IMAMATTA 27:21 - WUKE SUSI WATTI'U AL᷊AL᷊USASSA

²¹ Sulal᷊ummu Tonna Pamelenganna apan manansunna, wawail᷊anna udde maola'a tatahuanannu Mawu saran mal᷊annu-l᷊annu, wuṛṛu ionggola su manga imam.

IMAMATTA 27:21 Referans Kwoze

YEHEZKIEL 44:29

I mangitou ṛinone mabbiakka wuassu aonggolla gandumma, sasamba papappassa rosa, wuṛṛu manga sasamba wawaekka arugianna; wuṛṛu manga al᷊awo'a apan buatte niṛṛae si Ya'u, ṛinone ionggolla si mangitou.

REENGANNA 18:14

Al᷊awo'u saranapa su leta'u Israel apan buatte niṛṛae si Ya'u, eteudde maola'a wageangngu.

IMAMATTA 25:31

Amungkangngu wal᷊en su ampungnga apan tawe papal᷊iwutannu tanda'a atoranne ere lai atorannu leta'a: tatahuanne paarorone wotongnge manubbussa wuṛṛu wal᷊en udde ṛinone iapawelengnga sulal᷊ummu Tonna Pamamelenganna.

IMAMATTA 25:28

Arawe amungkangngu i tou tawe maatubussa letangnge, taumata apan namalli sidutu uaagassa leta'a udde maddatingngu Tonna Pamamelengnga manansunna. Sulal᷊ummu tonna udde leta'a udde ṛinone iul᷊e su tatahuanne paarorone.

IMAMATTA 25:10

I yamiu ṛinone maṛṛaen tonna al᷊iman pul᷊one udde, wuṛṛu mamasingkattu apapallossa su anambon tumana'u wanua. Sulal᷊ummu tonna udde al᷊awo'u darotongngu apan buatte niwal᷊u'a ṛinone iapawelengnga su tatahuanne paarorone ara'e papapulunne. Isai apan niwal᷊u'a maola'a allangnga ṛinone iapawelengnga su amonanne.

EZRA 10:8

Isai-sai apan tawe nirumanta sulal᷊ummu tallu allo, sarun anuanna anambon darotongnge wuṛṛu i tou tate lai iwal᷊i su reengannu tumanangnge. Wasiat udde niwartandannu manga piaṛṛa'u tumana'a.

YOSUA 6:17

Ahewallu soa ma'oman sara lal᷊oṛṛone ṛinone ṛimunsaanna tawe lambene maola'a sambau sasamba su Mawu. Tumba'u i Rahab wawine masandaga udde wuṛṛu lal᷊oṛṛon bal᷊ene niwala wiakka, ana waugu i tou buatte nantul᷊ungngu matataṛṛaso'on kite.

TAHIUL᷊E 13:17

Manga saranapa apan niawontohanna udde tawe wotongnge sahipunna maola'a darotongngu sassane, arawe ṛinone insueanna abbi. Ne asasa'un Mawu umompo'a wuṛṛu i Tou sarun mapal᷊iatta'u tatal᷊antume si yamiu. I Tou sarun mal᷊uassa naung-Nge si yamiu wuṛṛu ma'ola'a si yamiu walahanna apan bahewalla ere buatte niriandi-Ne su al᷊amonanu,

IMAMATTA 27:20

Amungkangngu i tou mabbal᷊u'u wawail᷊anne udde ringannu tawe manubbussa dorone wuassu Mawu, i tou tate maatuahuanna manubbussa wawail᷊anne.

IMAMATTA 27:22

Amungkangngu pia sangkatou mangonggolu sasamba su Mawu santampa wawail᷊anna apan buatte niwallianne,