IMAMATTA 26:5 - WUKE SUSI WATTI'U AL᷊AL᷊USASSA

⁵ Hessin letangngu sarun lumambalanna, ma'oman sara napawe nia'omante tempone mani'o wuan kanggore, i yamiu ta'e mangngitingnga gandumma. Wuṛṛu napawe nia'omante tempone mangasi'u gandumma, i yamiu ta'e manni'o wuan anggore. I yamiu sarun pia anna apan hatimu wuṛṛu abbiakka su lal᷊umanna'a su wanuanu.

IMAMATTA 26:5 Referans Kwoze

AMOS 9:13

Mawu nabbisara, “Sarun a'omanna tempone gandumma sarun tumuwo aroddi al᷊ihakke na'oman sara tempon pangangitingnga tawe bassunne. Punnu anggore sarun tumuwo aroddi al᷊ihakke na'oman sara taumata sidutu ma'ola'a ua'en anggore. Ua'en anggore sarun tumuro wuassu manga wowone wuṛṛu mangelekka wuassu manga wuidda.

YOEL 2:26

I yamiu sarun masuungnga anna wuṛṛu maapendamma mal᷊aidda. Mawu Ruatanu sarun bantuhanni yamiu, ana si yamiu niolang-Nge manambo al᷊aṛṛindu'a. Uma-U tate lai maola'a hatto aal᷊uandaga!

YOEL 2:19

I tou sinumimbakka si mangitou arendi, “Orassa indi i yamiu sarangkanambone Ta'u onggol᷊annu: gandumma, anggore wuṛṛu lanan zaitun maola'a wiakki yamiu, tadea'u i yamiu sarangkanambone iapaal᷊aidda. I Ya'u tawe mamalan kamiu lallobbosanna ara'e ilallaggen manga walahanna.

AMSAL 1:33

Arawe taumata apan maddaringikka si ya'u sarun papadul᷊iananna. I tou mabbiakka ringannu mal᷊angnganna wuṛṛu tawe atata'utta.”

TAHIUL᷊E 11:15

see lai nannal᷊o annu winatangngu. Al᷊awo'u anna apan pappandumanni yamiu sarun nasadiate si yamiu.

1 TIMOTIUS 6:17

Su manga taumata ala su runia indi, ṛinone i'o maddorongnga tadea'u i mangitou arie mamunga wuṛṛu arie mangantimma manga sarannapa apan tawe tantune – ereudde paa'ala. I mangitou ṛinone pia antimma su Ruata apan mangonggolu al᷊awo'a si ite ringannu manambo tadea'u i ite wotongnge maatemma paa'ala udde.

1 PETRUS 1:5

Sarangkanambone udde ionggola si yamiu, ana waugu i yamiu mangngimanna Ruata. Ne i yamiu rariagannu taṛṛinon Duata tadea'u i yamiu manengkamma asasal᷊amatta apan nasaddiate iapaal᷊iatta'a su allo pangudusanne.

WATTI'U MANGA RASUL 14:17

Arawe i Tou tawe maabul᷊i mangonggolu tatiala-Ne, eteudde ringannu ma'ola'a apapia. i Tou mangngonggolu uranna wuassu langitta wuṛṛu hessin leta'a su tempone. I Tou mangngonggolu anna si yamiu wuṛṛu malluassa naungngu.”

MATIUS 23:37

“Yerusalem, Yerusalem! Manga nabi suete nipatenu. Manga ralol᷊oṛṛannu Ruata suete tinuntungannu watu na'oman sara nate. Paapirate i Ya'u maapulu mangammullu tumana'u soa naal᷊ihidda ere inangngu manu'a mangooppa al᷊aṛṛanangnge sulal᷊ummu papaidde, arawe i yamiu madiri!

YEREMIA 23:6

Napawe i tou mamarenta, taumatan Yehuda sarun masal᷊amatta, wuṛṛu taumatan Israel sarun mabbiakka ringannu mal᷊angnganna. Ratu udde sarun isaggo ‘Mawu Asasal᷊ammatti Ite’.

AMSAL 18:10

Mawu udde naal᷊ihidda menara apan matohassa; ete poiaroddi taumata matul᷊idda inai wuṛṛu maasomba tampa apan mal᷊angnganna.

DARALO 90:1

Aal᷊iomanni Musa, allangngu Ruata. Oh Mawu, ete I'o tampa pattillumanni yami sara maṛṛawa mappulunna.

SASABANGNGA 16:8

Mawu sarun mangonggolu ṛemessa si yamiu su tempo wawallo, wuṛṛu roti su tempo marua'allo ma'oman sara i yamiu mal᷊aidda, ana waugu Mawu buatte naaringikke si yamiu massa'u si Tou. Amungkangngu i yamiu massa'u si yami, i yamiu ere massa'u Mawu.”

HOSEA 2:18

Sutempo udde i Ya'u sarunma'ola'a paaire ringannu al᷊awo'u hatin binatangnga tadea'u i mangitou tate manal᷊asa'u uma-U. I Ya'u sarun mapaaddon al᷊awo'u pangalo wuṛṛu manahangginna manga ahiddu pangalo wuassu wanuan uma-U udde, wuṛṛu ma'ola'a si mangitou mabbiakka ringannu mal᷊angnganna wuṛṛu matammudda.

DARALO 144:13

Doronganna manga pangangadoannu amme si ite mapenen lal᷊oṛṛone ringannu al᷊awo'u hatin hessin sinuananna. Doronganna manga domban kite su wadda'a ṛumana'a ma'oman sara mapul᷊o su ṛiwune anambone.

YESAYA 1:19

Amungkangngu i yamiu maapulu tumuṛṛutta si Ya'u, i yamiu sarun mamendamma al᷊awo'a apan mapia sussabbangnga wuassu wanuanu.

YESAYA 30:23

Napawe i yamiu mangasi'u wualanna, Mawu sarun mandolokku uranna tadea'u wualanna udde tumuwo wuṛṛu mangonggollu pangitinganna apan manambo-nambo. Su winatangnga papadul᷊ianannu sarun uasaddiate wadda'u nannal᷊o apan mal᷊alangnga.

HOSEA 2:20

Ere buatte pina'ire-U, i'o sarun Ta'u iawingnga. I'o sarun manga'u mangungku i Ya'u maola'a Mawunu sassane.

YOEL 2:22

Ei manga winatangnga, ariete masusa. Manga wadda'u nannal᷊o orassa indi nangelompe. Ringannu nabelle'a manga aaluanna nabbua, wuan anggore wuṛṛu ara mangke pia serege.