IMAMATTA 4:12 - WUKE SUSI WATTI'U AL᷊AL᷊USASSA

¹² nariaddi sarangkanambone tabbene'e wageangnge apan buatte niṛṛae, ṛinone iapidda su liuddu paddasananna. Isudde sapi udde ṛinone itambunna su putungnga su tampan pandammeannu awu, eteudde tampa apan niṛṛae pandammeannu awu udde.

IMAMATTA 4:12 Referans Kwoze

IBRANI 13:11

Ṛaṛṛam binatangnga apan suete nionggolla maola'a sambau sasamba tatubbusa rosa, niapiddu imam bahewa watukku Wabbo'a Lembon Susi, arawe wadangu winatangnga udde sassane tutunganna su liuddu paddasananna.

SASABANGNGA 29:14

Ṛemessa, pisi wuṛṛu tinain sapi esakka udde ṛinone itambunna su liuddu paddasananna. Eteudde maola'a aonggolla ipangampungnga rosan manga imam.

IMAMATTA 16:27

Sapi esakka wuṛṛu ambinga olaanna sasamba ipangampunga rosa, apan daṛṛane niapidda sumutta watukku Wabbo'a Lembon Susi maola'a aampungnga rosa, ṛinone iapidda watukku liuddu paddasananna wuṛṛu itambunna. Pisine, ṛemene wuṛṛu lal᷊oṛṛon tiannu winatangnga darua udde ṛinone itambunna sarangkanambone.

REENGANNA 19:5

Ahewallu winatangnga udde, nasutta pisine, ṛemessa, daṛṛa wuṛṛu lal᷊oṛṛon tianne, ṛinone itambunna su saruannu imam.

REENGANNA 19:3

Tantil᷊a'e sapi udde si Imam Eleazar. Winatangnga udde ṛinone iapidda su liuddu paddasananna ana see ṛatanna su saruannu imam.

REENGANNA 15:35

Mawu nabbisara si Musa, “Taumata udde ṛinone iṛṛuumanna pateanna. I tou ṛinone iapidda su liuddu paddasananna wuṛṛu poiaroddi anambon ṛuanganna manuntungngu watu si tou ma'oman sara mate.”

REENGANNA 5:3

I mangitou ṛinone iapasal᷊iu, tadea'u tawe mamarantinna paddasananna, suapa i Ya'u uatana'a suadio'a ringannu walahanna-Ku.”

IMAMATTA 13:46

Su al᷊annune uatataṛṛangnga radda'a udde i tou ma'arantinna wuṛṛu ṛinone matana'a su liuddu paddasananna, marau wuassu manga taumata waine.

IMAMATTA 4:21

Wua'udde sapi esakka udde ṛinone iapidda watukku liudde, wuṛṛu itambunna su liuddu paddasananna, ere lai su sasamba sapi esakka su ipangampungnga rosan Imam Bahewalla udde sassane. Etearoddi olangnge mangonggolu sasamba ipangampungnga rosan taumata.

IMAMATTA 6:30

Winatangnga apan ipaatta su lal᷊aghun pangangampunga rosa apan nianu wuassu sambageanganna daṛṛane apan iapidda watukku Wabbo'a Susi, ṛinone itambunna ma'oman sara masue wuṛṛu tawe wotongnge annananna.

IMAMATTA 8:17

Arawe ṛemessu sapi udde, pisine, lal᷊oṛṛon tianne nasutta lai tinaine, nariaddi ahewallu sapi udde tabene'e manga wageangnge apan buatte niṛṛae nitambunni tou su liuddu paddasananna ere buatte niparentan Mawu.

IMAMATTA 9:11

Arawe ṛemessa wuṛṛu pisin binatangnga udde nitambunna su liuddu paddasananna.

YEHEZKIEL 43:21

Wua'udde panganute sapi esakka aampunga rosa udde, wuṛṛu tambuna'e su tampa apan buatte nitantunna, eteudde su liuddu tampa na'ukkassu Wal᷊e Mawu.

IMAMATTA 6:4

Taumata apan nassal᷊a udde ṛinone mamaekka apia sarangkanambone apan niasombanganne ringannu tawe su ṛinone. Su tempu i tou niasangkal᷊anna nassal᷊a, i tou ṛinone mamaekka sarangakanambone su tatahuanne, tambannu lai darua pul᷊o persenna.

IMAMATTA 6:23

Suapan sasamba ia'imbe apan ionggolu imam ṛinone sarangkahewalle itambunna, saran addio'a imbaṛṛangnga annananna.