KOLOSE 2:1 - WUKE SUSI WATTI'U AL᷊AL᷊USASSA

¹ I ya'u maapulu i yamiu maasingkata ereapa ahewalle i ya'u mammanara hunan kamiu, wuṛṛu hunan mangitou su Laodikia see anambon taumata apan tawe maaillal᷊a si'u sassane.

KOLOSE 2:1 Referans Kwoze

KOLOSE 1:29

Su ipaddea'a olangnge udde i ya'u mammanara ringannu maṛṛimadda. I ya'u mammanara ringannu ahewallu atatohassa apan nionggoli Kristus si ya'u wuṛṛu apan mammanara sulal᷊ummu wadangku ringannu napenen taṛṛino.

FILIPI 1:30

Orassa indi yamiu suaddio'a ringangku sulal᷊ummu manara apan uasul᷊ungnga; eteudde apan suete niasiloanni yamiu, mammanarangku rorone, wuṛṛu apan ta'e mammanarangku sara orassa indi, ere lai suete niaringiṛṛani yamiu su orassa indi.

SONDAPPA 1:11

Tingikka udde nabbisara, “Woṛṛetta'a apa apan niasiloannu, wuṛṛu onggol᷊a'a wuke udde su pitu jamaatta apan isassago indi: Efesus, Smirna, Pergamus, Tiatira, Sardis, Filadelfia, wuṛṛu Laodikia.”

KOLOSE 1:24

Orassa indi ya'u mal᷊uassa matataṛṛanga hunan kamiu. Ana waugu ringannu asasusan wadangku, i ya'u manuungngu apa apan ta'e ṛinone niapendamanni Kristus su jamaan-Ne, eteudde wadang-Nge.

WATTI'U MANGA RASUL 20:38

I mangitou massusa ana waugu i Paulus nabbisara manungku i mangitou tate maasilo si tou apia. See i mangitou nanguntudi Paulus sara su apalla.

1 PETRUS 1:8

I yamiu marangngu si Tou, salaiwe dorone i yamiu tawe naasilo si Tou. Wuṛṛu i yamiu mangngimanna si Tou, manimbe orasa indi yamiu tawe maasila si Tou. Ana waugu udde i yamiu lulluassa, wuṛṛu uapaendama lal᷊ala'a apan mahewa wuṛṛu tawe iawisara.

KOLOSE 2:5

Ana waugu salaiwe i ya'u uatana'a marau wuassi yamiu, ere lai ya'u uatana'a su wallatti yamiu. Wuṛṛu i ya'u lulluassa maasilo si yamiu uasampinunutanna wuṛṛu matohassa sulal᷊ummu pangangimanna si Kristus.

GALATIA 4:19

Manga al᷊aṛṛana'u arangnguanna! I ya'u orassa indi uatataṛṛanga lai ana waugu i yamiu. I ya'u uatataṛṛanga ere sangkatou inangnga apan uatataṛṛanga su tempo mangunsiwe. I ya'u sidutu sarun matataṛṛanga, amungkangu pallal᷊agun Kristus taambe nusippa su wadangu!

WATTI'U MANGA RASUL 20:25

I ya'u suete nattembo manga tuṛṛangnga sarangkanambone wuṛṛu suete namasingkatta lai su ola'u ereapa Ruata mamarenta ere sangkatou Ratu. Orassa indi ya'u mammendamma tate lai massomba manga tuṛṛangnga.

LUKAS 22:44

Mawu Yesus tumaniten uatataṛṛangnga sansara sulal᷊ummu naung-Nge na'oman sara i Tou u'al᷊iomanna atonna-tonna. Liahane naal᷊ihida raṛṛa tutturo su leta'a.]

IBRANI 5:7

Su tempo Mawu Yesus mabbiakka su runia indi, i Tou u'al᷊iomanna wuṛṛu sussal᷊ande ringannu u'ui wuṛṛu lulluai su Ruata, apan botongnge manal᷊amatta si Tou wuassu papate. Wuṛṛu ana waugu i Tou matuṛṛuta Ruata ringannu napeneng addatta, ne i Tou niraringiṛṛana.

1 TESALONIKA 2:2

I yamiu masingkata manungku ro'en i yami taambe nirumanta ringanni yamiu su Tesalonika, i yami suete niapaasusa wuṛṛu nial᷊uandahanna su Filipi. Arawe salaiwe manambo taumata mandooppa si yami, Mawu Ruatan kite suete nangonggolu awawaṛṛani si yami ipabbatti'u Watti'u Al᷊al᷊uassa si yamiu apan darantane wuassi Tou.

PANDARIADDI 30:8

Unni Rahel, “I ya'u buatte nattinsahadda atonna nandoappa iaangku, wuṛṛu i ya'u naauntungnga,” ana waugu udde ana'a udde nissagoten tou i Naftali.