IMAMATTA 5:5 - WUKE SUSI WATTI'U AL᷊AL᷊USASSA

⁵ Sulal᷊ummu hatto udde, taumata apan nassal᷊a ṛinone manga'u pasasal᷊ane.

IMAMATTA 5:5 Referans Kwoze

AMSAL 28:13

Isai apan mammunin dosane tawe mauntungnga. Isai manga'u wuṛṛu manantangngu rosa, sarun dangnguannu Mawu.

REENGANNA 5:7

taumata udde ṛinone manga'u rosane wuṛṛu mamaekka ringannu sara mallunassa, tambannu daruan pul᷊o porsenna lai wuassu aregane, su taumata apan nirugianne.

IMAMATTA 26:40

Arawe papapulunnu sarun manga'u rosan iupungu al᷊amonan mangitou apan buatte nanal᷊are si Ya'u wuṛṛu nilumawanga si Ya'u,

IMAMATTA 16:21

I tou ṛinone mangandangngu darua limane su wowo puan ambinga udde lapiddu manga'u anambon pasasal᷊ane, rosa wuṛṛu lal᷊awangngu walahannu Israel. Ringannu aroddi anambon pasasal᷊an balahannu Israel niingkatta su puan ambinga udde. Ana see sangkatou apan niapamanara ṛinone mallimbuakka ambinga udde watukku wadda'a.

ROMA 10:10

Ana waugu ringannu naungnge taumata mangngimanna, na'oman sara Ruata nanengkamma si tou naola'a sangkatou taumata apan uasasangkapia Ruata. Wuṛṛu ringannu moṛṛongnge taumata mangnga'u, na'oman sara i tou naasomba asasal᷊amatta.

YOSUA 7:19

I Yosua nabbisara si Akhan, “Ana'u, panga'ute wuṛṛu wal᷊oa'e uahahati isindi su saruannu Mawu Ruatan Israel, sarangkanambone apan buatte niolangu. Wal᷊oa'e si ya'u, arie pabbunia'a.”

DANIEL 9:4

Al᷊awo'u rosan balahangku ta'u nia'uanna su Mawu Ruata'u. Wisara'u, “Mawu Ruata, I'o wahewalla, wuṛṛu i yami mangngaddata Si'o. I'o sidutu mannuungngu paaire-Nu wuṛṛu mapal᷊iatta'u darangngu-Nu apan tawe panguddusanne si mangitou apan mandangngu Si'o wuṛṛu tuttuṛṛutta apa apan niparenta-Nu.

YEREMIA 3:13

Panga'ute manungku i'o nassala wuṛṛu buatte nilumawangnga su saruannu Mawu, Ruatanu. Panga'ute manungku su al᷊ungngu suapan punnu alu apan mappaṛṛampunga i'o buatte namatu'a apulunu su manga mawun balahanna waine, wuṛṛu tawe tumuṛṛutta manga parenta-U. I Ya'u, Mawu buatte nabbisara.”

DARALO 32:5

Ana see i ya'u nanga'ute rosa'u Si'o, pasasal᷊a'u taweddu ta'u niwuni. I ya'u nakkawessa, sarangkanambone a'uanna Si'o, ne I'o nangampunga rosa'u.

AYUB 33:27

Ne su saruannu awadaalla i tou sarun mabbisara, ‘Iapa lal᷊eo sassunnangku mapia, ahewallawe eteapa rosa'u, arawe Ruata tawe makkuumangku.’

IMAMATTA 5:13

Etearoddi olangnge imam mangngonggolu sasamba ipangampunga rosan taumata udde, ne i tou sarun ampungannu Mawu. Taponna lambene udde maola'e wageangngu imam, ere lai su aonggola gandumma.