IMAMATTA 27:28 - WUKE SUSI WATTI'U AL᷊AL᷊USASSA

²⁸ Tawe saran sangkatou apan wotongnge mabbal᷊u'a ara'e manubbussa apa apan buatte niṛṛae ringannu tawe taweddu maal᷊angnga su Mawu, mawae udde taumata, winatanga ara'e leta'a. Udde tatahuanannu Mawu saran mal᷊annu-l᷊annu.

IMAMATTA 27:28 Referans Kwoze

SASABANGNGA 22:20

Isai apan mangonggolu sasamba su manga Mawu waine, tabbene'e si Ya'u, Mawu, ṛinone iṛṛuumanna pateanna.

IMAMATTA 27:21

Sulal᷊ummu Tonna Pamelenganna apan manansunna, wawail᷊anna udde maola'a tatahuanannu Mawu saran mal᷊annu-l᷊annu, wuṛṛu ionggola su manga imam.

TAHIUL᷊E 25:19

Ana waugu udde, amungkangngu Mawu Ruatanu buatte nangonggolu wanua udde si yamiu wuṛṛu i yamiu matammudda wuassu al᷊awo'u seetta apan uatana'a maraninu, anambon taumatan Amalek udde ṛinone pateanni yamiu, ma'oman sara i mangitou tate naunganna lai. Imbaṛṛangnga abbul᷊iananna!”

1 SAMUEL 15:18

wuṛṛu lai i Tuangnga nirolokku Mawu iapapate taumatan Amalek apan dal᷊eo udde. I Tuangnga nirolokka iapapangalo si mangitou ma'oman sara i mangitou sarangkanambone masue.

YOSUA 7:1

Mawu buatte namarenta su walahannu Israel manungku wuassu al᷊awo'u saranapa su soan Yerikho apan ṛinone tutunganna, saran sambau imbaṛṛanga anuanna. Arawe parenta udde tawe niraringiṛṛana. Sangkatou esakka aranne i Akhan nilumawanna parenta udde, na'oman sara Mawu nasa'u su ṛuangannu Israel. (Iamangi Akhan aranne i Karmi wuṛṛu iupunge aranne i Zabdi wuassu ṛuanganni Zerah sulal᷊ummu ṛuanganni Yehuda.)

YOSUA 6:26

Su tempo udde i Yosua napaasabangu sasingadda indi, “Suapan isai apan pia apulu mapararisikku apia soan Yerikho indi, sarun aṛṛinoannu wawontogu Mawu. Isai apan mangaddon rapappake sarun awul᷊iannu ana'a pahul᷊une wuṛṛu isai apan mangele manga ngarane sarun awul᷊iannu ana'a ṛembonne.”

REENGANNA 18:14

Al᷊awo'u saranapa su leta'u Israel apan buatte niṛṛae si Ya'u, eteudde maola'a wageangngu.

GALATIA 3:13

Arawe Kristus namallosi ite wuassu awawontogu titan agama. I Tou na'ola'a udde ringannu namalan watangan-Ne awontohanna ana waugu i ite. Ana waugu sulal᷊ummu Wuke Susi uawoṛṛetta, “Niawontohante taumata apan nate niele su alu pangangeleanna.”

GALATIA 3:10

Manga taumata apan uatundeeta su titan agama, sarangkanambone mabbiakka su al᷊ungngu awawontoga. Ana waugu sulal᷊ummu Wuke Susi uawoṛṛetta, “Taumata apan tawe tumuṛṛutta mappaamattu sarangkanambone apan uawoṛṛetta sulal᷊ummu Wuke Titan Agama, awontohannu Ruata!”

1 KORINTUS 16:22

Taumata apan tawe mandangngu Mawu, wala'e i tou awontohanna! Maranatha – Mawun kami, rantate!

ROMA 9:3

ana waugu manga tuṛṛangnga sambalahangku. Ana waugu ete si mangitou, i ya'u sassane mal᷊uassa wontohannu Ruata wuṛṛu iapaatal᷊ei wuassi Kristus.

MATIUS 25:41

See Ratu udde sarun mabbisara su manga taumata su samba'an aiṛṛiNe, ‘Roote wua isindi, manga taumata lal᷊eo! Suttate sulal᷊ummu putungnga apan tawe iapadumma, apan suete nissaddia su Setanna wuṛṛu su manga ralol᷊oṛṛanne!

1 SAMUEL 15:3

Nariaddi, roote wuṛṛu pangaloite taumatan Amalek wuṛṛu ṛimunsa'a al᷊awo'u pussa'an mangitou. Arie pia sambau apan matantanga; patete anambon taumata esakka, wawine, al᷊aṛṛana'a wuṛṛu ana'a ta'e maṛṛamutta; see lai sapi, domba, unta wuṛṛu keledai.”

MAL᷊AṚṚUUNGNGA 21:11

I mangitou nirolokka niapapate anambon taumata esakka, wuṛṛu suapan wawine apan tate lai parawanna.

MAL᷊AṚṚUUNGNGA 21:5

Wua'udde i mangitou namarikissa suwallatu manga walahannu Israel tanne piaddu inai na'ammula sinumaruanna Mawu su Mizpa dorone. (Sutempo udde i mangitou buatte nassalu manungku taumata apan tawe niumitu'a wawago watukku Mizpa ṛinone iṛuumanna pateanna.)

YOSUA 7:25

Ana see i Yosua nabbisara si Akhan, “Anio i'o mandantan asasusa si ite? Orassa indi Mawu sarun mandatan asasusa si'o!” Ana see taumatan Israel nanuntungu watu si Akhan suadio'a ringannu laloṛṛon bal᷊ene na'oman sara nate. Anambon saranapa pussaane, wuṛṛu manga saranapa nita'o nasue nitutungnga.

IMAMATTA 27:27

Arawe winatanga ipappalli apan paarorone niasungkanga wotongnge tubbusanna tumuṛuttu arega apan ipappaatta su Rasannu Mawu tambannu lai ruan pul᷊o persenna. Amungkangu tawe tubbusanna, winatanga udde wotongnge iwal᷊u'a su taumata waine tumuṛuttu arega apan ipappaatta su Rasannu Mawu.

IMAMATTA 27:29

Ewe'e lai taumata apan buatte niṛṛae su Mawu hunan pateanna tawe wotongnge tubbusanna; i tou ṛinone pateanna.

TAHIUL᷊E 7:26

Imbaṛṛangnga mangaddon sambau paal᷊uanna sulal᷊ummu wal᷊enu, tadea'u wontoga apan maṛṛia'a si tou tawe maṛṛia'a lai si yamiu. Olangnge udde ṛinone ia'atantinni yamiu wuṛṛu a'adio'a, ana waugu buatte niwontohannu Mawu Ruata.”

YEHEZKIEL 44:29

I mangitou ṛinone mabbiakka wuassu aonggolla gandumma, sasamba papappassa rosa, wuṛṛu manga sasamba wawaekka arugianna; wuṛṛu manga al᷊awo'a apan buatte niṛṛae si Ya'u, ṛinone ionggolla si mangitou.

YEHEZKIEL 48:14

Salaiwe sandango leta'a udde tawe iawal᷊u'i mangitou ara'e ipanal᷊iu; wageangnge apan apianne wuassu leta'u Israel tawe wotongnge ma'ingkatta su taumata waine, ana waugu leta'a udde buatte niṛṛae huna Mawu wuṛṛu maola'a pussa'a-Ne.

IMAMATTA 21:22

Arawe i tou wotongnge umanna anna apan nionggola, mawae ete sasamba anna apan susi aroddi lai sasamba anna apan lembon susi.

2 TAWARIKH 31:14

Kore ana'i Yimna, sangkatou taumatan Lewi apan naola'a tembonannu mandariaga su Ngara Wahewallu Ra'i su Wal᷊en Mawu, tinantil᷊annu manara mannengkamma manga aonggola apan ia'onggola su Mawu ana see i tou lai nattahiate.