KOLOSE 2:13 - WUKE SUSI WATTI'U AL᷊AL᷊USASSA

¹³ Dorone, i yamiu natete su pangangimanna ana waugu i yamiu marosa, wuṛṛu ana waugu i yamiu tawe nisunatta ere sangkatou taumata. Arawe orassa indi Ruata napaawiakki yamiu su sambau ringanni Kristus. Ruata suete nangampunga alawo'u rosan kite,

KOLOSE 2:13 Referans Kwoze

EFESUS 2:1

Dorone i yamiu natete sulal᷊ummu pangangimanna ana waugu i yamiu marosa wuṛṛu nilumawangnga manga parentan Duata.

ROMA 8:11

Amungkangngu Ghaṛṛahon Duata apan napaawiakki Kristus wuassu papate, mabbiakka sulal᷊ummu ririnu, ne i Tou apan napaawiakki Kristus wuassu papate udde, mapaawiakku ririnu lai apan wotongnge mate udde. I Tou na'ola'a udde ringannu Ghaṛṛaho-Ne apan mabbiakka sulal᷊ummu ririnu.

2 KORINTUS 3:6

Ete i Tou apan na'ola'a si yami mappammanara su sambau paaire apan wakku; paaire apan uaantimma Ghaṛṛahon Duata, wal᷊ine su tita apan uawoṛṛetta. Ana waugu apan uawoṛṛetta udde mangngapiddu papate, arawe Ghaṛṛahon Ruata udde mangngonggolu wiakka.

IBRANI 9:14

nangilembote lai ṛaṛṛan Kristus! Sulal᷊ummu Ghaṛṛaho awasa, i Kristus nanantillu watangan-Ne sassane su Ruata maola'a sambau sassamba apan nasuungnga. Ṛaṛṛa-Ne mammaresi lal᷊ummu naungngi ite wuassu lal᷊aghun agama apan tawe gunane, tadea'u i ite wotongnge maapangimbe Ruata apan biakka.

2 KORINTUS 5:19

I yami namasingkata manungku sulal᷊ummi Kristus, Ruata napaaukku taumata apia ringannu watangan-Ne. Ruata na'ola'a udde ringannu tawe naṛṛingiddu pasasal᷊a apan buatte niola'u taumata su saruannu watangan-Ne. Wuṛṛu i yami suete nirolokku Ruata iapapasingkatu Watti'a udde.

EFESUS 2:11

Manga tuṛṛangnga apan wal᷊ine Yahudi! Paanaunge ririnu su tempo rorone: I yamiu isassaggo “taumata tawe nissunatta” unnu taumatan Yahudi apan mangnga'u ririne suete nissunatta (pandumanne apan buatte naasomba tatiala niola'u taumata su wadangngi mangitou).

LUKAS 15:32

Arawe i ite sarun ma'andeangnga wuṛṛu lumuassa ana waugu tuarinu udde natete, arawe orassa indi nabbiakke apia; i tou nawul᷊ite, arawe orassa indi nawelengke apia.’ ”

LUKAS 15:24

Ana waugu ana'u indi natete, orassa indi nabbiakke apia; i tou nawul᷊ite, orassa indi niasombangante apia.’ See i mangitou nanattakke naandeangnga.

DARALO 71:20

I'o nangonggola si ya'u manambo asasusa mawakkata, arawe I'o sarun mamelengngu ikka'u wuṛṛu mamangunna si ya'u wuassu labbinga.

YAKOBUS 2:26

Ne, su ereapa wadangnga ringannu tawe ghaṛṛaho, udde wadangnga nate, aroddi lai pangangimanna tawe pallal᷊agu, udde pangangimanna apan nate.

EFESUS 5:14

Ana waugu anambon apa apan aasiloanna ringannu matilangnga, eteudde asasemakka. Ana waugu udde suete niwisara, “Apu'ote, i'o apan mattiilla, wuṛṛu pabbangunte wuassu papate! Kristus sarun lumansiangnga si'o.”

1 KORINTUS 15:45

Sulal᷊ummu Wuke Susi uawoṛṛetta arendi, “Taumata paarorone eteudde Adam, naola'a riadianna apan wiakka,” arawe Adam panginsueanne eteudde Ghaṛṛaho apan mangngonggolu wiakka.

ROMA 6:13

Arie lai i'o manantillu wageangngu wadangngu su taṛṛinon dosa ana waugu ipaatta su manga pandumanna apan lal᷊eo. Arawe tantila'e ririnu su Ruata ere taumata apan buatte niingkata wuassu papate watukku pabbiaṛṛanna. Tantila'e ahewallu ririnu su Ruata tadea'u ipaatta ma'ola'a apulu Duata.

1 YOHANES 2:12

I ya'u namoṛṛetu suratta indi si yamiu, Al᷊aṛṛana'u, ana waugu rosanu suete niampunganna ana waugu Kristus.

1 KORINTUS 15:36

Woddo atonna! Amungkangngu i yamiu massuannu wualanna sulal᷊ummu leta'a, wualanna udde tawe tumuwo, amungkangngu wualanna udde tawe mate asuene.

YOHANES 5:21

Iamangnga udde mapaawangunnu taumata nate, wuṛṛu mangngonggolu wiakka tutune wuṛṛu mal᷊annu-l᷊annu; aroddi lai Ana'a mangngonggolu wiakka tawe panginsueanne su taumata apan maapulu onggol᷊annu wiakka.

LUKAS 9:60

Mawu Yesus sinumimbakka, “Wala'e taumata nate mallabingngu taumatane nate sassane. Arawe i'o roote wuṛṛu wal᷊oa'e watti'a manungku Ruata mannattakke mammarenta.”

YESAYA 55:7

Ṛinone taumata lal᷊eo mangapia pabbiaṛṛanne, wuṛṛu mamal᷊u lal᷊annu ṛingidde. Wala'e i tou mabbelengnga ringannu Mawu, wuṛṛu maasomba darangngu-Ne. Ṛinone i tou mabbal᷊i'a ringannu Ruatan kite, ana waugu Mawu mangampungnga ringannu naungnga awasa.

DARALO 119:50

Eteindi apan maal᷊imbatta si ya'u sulal᷊ummu asasusa'u manungku paaire-Nu udde mangngonggolu wiakka si ya'u.

IBRANI 6:1

Ana waugu udde, wette i ite mangasal᷊ate manassukku manga al᷊aṛṛa'a sansunne, su ola'u al᷊aṛṛa'a mattanggaṛṛanna su taumatan Saṛṛani, wuṛṛu arie tumba'u maṛṛingiddu manga al᷊aṛṛa'u agamang kite paarorone. Arie i ite manul᷊e apia pinangianannu al᷊aṛṛa'a manungku taumata ṛinone mangillol᷊o ma'ola'a manga inolaanna apan tawe gunane wuṛṛu ṛinone mangngimanna Ruata,

1 TIMOTIUS 5:6

Arawe wawine wal᷊u apan maapulu mabbiakka mal᷊uassa, i tou natete salaiwe i tou ta'e wiakka.

ROMA 4:17

Ana waugu Ruata nabbisara arendi si Abraham, “I Ya'u suete nandiaddi si'o iamangngu al᷊awo'u walahanna.” Aroddite Ruata nangonggolu paaire udde si Abraham. Wuṛṛu Abraham mangngimanna si Tou. Ete i Tou Ruata apan mapaawiakku taumata nate; ete i Tou lai Ruata apan ringannu tumba'u mabbisara ma'ola'a apa apan taambe naola'a su runia, mariaddi su runia.

YOHANES 6:63

Apan maawiakka taumata eteudde Ghaṛṛahon Ruata. Atatohassu taumata tawe gunane. Manga wisara apan niwisara-U si yamiu indi eteudde wisara Ghaṛṛahon Ruata wuṛṛu manga wisara apan mangngonggolu wiakka.

YEREMIA 31:34

Tate gunane lai wuassi mangitou mangaṛṛa'a sansul᷊ungnge ipa'illal᷊a Mawu. Ana waugu i mangitou sarangkanambone, wahewalla addio'a, sarun maaillal᷊a si Ya'u. Manga pasasal᷊a mangitou sarun timbul᷊ianang-Ku, manga rosa mangitou Ta'u ampunganna. I Ya'u, Mawu, buatte nabbisara.”

YESAYA 1:18

Mawu nabbisara, “Wette i ite manginsue hatto indi. Salaiwe i yamiu maṛṛamu ungu ana waugu manga rosanu, i yamiu sarun Ta'u raddasanna mabbal᷊i mawira waresi naal᷊ihidda sangarenna ara'e wungkassa. Salaiwe manga rosanu manambo wuṛṛu mawakkatta, i yamiu sarun Ta'u ampunganna atonna-tonna.

YAKOBUS 2:20

I yamiu tumaniten woddo! Apa wotonge iapaasilo si yamiu manungku tawe gunane pia pangangimanna wuṛṛu tawe pallal᷊agu?

YAKOBUS 2:17

Aroddi lai ringannu pangangimanna, amungkangu tawe ipaal᷊iatta'u pallal᷊agu, ne pangangimanna udde tawe gunane.

1 TIMOTIUS 6:13

Wuṛṛu orassa indi su saruannu Ruata apan nangonggolu niawa su al᷊awo'u sarannapa, wuṛṛu su saruanni Kristus Yesus apan nangonggolu tatiala atonna si Pontius Pilatus, i ya'u madorongnga indi wuassi'o:

DARALO 32:1

Daralon Daud. Aantari tatantiro. Lal᷊umanna'a su taumata apan rosane niampunganna, wuṛṛu pasasal᷊ane nipappassa.

KOLOSE 2:12

Ana waugu su tempo i yamiu nissaṛṛani, yamiu nilabbingnga su sambau ringanni Kristus; wuṛṛu ringannu sasaṛṛani udde lai yamiu niapaawiakka apia su sambau ringanni Kristus ana waugu i yamiu mangngimanna taṛṛinon Duata apan suete napaawiakki Kristus wuassu papate.