IMAMATTA 8:35 - WUKE SUSI WATTI'U AL᷊AL᷊USASSA

³⁵ Al᷊annune pitu allo, allo wuṛṛu ṛabbi, yamiu ṛinone uatana'a su saruannu ngaran Dasanna mapaamattu sarangkanambone apan irolokku Mawu. Amungkangngu i yamiu maddiri tumuṛṛutta, i yamiu sarun mate. Eteudde apan nirolokku Mawu si ya'u.”

IMAMATTA 8:35 Referans Kwoze

1 MARARATU 2:3

Pammanarate apa apan niparentan Mawu Ruatanu si'o. Paatuṛṛutte su anambon manga tita wuṛṛu manga parenta-Ne apan uawoṛṛetta sulal᷊ummu Wuke Musa, tadea'u watukkuapa i'o inai i'o sarun mahessi sulal᷊umu al᷊awo'u manaranu.

TAHIUL᷊E 11:1

“Pandangngute Mawu Ruatanu, wuṛṛu paatuṛṛutte al᷊awo'u parenta-Ne.

REENGANNA 9:19

Amungkangngu winabbawa udde mal᷊annu isudde su wowon Dasanna, i mangitou tuttuṛṛutta atorannu Mawu wuṛṛu tawe mangingkattu tampa udde.

REENGANNA 3:7

I mangitou mammanara su Rasang-Ku wuṛṛu ṛinone mangimbe manga imam see lai anambon walahanna ringannu manara mangitou su Rasang-Ku udde.

IBRANI 7:28

Titan agama Yahudi mappaatenegu taumata apan tawe nasuungnga maola'a imam bahewa. Arawe wuassu tita udde, Ruata na'ola'a pa'aire ringannu sasalu manungku i Tou mapaatenega maola'a sangkatou Imam Bahewa, Ana'a apan suete niola'a Ratum Punnu Sal᷊amatta apan nasuungnga saran mal᷊annu-l᷊annu.

2 TIMOTIUS 4:1

Kristus Yesus sarun rumanta apia su runia indi mamarikissa manga taumata apan wiakka wuṛṛu nate; wuṛṛu i Tou sarun rumanta mamarenta ere sangkatou Ratu. Ana waugu udde i ya'u sumal᷊ande si yamiu su saruannu Ruata wuṛṛu Kristus Yesus;

1 TIMOTIUS 6:20

Apa apan suete tinantilla si yamiu, paariagai udde mapia-pia, Timotius! Paarau manga hatto apan tawe gunane wuṛṛu patatatiakka su ola'u inolaanna apan mangngal᷊iwu isassago “Asingkata”.

1 TIMOTIUS 6:17

Su manga taumata ala su runia indi, ṛinone i'o maddorongnga tadea'u i mangitou arie mamunga wuṛṛu arie mangantimma manga sarannapa apan tawe tantune – ereudde paa'ala. I mangitou ṛinone pia antimma su Ruata apan mangonggolu al᷊awo'a si ite ringannu manambo tadea'u i ite wotongnge maatemma paa'ala udde.

1 TIMOTIUS 6:13

Wuṛṛu orassa indi su saruannu Ruata apan nangonggolu niawa su al᷊awo'u sarannapa, wuṛṛu su saruanni Kristus Yesus apan nangonggolu tatiala atonna si Pontius Pilatus, i ya'u madorongnga indi wuassi'o:

1 TIMOTIUS 5:21

Su saruannu Ruata, Kristus Yesus wuṛṛu manga mala'ekatta apan napile, i ya'u sumal᷊ande tadea'u i'o tumuṛṛutta manga tatantiro indi ringannu tawe massunna lal᷊eo su saruanni sai-sai ringannu tawe masasamba'a.

1 TIMOTIUS 1:18

Timotius, ana'u, Manara indi ta'u itantilla si'o, mannaungnga tanatan Duata apan niapaasingkatu manga nabi sulal᷊ummu jamaatta su ola'u ririnu. Ṛinone tanata udde maola'a wal᷊unna si'o sulal᷊ummu manaranu apan mapia.

2 KORINTUS 7:1

Manga tuṛṛangnga apan arangnguanna! Anambon paaire udde tuddane si ite. Ana waugu udde ṛinone i ite mamaresi watanganni ite. Ṛinone i ite mata'uttu Ruata, tadea'u i ite wotongnge mabbiakka sassane hunan Mawu ringannu nasuungnga.

YEHEZKIEL 48:11

Wageangngu leta'a apan niṛṛae udde sarun maola'a pussa'a manga imam papapulunni Zadok. I mangitou buatte nangimbe Mawu ringannu satia wuṛṛu tawe ere taumatan Lewi apan sanṛuanganni mangitou, apan na'ola'a rosa lai suadio'a ringannu manga taumatan Israel waine.

YEHEZKIEL 43:25

Suapan allo, al᷊annune pitu allo, i'o ṛinone mangonggollu sasamba ambinga sambau, sapi esakka saṛṛen tumuwo, wuṛṛu ambinga mendangenna maola'a sasamba aampunga rosa. Manga winatangnga udde imbaṛṛanga pia sangkulle.

REENGANNA 19:12

Su allo atallune wuṛṛu appitu i tou ṛinone mamaresi watanganne ringannu ua'e lal᷊aghu; wakkute udde i tou mawaresi. Arawe amungkangngu su allo atallune wuṛṛu appitune i tou tawe namaresi watanganne, i tou sidutu ma'arantinna.

IMAMATTA 14:8

Wua'udde taumata udde ṛinone mabbansalla laungnge, mallungukka anambon utangnge, wuṛṛu mandeno. Ne nawaresite i tou, wuṛṛu wotongngete sumutta sulal᷊ummu paddasananna, arawe al᷊annune pitu allo lai i tou taambe wotongnge sumutta sulal᷊ummu rasanne sassane.

IMAMATTA 10:1

Su allo sambau i Nadab wuṛṛu i Abihu, manga ana'i Harun, nanganu tanpan putungngu sambau-sambau wuṛṛu tinaṛṛoannu waṛṛa. Ana see itarua nangaddon amania su putungnga udde wuṛṛu nionggola sasamba su Mawu. Arawe putungnga udde tawe waresi ana waugu Mawu tawe nandolokki tarua niapaonggolu sasamba.

IMAMATTA 8:30

Wua'udde i Musa nanganu sambageanganna wuassu lanan lal᷊aghu wuṛṛu sambageanganna daṛṛa apan uaraddo su wowon mezbah, ana see nialassa si Harun wuṛṛu manga anangnge see lai su laubbi mangitou. Ringannu olangnge aroddi i Musa naṛṛae mangitou wuṛṛu laubbi mangitou su Mawu.

SASABANGNGA 29:35

Lal᷊aghun patatenegi Harun wuṛṛu manga anangnge ṛinone olaanna pitu allo al᷊annune, ere buatte Ta'u nirolokka si yamiu.

IMAMATTA 8:34

Mawu namarenta tadea'u apa apan olaanni ite allo indi lai olaanna sarangkal᷊o'engnge. Ringannu manga lal᷊aghun udde manga rosanu niampunganna.

IMAMATTA 8:36

Ana see i Harun wuṛṛu manga anangnge tinumuṛṛutta sarangkanambone apan nirolokku Mawu si Musa.