IMAMATTA 27:29 - WUKE SUSI WATTI'U AL᷊AL᷊USASSA

²⁹ Ewe'e lai taumata apan buatte niṛṛae su Mawu hunan pateanna tawe wotongnge tubbusanna; i tou ṛinone pateanna.

IMAMATTA 27:29 Referans Kwoze

IMAMATTA 27:28

Tawe saran sangkatou apan wotongnge mabbal᷊u'a ara'e manubbussa apa apan buatte niṛṛae ringannu tawe taweddu maal᷊angnga su Mawu, mawae udde taumata, winatanga ara'e leta'a. Udde tatahuanannu Mawu saran mal᷊annu-l᷊annu.

IMAMATTA 27:30

Sepere mapul᷊o wuassu anambon hessin leta'a, mawae ganduma ara'e wuan manga aaluanna, udde hunane su Mawu.

1 SAMUEL 15:3

Nariaddi, roote wuṛṛu pangaloite taumatan Amalek wuṛṛu ṛimunsa'a al᷊awo'u pussa'an mangitou. Arie pia sambau apan matantanga; patete anambon taumata esakka, wawine, al᷊aṛṛana'a wuṛṛu ana'a ta'e maṛṛamutta; see lai sapi, domba, unta wuṛṛu keledai.”

1 SAMUEL 15:8

Anambon tumana'u soa wuṛṛu tantaran Amalek nipaten Saul. Arawe i Agag ratun taumatan Amalek nisametta wuṛṛu niwala ta'e wiakka ṛatanganni Saul wuṛṛu tantarane, aroddi lai domba wuṛṛu sapi apan apianne, ana'u sapi wuṛṛu ana'u domba apan atawanne, wuṛṛu al᷊awo'u saranapa apan maarega; tumba'u winatangnga apan tawe gunane wuṛṛu tawe aregane apan nasue nipate.

1 MARARATU 20:42

Nabi udde nabbisarate ratu, “Eteindi apan niwisaran Mawu: ‘Taumata apan Ta'u niparentanna tadea'u pateanna buatte niwalanu naal᷊assangnga. Ana waugu udde i'o ṛinone mate maola'a hahantine. Tantaranu sarun maṛṛimunsa'a ana waugu buatte namalan tantaran seetta tinumal᷊angngu watanganne.’ ”