IMAMATTA 4:35 - WUKE SUSI WATTI'U AL᷊AL᷊USASSA

³⁵ Wua'udde anambon tawan binatangnga udde ṛinone anuanna ere su sasamban paddarame. Tawa udde ṛinone itambunna su wowon mezbah, suadio'a ringannu sasamba anna apan nionggola su Mawu. Etearoddi olangnge imam mangonggolu sasamba ipangampunga rosan taumata udde, ne i tou sarun ampungannu Mawu.

IMAMATTA 4:35 Referans Kwoze

IMAMATTA 4:26

Wua'udde anambon tawan binatangnga udde ṛinone itambunna su wowon mezbah, ere lai su sasamban paddarame. Etearoddi olangnge imam mangngonggolu sasamba ipangampunga rosan taumata tembonanne, ne taumata udde sarun ampungannu Mawu.

IMAMATTA 4:20

Olangnge naal᷊ihidda ere nangonggolu sapi esakka maola'a sasamba ipangampungnga rosa. Etearoddi ola'u Imam Bahewalla mangngonggolu sasamba ipangampunga manga rosan taumata, ne manga rosa udde sarun ampungannu Mawu.

IMAMATTA 14:18

Lana lambene ṛinone ilal᷊inna su wowon puan taumata udde. Ringannu aroddi imam ma'ola'a lal᷊aghu pangangukkassa su taumata udde su saruannu Mawu.

IMAMATTA 6:7

Imam mangonggolu sasamba ipangampunga rosan taumata udde, ne i tou sarun ampungannu Mawu.

1 YOHANES 2:2

Ringannu pamamanaran Yesus Kristus uddewe manga rosan kite niampunganna. Wuṛṛu wal᷊ine tumba'u manga rosan kite sassane, ewe'e rosan anambon taumata lai.

1 YOHANES 1:7

Arawe amungkangu i ite mabbiakka sulal᷊ummu asasemakka ere lai Ruata sulal᷊ummu asasemakka, ne i ite mabbiakka uaaukka atonna, uasangkapia sangkatou ringannu waine, wuṛṛu ṛaṛṛan Mawu Yesus, Anang-Nge, namaresi si ite wuassu al᷊awo'u rosa.

1 PETRUS 3:18

Ana waugu Kristus sassane nate tumba'u paassa, ma'oman sara mal᷊annu-l᷊annu ana waugu rosan taumata – sangkatou apan tawe sal᷊ane, nate hunan taumata apan nassal᷊a. Kristus naola'a udde tadea'u i Tou wotongnge mangehetta si yamiu ringannu Ruata. I Tou nipate su ola'u wadanga arawe niaapawiakka apia su ola'u Ghaṛṛaho.

1 PETRUS 2:24

Kristus sassane namasanna manga rosan kite su watangan-Ne roso su alu arussa, tadea'u i ite mapallosa wuassu taṛṛinon dosa, wuṛṛu mabbiakka tuttuṛṛuta apulun Duata. Ete manga lessan Kristus apan nangapia si yamiu.

1 PETRUS 2:22

Tawe saran paassa i Tou na'ola'a rosa, wuṛṛu taambe pia sangkatou taumata naaringikka si Tou namahia.

IBRANI 9:14

nangilembote lai ṛaṛṛan Kristus! Sulal᷊ummu Ghaṛṛaho awasa, i Kristus nanantillu watangan-Ne sassane su Ruata maola'a sambau sassamba apan nasuungnga. Ṛaṛṛa-Ne mammaresi lal᷊ummu naungngi ite wuassu lal᷊aghun agama apan tawe gunane, tadea'u i ite wotongnge maapangimbe Ruata apan biakka.

IBRANI 7:26

Nariaddi, Mawu Yesus eteudde Imam Bahewa apan pappandumanni ite. I Tou susi; si Tou tawe niasombanganna pasasal᷊a ara'e rosa sarang kadio'a. I Tou niṛṛae wuassu manga taumata marosa, wuṛṛu niruitta su tampa lembon atanggaṛṛanne wuassu al᷊awo'u langitta.

IBRANI 4:14

Ana waugu udde i ite ṛinone uaaggasa matohassa su panga'uannu pangangimanni ite. Ana waugu i ite uatahuanna Imam Bahewa lembon mawantuga, apan suete sinumutta na'oma su saruannu Ruata – eteudde Yesus Kristus Ana'u Ruata.

IBRANI 1:3

Ete i Tou apan napaatualagu awawantugu Ruata apan lullendapa; ete i Tou hambarana apan masemakka wuassu wadangu Ruata sassane. Ete i Tou lai apan mammadul᷊i pa'a'aukku ul᷊ilim pati'uppa indi ringannu ṛengetan-Ne apan lembon mataṛṛino. Napawe i Tou suete namalan taumata nipallosa wuassu manga rosa mangitou, i Tou inuma'ianna su adderan araratuanna su surga su sambau ringannu Ruata, tembonanne apan atanggaṛṛanne.

KOLOSE 1:14

Wuassu Anang-Nge udde i ite suete nipallosa; atappasanne manga rosan kite suete niampunganna.

EFESUS 5:2

Wiakku ṛinone aintaṛṛoannu darangngu, ere lai Kristus marangngu si ite. I Tou nanantillu watangan-Ne ana waugu i ite, maola'a sambau sasamba apan mawangngi wuṛṛu maal᷊uassa naungngu Ruata.

2 KORINTUS 5:21

Kristus tawe pasasal᷊ane, arawe Ruata na'ola'a si Tou uapasanna rosan kite, tadea'u i ite maaukka apia ringannu Ruata ana waugu susambau ringanni Kristus.

ROMA 10:4

Titan agama buatte nitipussi Kristus. Nariaddi suapan taumata apan mangngimanna si Kristus, paa'aukki mangitou ringannu Ruata maola'a apia.

ROMA 8:1

Orassa indi tate lai ṛuumanna si mangitou apan mabbiakka su sambau ringannu Mawu Yesus.

ROMA 4:25

Mawu Yesus udde buatte tinantilla iapapate ana waugu manga rosan kite, see i Tou niapaawiakku Ruata apia, tadea'u i ite maaukka apia ringannu Ruata.

REENGANNA 15:25

Ana see imam ṛinone ma'ola'a lal᷊aghun pangangampungnga rosan balahanna. Ne i mangitou sarun ampunganna ana waugu i mangitou buatte nangapiddu sasamba aampungnga rosa see lai sasamba itattambunna su Mawu.

IMAMATTA 12:8

Amungkangngu wawine udde tawe maasaddia sambau ana'u domba, i tou ṛinone mangapiddu ruan bau manu'a merpati saṛṛen tumuwo ara'e bakiangnga saṛṛen tumuwo; sambau maola'a sasamba itattambunna wuṛṛu sambau lai maola'a sasamba ipangampungnga rosa. Imam ṛinone ma'ola'a lal᷊aghun ipamappassa rosan bawine udde, ne i tou nabbal᷊ite waresi.

IMAMATTA 9:7

Wua'udde i tou nabbisara si Harun, “Roote watukku mezbah wuṛṛu panaddiate sasamba ipangampungnga rosa wuṛṛu sasamba itattambunna, tadea'u rosanu wuṛṛu rosan ṛuangannu ampungannu Mawu. Ola'e udde ere buatte niparentan Mawu.”

IMAMATTA 5:13

Etearoddi olangnge imam mangngonggolu sasamba ipangampunga rosan taumata udde, ne i tou sarun ampungannu Mawu. Taponna lambene udde maola'e wageangngu imam, ere lai su aonggola gandumma.

IMAMATTA 5:10

Wua'udde imam mangonggolu manu'a aruane maola'a sasamba itattambunna, uasul᷊ungngu atoranna. Etearoddi ola'u imam mangngonggolu sasamba ipangampunga rosan taumata udde, ne i tou sarun ampungannu Mawu.

IMAMATTA 5:6

Wuṛṛu su ipanubbussa rosane, i tou ṛinone mangapiddu sambau domba ara'e ambinga wawine su Mawu. Imam ṛinone mangonggolu sasamba udde tadea'u rosan taumata udde ampunganna.

REENGANNA 15:28

Imam ṛinone ma'ola'a lal᷊aghun pangampunganna rosa su saruannu Mawu, tadea'u taumata udde ampunganna rosane.

IMAMATTA 15:15

Imam ṛinone mangonggollu manu'a sambau maola'a sasamba aampungnga rosa, wuṛṛu sambau lai maola'a sasamba itattambunna. Ringannu aroddi imam na'ola'a lal᷊aghun pamamaresi taumata udde su saruannu Mawu.

IMAMATTA 19:22

Imam ṛinone mangonggolu domba udde sulal᷊ummu lal᷊aghun pamamaresi, tadea'u rosan taumata udde ampunganna. Ne i Ya'u, Ruata sarun mangampungnga si tou.