IMAMATTA 8:31 - WUKE SUSI WATTI'U AL᷊AL᷊USASSA

³¹ Wua'udde i Musa nabbisara si Harun wuṛṛu manga anangnge, “Lahate ṛemessu sasamba udde su saruannu ngaran Dasannu Mawu. Tumuṛṛuttu parentan Mawu, ṛinone inasanni yamiu isudde ringannu roti sasamban patatenega apan uaraddo su ul᷊a'a.

IMAMATTA 8:31 Referans Kwoze

GALATIA 2:20

Orassa indi wal᷊inewe i ya'u mabbiakka, arawe ete Kristus apan mabbiakka sulal᷊ummu wadangku. Wiakka apan iraṛṛingi'u orassa indi eteudde mabbiakka ipangngimanna Ana'u Ruata apan marangngu si ya'u wuṛṛu buatte nanantillu watangan-Ne ana waugu i ya'u.

YOHANES 6:51

Ete i Ya'u roti apan niumonto'a wuassu surga – roti apan mangonggolu wiakka. Taumata apan umanna roti indi sarun mabbiakka sarangkal᷊o'engnge. Roti apan Ta'u ionggolla ipabiakku taumata su runia eteudde ṛeme-U.”

YOHANES 6:35

“Ete i Ya'u roti apan mangonggolu wiakka,” unni Mawu Yesus si mangitou. “Taumata apan rumanta ringang-Ku tawe amal᷊unusanna sarangkal᷊o'engnge. Wuṛṛu taumata apan mangngimanna si ya'u tawe marou lai sarangkal᷊o'engnge.”

YOHANES 6:33

Ana waugu roti apan nionggolu Ruata eteudde i Tou apan nirumanta wuassu surga wuṛṛu nangonggolu wiakku taumata su runia.”

IMAMATTA 10:17

“Anio sasamba ipangampunga rosa udde nianni yamiu su tampa apan susi? Sasamba udde lembon susi; Mawu nangonggolla si'o, tadea'u rosan taumatan Israel ampunganna.

IMAMATTA 7:15

Ṛemene ṛinone inasanna su allo binatangnga udde ionggola, saran addio'a tawe wotongnge itantangnga maddatingngu tiṛṛabbi marua'allone.

IMAMATTA 6:28

Urinna leta'a apan nipaatta pallahanna ṛemessa sasamba udde ṛinone pesanganna. Amungkangngu nipaatta udde urinna atta'a, urinna udde ṛinone radassanna ana see ukkasannu ua'e.