IMAMATTA 7:12 - WUKE SUSI WATTI'U AL᷊AL᷊USASSA

¹² Amungkangngu sasamba udde ionggola ipa'adiangkamanna, ne ringannu winatangnga udde ṛinone ionggola lai roti tawe ragine. Roti udde wotongnge maappala wuassu taponna nilo'annu lanan zaitun, wotongnge lai roti mamara manipissa apan niwuṛṛannu lana, ara'e kukisse wuassu taponna apan niola'a wuassu lanan zaitun.

IMAMATTA 7:12 Referans Kwoze

REENGANNA 6:15

I tou lai ṛinone mangoggolu sangkul᷊a'a roti apan niola'a tawe nappaattu ragi, eteudde roti mal᷊imbulunna apan niola'a wuassu taponna nilo'annu lanan zaitun, wuṛṛu kukisse manipissa apan niwuṛṛannu lanan zaitun. Wal᷊ine wua'udde lai i tou ṛinone mangonggolu sasamba ia'imbe wuṛṛu sasamba a'inumanna.

IMAMATTA 2:4

Amungkangngu apan nionggola udde roti apan nilol᷊o su tampa pallol᷊oanna, roti udde ṛinone olaanna tawe ragine. Roti udde tawe wotongnge maappala, olaanna wuassu taponna al᷊ussa ringannu lanan zaitun, wotongnge lai kukisse apan tumba'u wuṛṛannu lanan zaitun.

1 PETRUS 2:5

I yamiu naal᷊ihida manga watu apan wiakka. Ana waugu udde ṛinone i yamiu pia apulu ipaatta ipa'ola'a Wal᷊en Duata apan pia ghaṛṛaho. Ringannu aroddi yamiu naola'a manga imam, apan mabbiakka tumba'u hunane su Ruata, wuṛṛu sulal᷊ummi Yesus Kristus mangonggola su Ruata, sasamban pangangimanna apan ipaapulun Duata.

IBRANI 13:15

Ana waugu udde, ringannu tatangngannu Mawu Yesus, ṛinone i ite sidutu maddalo Ruata; udde maola'a sambau aonggolu a'adiangkamanni ite si Tou, apan nionggoli ite ringannu wisaram wiwikka ipaddalo aran-Ne.

EFESUS 5:20

Sidutu wuṛṛu su al᷊awo'u manara, ṛinone i yamiu maadiangkamanna su Ruata Iamangnga, sulal᷊ummu aranni Yesus Kristus Mawun kite.

ROMA 1:21

Taumata maaillal᷊a Ruata, arawe taumata maddiri mangadata ere sangkatou Ruata wuṛṛu tawe lai maadiangkamanna. Arawe taumata sidutu maṛṛingiddu al᷊awo'a apan tawe gunane; naungngi mangitou nadandumpe.

LUKAS 17:18

Anio tumba'u taumata raho indi nabelengnga ma'adiangkamanna su Ruata?”

LUKAS 17:16

See su saruannu Mawu Yesus i tou nassubba wuṛṛu naadiangkamanna si Tou. Taumata udde taumatan Samaria.

HOSEA 14:2

Pabbelengke ringannu Mawu Ruatanu, ei walahannu Israel! Rosanu buatte naaola'a si yamiu mattambal᷊ioso wuṛṛu nanawo.

DARALO 116:17

I ya'u sarun mangapiddu sasamba aadiangkamanna Si'o, lapiddu manduittu aal᷊iomanna Si'o.

DARALO 107:8

Ṛinone i mangitou maadiangkamanna su Mawu ana waugu darangngu-Ne, ana waugu manga manara-Ne apan maatiangnga taumata.

YEREMIA 33:11

Arawe su manga tampa udde sarun aringiṛṛanna apia tingikku al᷊al᷊uassa wuṛṛu lal᷊ala'a see aantari manga taumata apan uaapiddu sasamba aadiangkamanna watukku wal᷊e-U. I mangitou sarun mabbisara, ‘Pa'adiangkamante su Mawu Apan Lembontaṛṛino, ana waugu i Tou mapia wuṛṛu darangngu-Ne tawe patta'al᷊anne.’ Wanua indi sarun Ta'u olaanna manambo wiakke ere dorone. I Ya'u, Mawu, buatte nabbisara.”

DARALO 50:23

Taumata apan mangonggolu sasamba adiangkamanna maola'a sasambane, ete i tou udde mangngaddata si Ya'u; wuṛṛu su taumata apan mannaddia lal᷊anna sarun Ta'u ipantingidda asasal᷊amatta wuassi Ya'u.”

NEHEMIA 12:43

Su allo udde manambo sasamba apan nionggolla su Mawu. Tumana'a lullala'a ana waugu Ruata buatte na'ola'a si mangitou su lal᷊umanna'a. Manga wawine wuṛṛu al᷊aṛṛana'a lai suaddio'a maandeangnga, wuṛṛu tingikki mangitou apan lulluassa iaaringikka saran marau.

2 TAWARIKH 33:16

Wua'udde i tou nangapia mezbah tampa patataṛṛamawuanna Mawu, ana see nangonggolu sasamban paddarame wuṛṛu sasamban aadiangkamanna. Anambon taumatan Yehuda nirolokka mattaṛṛamawu Mawu Ruatan Israel.

2 TAWARIKH 29:31

Wua'udde i Hizkia nabbisara, “Ana waugu orassa indi yamiu buatte nipilen Mawu, ne maola'a sasamba aadiangkamanni yamiu, i yamiu ṛinone mangapiddu sasamba su Wal᷊en Mawu.” Ana see awadaalla apan uasemodda isudde nangapiddu manga sasamba udde, ewe'e piaddu lai ringannu al᷊al᷊uassu naungnge nangapiddu manga winatangnga maola'a sasamba itattambunna.

IMAMATTA 22:29

Amungkangngu i yamiu mangonggolu sasamba aadiangkamanna su Mawu, ola'e udde tumuṛṛuttu atoranna, tadea'u sasambanu sengkamanna.

IMAMATTA 7:15

Ṛemene ṛinone inasanna su allo binatangnga udde ionggola, saran addio'a tawe wotongnge itantangnga maddatingngu tiṛṛabbi marua'allone.

IMAMATTA 6:16

Taponna lambene ṛinone olaanna roti tawe ragine wuṛṛu annanannu manga imam su tampa apan buatte niṛṛae, eteudde su rallaku Rasannu Mawu. Eteudde wageangngu manga imam apan nionggolu Mawu si mangitou wuassu sasamba anna. Anna udde lembon susi, ere sasamba ipangampunga rosa wuṛṛu sasamba ipallanna'a arugianna.

IMAMATTA 2:5

Amungkangngu apan nionggola udde roti apan nilol᷊o su pallol᷊oanna, roti udde ṛinone olaanna wuassu taponna al᷊ussa ringannu lanan zaitun, arawe tawe mappaattu ragi.

AMOS 4:5

Pangonggollen roti maola'a aadiangkamannu si Ya'u, wuṛṛu pattal᷊imoṛṛongante manungku i yamiu buatte nangapiddu tatimun sasamba! Eteudde apan mal᷊uassa a'olaanni yamiu!