IMAMATTA 4:31 - WUKE SUSI WATTI'U AL᷊AL᷊USASSA

³¹ Anambon tawan binatangnga udde ṛinone anuanna naal᷊ihidda su sasamban paddarame. Tawane udde ṛinone itambunnu manga imam su wowon mezbah, tadea'u hal᷊urune ma'al᷊uassa naungngu Mawu. Etearoddi olangnge imam mangngonggolu sasamba ipangampunganga rosan tumana'u soa, ne taumata udde sarun ampungannu Mawu.

IMAMATTA 4:31 Referans Kwoze

IMAMATTA 4:26

Wua'udde anambon tawan binatangnga udde ṛinone itambunna su wowon mezbah, ere lai su sasamban paddarame. Etearoddi olangnge imam mangngonggolu sasamba ipangampunga rosan taumata tembonanne, ne taumata udde sarun ampungannu Mawu.

IMAMATTA 4:35

Wua'udde anambon tawan binatangnga udde ṛinone anuanna ere su sasamban paddarame. Tawa udde ṛinone itambunna su wowon mezbah, suadio'a ringannu sasamba anna apan nionggola su Mawu. Etearoddi olangnge imam mangonggolu sasamba ipangampunga rosan taumata udde, ne i tou sarun ampungannu Mawu.

IMAMATTA 1:9

Ana see taumata udde ṛinone mangukkasa tinaine see palangngu sapi udde, wuṛṛu imam apan uamanara ṛinone manambunnu sarangkanambone. Hal᷊urun sasamba itattambunna udde ma'al᷊uassa naungngu Mawu.

IMAMATTA 1:13

Ana see taumata udde ṛinone mangukkassa tinaine wuṛṛu palangngu winatangnga udde. Wua'udde manga imam ṛinone mangonggolu sarangkanambone su Mawu, wuṛṛu manambunna su wowon mezbah. Hal᷊urun sasamba itattambunna udde ma'al᷊uassa naungngu Mawu.

SASABANGNGA 29:18

Onggol᷊a'e domba esakka sarangkanambone udde su wowon mezbah maola'a sasamba itattambunna. Hal᷊urune ma'al᷊uassa naung-Ku.

PANDARIADDI 8:21

Hal᷊urun sasamba apan mawangngi udde naal᷊uassa naungngu Mawu, wuṛṛu i Tou nabbisara sulal᷊ummu naungnga, “I ya'u tate lai mamontoga runia indi ana waugu inolaannu taumata; i Ya'u masingkatta manungku ro'en i tou ta'e dario'a, ṛingirannu taumata udde lal᷊eo. I ya'u tate saran paassa mamate alawo'u riadianna wiakka naal᷊ihidda ere buatte Ta'u niola'a indi.

SONDAPPA 5:9

I mangitou mangngantarin sambau antari apan bakku: “I'o wotongnge manganu wuke udde wuṛṛu mamesangnga manga segelene. Ana waugu I'o suete nipate, wuṛṛu ringannu papate-Nu, taumata wuassu al᷊awo'u ṛuanganna wahasa, araratuanna, wuṛṛu walahanna suete niwallian-Nu hunane su Ruata.

1 YOHANES 1:7

Arawe amungkangu i ite mabbiakka sulal᷊ummu asasemakka ere lai Ruata sulal᷊ummu asasemakka, ne i ite mabbiakka uaaukka atonna, uasangkapia sangkatou ringannu waine, wuṛṛu ṛaṛṛan Mawu Yesus, Anang-Nge, namaresi si ite wuassu al᷊awo'u rosa.

IBRANI 10:14

Nariaddi ringannu sasamba sambau, i Kristus napaasuungngu manga taumata apan suete niwaresi wuassu rosa.

IBRANI 10:12

Arawe i Kristus tumba'u nangonggolu sambau sasamba ipanubbusa rosa, wuṛṛu sasamba udde ipappaatta saran mal᷊annu-l᷊annu. Napawe suete nanantillu sasamba udde, i Kristus inuma'ianna su uanannu Ruata wuṛṛu mammarenta suadio'a ringanni Tou.

IBRANI 9:12

Mawu Yesus sinumutta su Wabbo'a Lembon Susi sulal᷊ummu rasanna udde tumba'u paassa ma'oman sara mal᷊annu-l᷊annu. Su tempo udde i Tou tawe nangapiddu ṛaṛṛang kambinga esakka ara'e ṛaṛṛan ana'u sapi olaanna sassamba; i Tou nangapiddu ṛaṛṛan Tou sassane, wuṛṛu ringannu udde i Tou nanubusa rosang kite saran mal᷊annu-l᷊annu.

IBRANI 1:3

Ete i Tou apan napaatualagu awawantugu Ruata apan lullendapa; ete i Tou hambarana apan masemakka wuassu wadangu Ruata sassane. Ete i Tou lai apan mammadul᷊i pa'a'aukku ul᷊ilim pati'uppa indi ringannu ṛengetan-Ne apan lembon mataṛṛino. Napawe i Tou suete namalan taumata nipallosa wuassu manga rosa mangitou, i Tou inuma'ianna su adderan araratuanna su surga su sambau ringannu Ruata, tembonanne apan atanggaṛṛanne.

EFESUS 5:2

Wiakku ṛinone aintaṛṛoannu darangngu, ere lai Kristus marangngu si ite. I Tou nanantillu watangan-Ne ana waugu i ite, maola'a sambau sasamba apan mawangngi wuṛṛu maal᷊uassa naungngu Ruata.

MATIUS 3:17

Wua'udde niaringikka tingikku Ruata nabbisara, “Ete indi Ana'u apan arangnguanna, i Tou ma'al᷊uassa naung-Ku.”

YESAYA 53:10

Mawu mappandumma manungku i tou matataṛṛangnga, wuṛṛu manantillu watanganne maola'a sasamba ipamappassa rosa. Ne uukke sarun mal᷊o'engnga wuṛṛu maasilo papapulunne sulal᷊ummi tou apulu Mawu sarun mariaddi.

YESAYA 42:21

Mawu mappandumma manal᷊amatta; i Tou mappulu tita-Ne a'addatanna wuṛṛu wantuhanna.

AYUB 42:8

Ne, orassa indi panganute pitu sapi esakka wuṛṛu pitu domba esakka, wua'udde roote ringanni Ayub. Ana see onggol᷊a'e sarangkanambone udde maola'a sasamba itattambunna hunan ririnu. Ayub sarun umal᷊iomanni yamiu wuṛṛu aal᷊iomanne sarun daringiṛṛang-Ku. I yamiu tawe Ta'u pansilianna, salaiwe i yamiu ṛinone manengkamma ṛuumanna. I yamiu tawe namasingkattu watti'a ṛinone su ola'u watangng-Ku, arawe i Ayub namasingkattu olangnge udde.”

EZRA 6:10

Amata'e sarangkanambone udde tadea'u i mangitou wotongnge mangonggollu sasamba apan maal᷊uassa naungngu Ruata uataṛṛino su surga, wuṛṛu tadea'u i mangitou sumal᷊ande al᷊amatta apan hunane si ya'u wuṛṛu su manga ana'u.

IMAMATTA 4:19

Anambon tawan binatangnga udde anuanna ana see itambunna su wowon mezbah.

IMAMATTA 1:17

Wua'udde manu'u winalanganna udde ṛinone latto'anna su punnu papaidde, arawe papaidde tawe wotongnge mabassutta. Ana see manu'a udde ṛinone itambunna su wowon mezbah. Hal᷊urun sasamba itattambunna udde ma'al᷊uassa naungngu Mawu.

IMAMATTA 2:2

I tou ṛinone mangapidda su manga imam papapulunni Harun. Imam apan mammanara ṛinone manganu sangkangkumma taponna udde ringannu lanan zaitun wuṛṛu anambon amaniane, ana see itambunna su wowon mezbah maola'a tatiala manungku sarangkanambone buatte nionggola su Mawu. Hal᷊uṛṛun sasamba anna udde ma'al᷊uassa naungngu Mawu.

IMAMATTA 2:9

Imam manganu sambageanganna wuassu roti ana see itambunni tou su wowon mezbah maola'a tatiala manungku sarangkanambone buatte nionggola su Mawu. Hal᷊urune ma'al᷊uassa naungngu Mawu.

IMAMATTA 5:6

Wuṛṛu su ipanubbussa rosane, i tou ṛinone mangapiddu sambau domba ara'e ambinga wawine su Mawu. Imam ṛinone mangonggolu sasamba udde tadea'u rosan taumata udde ampunganna.

IMAMATTA 5:10

Wua'udde imam mangonggolu manu'a aruane maola'a sasamba itattambunna, uasul᷊ungngu atoranna. Etearoddi ola'u imam mangngonggolu sasamba ipangampunga rosan taumata udde, ne i tou sarun ampungannu Mawu.

IMAMATTA 14:18

Lana lambene ṛinone ilal᷊inna su wowon puan taumata udde. Ringannu aroddi imam ma'ola'a lal᷊aghu pangangukkassa su taumata udde su saruannu Mawu.

IMAMATTA 15:15

Imam ṛinone mangonggollu manu'a sambau maola'a sasamba aampungnga rosa, wuṛṛu sambau lai maola'a sasamba itattambunna. Ringannu aroddi imam na'ola'a lal᷊aghun pamamaresi taumata udde su saruannu Mawu.

IMAMATTA 19:22

Imam ṛinone mangonggolu domba udde sulal᷊ummu lal᷊aghun pamamaresi, tadea'u rosan taumata udde ampunganna. Ne i Ya'u, Ruata sarun mangampungnga si tou.

REENGANNA 15:25

Ana see imam ṛinone ma'ola'a lal᷊aghun pangangampungnga rosan balahanna. Ne i mangitou sarun ampunganna ana waugu i mangitou buatte nangapiddu sasamba aampungnga rosa see lai sasamba itattambunna su Mawu.