IMAMATTA 9:15 - WUKE SUSI WATTI'U AL᷊AL᷊USASSA

¹⁵ Wua'udde i tou nangonggolu sasamba ambinga maola'a sasamba aampunga rosan taumata. Ambinga udde nipototti tou ere su sasamba pinangampunga rosane sassanee.

IMAMATTA 9:15 Referans Kwoze

IBRANI 5:3

Wuṛṛu ana waugu i tou sassane lome, ne i tou ṛinone mangonggolu sasamba, wal᷊ine tumba'u ana waugu rosan taumata, arawe ana waugu rosane lai sassane.

IBRANI 2:17

Indi atappasanne manungku i Tou ṛinone maola'a uasul᷊unga ringannu manga tuṛṛa-Nge sulal᷊ummu al᷊awo'a. Wuṛṛu ringannu udde i Tou wotongnge maola'a Imam Wahewa apan matuṛṛuta wuṛṛu marangngu. Ringannu manara-Ne udde rosan taumata wotongnge aampunganna.

IMAMATTA 9:3

Ana see doloṛṛa'e walahannu Israel mangonggolu sambau ambinga esakka maola'a sasamba ipangampunga rosa wuṛṛu sambau ana'u sapi wuṛṛu sambau lai ana'u domba apan sambau-sambau uukke santonna wuṛṛu tawe sangkulle maola'a sasamba itattambunna.

TITUS 2:14

I Tou suete nanantillu watangan-Ne ana waugu i ite wuṛṛu ana waugu mamallosi ite wuassu al᷊awo'u al᷊al᷊eo, wuṛṛu na'ola'a si ite sambau walahanna apan nal᷊iu wuassu al᷊awo'u rosa wuṛṛu tumba'u naola'a pussa'a-Ne sassane, wuṛṛu maṛṛimadda ma'ola'a apapia.

2 KORINTUS 5:21

Kristus tawe pasasal᷊ane, arawe Ruata na'ola'a si Tou uapasanna rosan kite, tadea'u i ite maaukka apia ringannu Ruata ana waugu susambau ringanni Kristus.

YESAYA 53:10

Mawu mappandumma manungku i tou matataṛṛangnga, wuṛṛu manantillu watanganne maola'a sasamba ipamappassa rosa. Ne uukke sarun mal᷊o'engnga wuṛṛu maasilo papapulunne sulal᷊ummi tou apulu Mawu sarun mariaddi.

IMAMATTA 9:14

Wua'udde lal᷊oṛṛon tianne wuṛṛu palangngu binatangnga udde niukkassa wuṛṛu nitambunni tou ringannu sasamba itattambunna su wowon mezbah.

IMAMATTA 10:16

Wua'udde i Musa naiwal᷊o su ola'u ambinga maola'a sasamba ipangampunga rosa. I tou nipasingkatanna manungku ambinga udde buatte nitambunna wangu. Olangnge udde i Musa naasa'u si Eleazar wuṛṛu si Itamar, wuṛṛu i tou nabbisara si mangitou,

2 TAWARIKH 29:24

Wua'udde ambinga niṛṛata manga imam ana see daṛṛane nilal᷊inna su mezbah maola'a sasamba aampungnga rosan tumanangnge sarangkanambone. Olangnge udde niola'i mangitou ana waugu ratu buatte namarenta tadea'u mallaghu sasamba itattambunna wuṛṛu sasamba aampungnga rosan anambon tumana'u Israel.