KOLOSE 2:18 - WUKE SUSI WATTI'U AL᷊AL᷊USASSA

¹⁸ Imbaṛṛanganga i yamiu mapaawalan watangannu rugiannu taumata apan mangngawusu naungnge mawawo wuṛṛu massubba manga mala'ekatta. Taumata udde mawunga ringannu manga ṛingiṛṛannu runia wuṛṛu mamarabunga manga sondapi tou sassane,

KOLOSE 2:18 Referans Kwoze

KOLOSE 2:8

Ṛinone i yamiu paatehamma, arie ma'oman sara piaddu mamono'a si yamiu ringannu manga al᷊aṛṛa'u taumata apan tawe gunane, ewe'e tumba'u mangngal᷊iwu. Manga al᷊aṛṛa'a udde wal᷊ine wuassi Kristus, ewe'e wuassu ṛingiṛṛannu taumata sassane wuṛṛu wuassu manga ghaṛṛahon tembonannu runia.

1 TIMOTIUS 1:7

I mangitou maapulu maola'a manga hurun agama, wutte'e i mangitou sassane tawe maasunna manga wisara apan ipappaatti mangitou ara'e manga inolaanna apan iapaasingkati mangitou ringannu ahewallu naungnga.

KOLOSE 2:23

Atonna aellehanna olangnge udde mapia; ringannu darolokke tadea'u taumata massubba mala'ekatta, mapaawawon ririne wuṛṛu mannansara watanganne; arawe sarangkanambone udde tawe gunane ipangehetta apulun taumata.

1 TIMOTIUS 4:1

Ghaṛṛahon Duata ringannu masemakka nabbisara manungku su tempo apan sarun rumanta, sangkawageanganna taumata sarun massinaaddi Kristus. I mangitou sarun tumuṛṛutta manga ghaṛṛaho apan mangngal᷊iwu wuṛṛu tumantalonga manga al᷊aṛṛa'u ghaṛṛaho lal᷊eo,

2 KORINTUS 11:3

Arawe i ya'u sussinggawangnga ṛingiṛṛannu, sarun awono'anna tawe tumuṛṛutta si Kristus, ere Hawa paarorone lai inawono'annu atoanna.

ROMA 1:25

Ruata apan naṛṛino, nihantianni mangitou ringannu sarannapa awusu. Wal᷊ine mandariaddi ewe'e apan niriaddine udde sassubanna wuṛṛu a'imbeanni mangitou. Sumbal᷊i iapa nandiaddi udde apan ṛinone raloanna sarangkal᷊o'engnge! Amin.

MATIUS 24:24

Ana waugu sarun dumanta manga mananal᷊amatta awusu wuṛṛu manga nabi awusu. I mangitou sarun ma'ola'a al᷊awo'u inolaanna apan bahewalla, wuṛṛu manga al᷊aṛṛindu'a ipangawusu, amungkangngu wotongnge, al᷊aṛṛana'u Ruata lai.

SONDAPPA 3:11

I Ya'u mal᷊ihakke rumanta! Paariagai paapia-pia apa apan tatahuananni yamiu, tadea'u tawe saran sangkatou mangaṛṛo lal᷊antaku auntungannu.

1 YOHANES 2:26

I ya'u namoṛṛetu suratta indi si yamiu su ola'u manga taumata apan tantal᷊anna mangngawusu si yamiu.

FILIPI 3:14

Ana waugu udde i ya'u sidutu tuttal᷊angnga mattuddan tampa panguddusanne ana see maasomba auntunganna, eteudde mabbiakka su surga; ana waugu udde Ruata namaggo si ite sulal᷊ummi Kristus Yesus.

EFESUS 5:6

Iambaṛṛanga i yamiu awusuannu manga hatto awusu. Ana waugu, ete manga hatto indi, apan maasa'u Ruata su saruannu manga taumata apan mal᷊awangnga si Tou.

1 KORINTUS 8:1

Orassa indi su ola'u anna apan nionggola maola'a sasamba su paal᷊uanna. Atonna ere unnu wisaran taumata, “I ite sarangkanambone pandete.” Arawe apapande ma'ola'a taumata mabbal᷊i mawunga, arawe paa'akkana mangngapia taumata.

DANIEL 11:38

Arawe mawal᷊i'a, i tou sarun mangaddata monganna apan taambe saran paassa sassubbannu iupungngu al᷊amonane, eteudde monganna mandariaga manga tanda'a watu. I tou sarun mangonggollu wul᷊awanna, sal᷊a'a, permata wuṛṛu manga sasamba mapia waine su monganna apan taambe saran paassa nisubbannu iupungngu al᷊amonane.

YEHEZKIEL 13:3

Mawu Apan Atanggaṛṛanne nabbisara, “Nasilakate manga nabi apan woddo udde! Ṛingiranne nia'ompante wuassu tinnaune sassane pa'ellege tumaniten awusu atonna.

REENGANNA 25:18

ana waugu al᷊al᷊eo apan buatte niṛṛiinni mangitou si yamiu su Peor, wuṛṛu ana waugu i Kozbi ana'u sangkatou tembonannu ṛuanganna su Midian. I Kozbi udde wawine apan nate nipate su tempo nariaddi asasusa ana waugu arariadianna su Peor.”

PANDARIADDI 3:13

Ruata naiwal᷊o wawine udde, “Anio i'o na'ola'a udde?” Sasimbakke, “I ya'u niwahiannu atoanna, na'oman sara i ya'u niumanna wua'udde.”

SONDAPPA 19:10

I ya'u nassumaga su saruannu mala'ekatta udde ana waugu nassubba si tou, arawe i tou nabbisara si ya'u, “Arie! Arie passubba si ya'u, passubbate Ruata! Ana waugu i ya'u lai allangnga ere i'o wuṛṛu ere anambon tuṛṛangu apan uaaggasa matohassa su watti'u Mawu Yesus!” Ana waugu ete watti'u Mawu Yesus udde mannantiro manga taumata apan mabatti'u papatta.

SONDAPPA 13:14

Wuṛṛu anambon taumata apan mabbiakka su runia niawusuanne ringannu manga al᷊aṛṛindu'a apan botongnge olaanne su saruannu winatangnga apan paarorone udde. Wuṛṛu i mangitou sarangkanambone nirolokka mandarisikku sambau paal᷊uanna wuassu winatangnga apan suete nilessan hal᷊ele, arawe ta'e wiakka.

SONDAPPA 13:8

Winatangnga udde sarun subbannu anambon taumata apan mabbiakka su wowon runia indi, tabbene'e manga taumata apan aranne niwoṛṛeta tantal᷊anna runia indi taambe nariaddi, sulal᷊ummu wuken taumata wiakka pussa'an Ana'u Domba apan suete nipototta.

SONDAPPA 12:9

Naga apan bahewalla udde niramme su liudde! Ete i tou atoanna timmade udde apan aranne Setanna ara'e Ghaṛṛaho Lal᷊eo, apan nangawusu ahewallu runia. I tou niramme su runia su sambau ringannu manga mala'ekanne.

2 PETRUS 2:14

I mangitou tawe illol᷊one ma'ola'a rosa, wuṛṛu al᷊utuanni mangitou ma'ellega wawine masandaga. Wuṛṛu taumata apan wakku mangngimanna wuṛṛu ta'e matul᷊u pangangimanne, wal᷊onotanni mangitou. Naungngi mangitou ninumarampen awawal᷊iu. Ete i mangitou udde taumata apan niawontohante!

KOLOSE 2:4

I ya'u namasingkatu indi tadea'u i yamiu tawe awahianni sai-sai apan pande mamal᷊onotta si yamiu.

2 KORINTUS 12:20

I ya'u sussinggawangnga manungku su tempo i ya'u mattembo si yamiu, i ya'u naaratingnga tawe ere apa apan aantimangku. Aṛṛengenne aratinganna piaddu uawawul᷊o, naungnge lal᷊eo, naungnge mal᷊oso, tumba'u madea'a hausannu watanganne, uaaumbilangnga, mappawawul᷊o, mawunga wuṛṛu ma'ola'a patatatiakka.

1 KORINTUS 13:4

Taumata apan marangngu taumata waine, masabbare wuṛṛu naungnge mapia. I Tou tawe mapaasabangngu naungnga lal᷊eo, tawe tal᷊imoṛṛonganna, tawe mamarabunga.

1 KORINTUS 9:24

Tuṛṛangnga lai masingkatta manungku sulal᷊ummu tandinganna anambon matatalumma tuttal᷊angnga, arawe tumba'u sangkatou manengkamma lal᷊antake. Ana waugu udde tal᷊angke aroddi apiane, ma'oman sara i'o maasengkamma lal᷊antake.

1 KORINTUS 4:18

Siri pira taumata wuassu wallatti yamiu namungate, ana waugu i mangitou massunna i ya'u tate rumanta ringanni yamiu.

1 KORINTUS 3:3

ana waugu i yamiu ta'e mabbiakka tumuṛṛuttu pallal᷊agun taumata. Ana waugu amungkangngu i yamiu ta'e uasasihikka wuṛṛu uawawul᷊o sangkatou ringannu waine, wal᷊inewe udde mapaal᷊iatta'a manungku i yamiu ta'e pia pallal᷊agu manga taumata apan tawe maaillal᷊a Ruata?

ROMA 16:18

Ana waugu manga taumata inolaanne aroddi, wal᷊inewe mammanara manaran Kristus Mawun kite, ewe'e tumba'u mappaal᷊uassu apulu naungngi mangitou sassane. Ringannu sasal᷊o'a wuṛṛu manga wisara apan mapia, i mangitou mammahia manga taumata apan waggan apa-apa.

YESAYA 57:9

I yamiu mappaattu lana wuṛṛu manga awawangngi wua'udde inaite massubba monganni Molokh. I yamiu nandolokku manga daroloṛṛanna su manga wanua marau, naddatingngu lai wanuan taumata nate.

AYUB 38:2

“Isai i'o, na'oman sara waṛṛani mappadduan asingka-U ringannu manga wisaranu apan woddo wuṛṛu tawe loṛṛone udde?

TAHIUL᷊E 29:29

Pia manga pira hatto apan iaadappingngu Mawu Ruatan kite; arawe tita-Ne buatte niapal᷊iatta'a si ite, wuṛṛu i ite see papapulunni ite ṛinone tumuṛṛutta saran mal᷊annu-l᷊annu.”

1 KORINTUS 4:6

Manga tuṛṛangnga! Tadea'u mahuna manaranu, i ya'u buatte nappaattu sarangkanambone udde si Apolos wuṛṛu su riri'u sassane. Pandumanne tadea'u wuassu tatul᷊adan kami udde i yamiu wotongnge mangurumma apa atappasannu sasanato'a, “Pangagase su atoranna apan piate.” Ringannu aroddi tawe saran sangkatou wuassi yamiu wotongnge mapaatelengngu sangkatou taumata, see mangngadio'a taumata waine.

EFESUS 4:17

Ana waugu udde ringannu arannu Mawu, ete indi apan ta'u iwal᷊o wuṛṛu ipanohassa: ariete lai mabbiakka ere taumata apan tawe maaillal᷊a Ruata, wuṛṛu maṛṛingiddu runia indi.