IMAMATTA 5:7 - WUKE SUSI WATTI'U AL᷊AL᷊USASSA

⁷ Arawe amungkangngu taumata nassal᷊a udde tawe maasaddia domba ara'e ambinga ipanubbussa rosane, i tou ṛinone mangapiddu sampare manu'a bakiangnga ara'e manu'a merpati saṛṛen tumuwo, sambau maola'a sasamba ipangampunga rosa, wuṛṛu sambau lai maola'a sasamba itatambunna.

IMAMATTA 5:7 Referans Kwoze

IMAMATTA 12:8

Amungkangngu wawine udde tawe maasaddia sambau ana'u domba, i tou ṛinone mangapiddu ruan bau manu'a merpati saṛṛen tumuwo ara'e bakiangnga saṛṛen tumuwo; sambau maola'a sasamba itattambunna wuṛṛu sambau lai maola'a sasamba ipangampungnga rosa. Imam ṛinone ma'ola'a lal᷊aghun ipamappassa rosan bawine udde, ne i tou nabbal᷊ite waresi.

MATIUS 10:16

“Daringiṛṛe paapia indi: i Ya'u nandolokki yamiu naal᷊ihidda domba apan tawe auatanne su wallattu serigala mal᷊aṛṛaga. I yamiu ṛinone paatehamma ere atoanna wuṛṛu matul᷊idda naungnge ere merpati.

2 KORINTUS 8:12

Amungkangngu i yamiu maapulu mangonggola, ne Ruata sarun manengkamma aonggolu udde pinangiananne wuassu apa apan pia si yamiu, wal᷊ine pinangiananne wuassu apa apan tawe si yamiu.

MATIUS 3:16

Napawe suete nissaṛṛani, Mawu Yesus mal᷊iha-l᷊ihakka sinumapputta wuassu ua'en sal᷊ukka udde. Inaṛṛombanganne langitta nawu'a wuṛṛu Mawu Yesus naasilo Ghaṛṛahon Ruata niumonto'a ere manu'a merpati niumarunna si Tou.

IMAMATTA 14:31

maola'a sasamba ipangampungnga rosa, wuṛṛu sambau waine maola'a sasamba itattambunna suadio'a sasamba ia'imbene. Ringannu aroddi imam na'ola'a lal᷊aghun pamamaresi taumata udde su saruannu Mawu.

LUKAS 2:24

I mangitou lai pia pandumma manantillu sasamba, eteudde sampare manu'a bakiangnga ara'e darua ana'u merpati ta'e maradio'a, ere suete tinantunna sulal᷊ummu tita Mawu.

IMAMATTA 16:5

Ana see ṛuangannu Israel nanantillu ambinga esakka darua si Harun maola'a sasamba ipangampungnga rosa wuṛṛu sambau domba esakka maola'a sasamba itattambunna.

IMAMATTA 15:30

Manu'a sambau ṛinone ionggola maola'a sasamba aampungnga rosa, wuṛṛu sambau lai maola'a sasamba itattambunna. Ringannu olangnge udde imam na'ola'a lal᷊aghun pamamaresi wawine udde su saruannu Mawu.

IMAMATTA 9:3

Ana see doloṛṛa'e walahannu Israel mangonggolu sambau ambinga esakka maola'a sasamba ipangampunga rosa wuṛṛu sambau ana'u sapi wuṛṛu sambau lai ana'u domba apan sambau-sambau uukke santonna wuṛṛu tawe sangkulle maola'a sasamba itattambunna.

IMAMATTA 5:11

Amungkangngu taumata nassal᷊a tawe maasaddia sampare manu'a bakiangnga ara'e manu'a merpati olaanna sasamba ipangampunga rosa, i tou ṛinone mangapiddu taponna sangkilo. Taponna udde tawe wotongnge lo'annu lanan zaitun ara'e lal᷊o'annu amania, ana sasamba uddewe sasamba aampungnga rosa wuṛṛu wal᷊ine sasamba ia'imbe.

MATIUS 21:12

Wua'udde Mawu Yesus sinumuttate su Wal᷊e Mawu wuṛṛu nallimbuakka manga taumata apan uawawalli isudde. I Tou namal᷊insuangngu manga meddam pananu'aranna roitta, wuṛṛu manga wangko mabawal᷊u'u merpati.

IMAMATTA 7:1

Eteindi manga atoranna su ola'u sasamba lal᷊anna'a arugianna. Sasamba udde lembon susi.

IMAMATTA 12:6

Napawe nal᷊iudde tempone i tou na'ukkassa, mawae ana waugu buatte nanungkangnga ana'a esakka ara'e wawine, wawine udde ṛinone mangapiddu sasamba su imam su saruannu ngaran Dasanna Mawu. Sasamba udde erenai sambau ana'u domba uukke santonna maola'a sasamba itattambunna, wuṛṛu sambau manu'a merpati saṛṛen tumuwo ara'e bakiangnga saṛṛen tumuwo maola'a sasamba ipangampungnga rosa.

IMAMATTA 14:30

Wua'udde imam ṛinone mangonggolu sambau manu'a merpati wuṛṛu bakiangnga saṛṛen tumuwo

REENGANNA 5:6

manga atoranna indi su taumatan Israel; Amungkangngu sangkatou tawe tumuṛṛutta Mawu ringannu na'ola'a pasasal᷊a su taumata waine,

REENGANNA 6:10

Su allo aual᷊une i tou ṛinone mangapiddu darua manu'a merpati ara'e darua manu'a bakiangnga ringannu imam su ngaran Dasannu Mawu.

REENGANNA 6:11

Manu'a sambau ṛinone ionggolu imam maola'a sasamba aampungnga rosa, wuṛṛu sambau lai maola'a sasamba itattambunna ipamul᷊in alal᷊eone. Su allo udde lai i tou ṛinone maṛṛaen uta'i i tou apia su Mawu

IMAMATTA 27:8

Amungkangngu taumata apan naddiandi tumaniten asiangnga maddea'a mamaekka arega apan buatte nitantunna, i tou ṛinone mangapidu taumata apan buatte niola'a sasamba su Mawu udde ringannu Imam. Imam ṛinone manantunnu arega apan mabbawoanna tadea'u taumata udde maawaekka.