'u manga hatto apan waine, sarun ital᷊aa'u si yamiu, amungkangngu i ya'u rumanta isindi.

WATTI'U MANGA RASUL 2:42

Ringannu maṛṛimada i mangitou sidutu mangngurumma al᷊aṛṛa'a wuassu manga rasul wuṛṛu sidutu uaammulla suadio'a. I mangitou u'anna su sambau wuṛṛu u'al᷊iomanna su sampunna.

RUT 1:18

I Naomi na'ellega manungku i Rut atonna-tonna tumantalongnga, nariaddi, i tou tate nabbisara apia.

WATTI'U MANGA RASUL 20:21

Mapia udde su manga taumatan Yahudi aroddi lai su manga walahanna waine i ya'u sidutu mannanata tadea'u i mangitou mawal᷊u wuassu manga rosa mangitou wuṛṛu rumanta ringannu Ruata, see lai mangngimanna Mawu Yesus.

REENGANNA 7:11

Mawu nabbisara si Musa, “Wal᷊oa'e si mangitou manungku mamiallo su al᷊annune mapul᷊o dua su allone sangkatou su wallatu manga piaṛṛangnge udde ṛinone mangonggolu sasambane udde maola'a lal᷊aghun patatenegu mezbah.”