IMAMATTA 26:4 - WUKE SUSI WATTI'U AL᷊AL᷊USASSA

⁴ I Ya'u sarun manossokku uranna su tempone, ma'oman sara leta'a mangonggolu hessine wuṛṛu manga aaluanna mabbua.

IMAMATTA 26:4 Referans Kwoze

ZAKARIA 8:12

I mangitou sarun mangasi'u wualanna ringannu paddarame. Manga punnu anggori mangitou sarun mabbua, leta'a sarun mangonggollu hessine, wuṛṛu uranna sarun mangansalla ringannu manambo-nambo. Al᷊awo'u al᷊amatta Ta'u iionggolla su manga taumata apan ta'e wiakka wuassu walahanna indi.

DARALO 67:6

Antimanna manga walahanna maddalo Si'o, oh Mawu, antimanna anambon walahanna maadiangkamanna Si'o.

YEHEZKIEL 36:30

I Ya'u sarun manamba asasuwukku aaluannu wuanu wuṛṛu hessi manga wawail᷊annu, ma'oman sara i yamiu tate lai maapendamma ṛutumma apan mandal᷊eo arannu suwallattu manga walahanna.

YESAYA 30:23

Napawe i yamiu mangasi'u wualanna, Mawu sarun mandolokku uranna tadea'u wualanna udde tumuwo wuṛṛu mangonggollu pangitinganna apan manambo-nambo. Su winatangnga papadul᷊ianannu sarun uasaddiate wadda'u nannal᷊o apan mal᷊alangnga.

AYUB 5:10

I tou nanossokku uranna su wowon dunia, na'oman sara wawail᷊anna wuṛṛu wadda'a naṛṛolo niwokkanne.

TAHIUL᷊E 28:12

Mawu sarun manossokku uranna su tempone wuassu tampa aradoanne su langitta. I Tou sarun mangal᷊amatta al᷊awo'u inasaharannu, na'oman sara i yamiu wotongnge mapawallassa su anambon balahanna, arawe i yamiu sassane tawe mabballassa.

TAHIUL᷊E 11:14

Amungkangngu i yamiu ma'ola'a aroddi, ne Mawu sarun manossokku uranna su letangngu su tempone matitimma, napawe i yamiu buatte nangitingnga, wuṛṛu su tempo i yamiu manattakke mangasi'a. Ne i yamiu sarun maatahuanna manambo gandumma, anggore wuṛṛu lanan zaitun,

IMAMATTA 25:21

Su tonna aiannumme Mawu sarun mangal᷊amatta na'aman sara hessine wotongnge ipaatta sulal᷊ummu tallu tonna.

WATTI'U MANGA RASUL 14:17

Arawe i Tou tawe maabul᷊i mangonggolu tatiala-Ne, eteudde ringannu ma'ola'a apapia. i Tou mangngonggolu uranna wuassu langitta wuṛṛu hessin leta'a su tempone. I Tou mangngonggolu anna si yamiu wuṛṛu malluassa naungngu.”

MATIUS 5:45

tadea'u i yamiu maola'a al᷊aṛṛana'u Iamangngi yamiu su surga. Ana waugu Ruata mapasabangngu matannallo su taumata apan mapia, wuṛṛu su taumata apan dal᷊eo lai. I tou napa'uranna su taumata apan ma'ola'a apapia wuṛṛu su taumata apan ma'ola'a al᷊al᷊eo lai.

DARALO 85:12

Tatuṛṛuttu taumata sarun tumuwo wuassu runia, wuṛṛu atatul᷊iddu Ruata mattembo wuassu langitta.

DARALO 68:9

runia niumio'a, uranna nangansalla su saruan-Nu, ana waugu niarantannu Ruatan Sinai, Ruatan Israel.

SONDAPPA 11:6

I mangitou pia taṛṛino ipanutubba langitta tadea'u tawe manguranna tantal᷊anna i mangitou mammasingkatu watti'u Ruata. I mangitou uatahuanna lai taṛṛino su anambon al᷊imatan ua'e, ipamal᷊u ua'e mabbal᷊i ṛaṛṛa. Wuṛṛu i mangitou uatahuanna lai taṛṛino ipamuulla runia ringannu al᷊awo'u hating kasasusa, suapan tempo ipaapulu mangitou.

YAKOBUS 5:7

Ana waugu udde, paasabbarete manga tuṛṛangku, ma'oman sara Mawu rumanta. Pa'ellege ereapa asabarene sangkatou mabbawailla ual᷊aṛṛado ma'oman sara letangnge mangonggolu hessine apan maarega si tou. Ringannu asasabbare i tou uaraṛṛaddo uranna su tempo manga rongnga matontonga wuṛṛu uranna su tempo maddongnga.

YEREMIA 14:22

Manga mongannu manga walahanna tawe mapanossokku uranna su runia. Langitta lai tawe wotongnge manossokku uranna ringannu taṛṛinone sassane. Tumba'u ete I'o aantimanni yami. I'o na'ola'a sarangkanambone udde nariaddi.

YESAYA 5:6

I Ya'u sarun mamalane tuwoannu ahuranganna waine. Punnu anggorene tawe Ta'u tontoanna, wuṛṛu tawe Ta'u wabbasanna. Ewe'e Ta'u iwala tataapannu ahuranganna ṛoaanna wuṛṛu nannal᷊o, ewe'e lai manga winabbawa Ta'u isingadda mangema'u uranna su wailla udde.”

DARALO 104:13

Wuassu langitta I'o nanossokku uranna su panenteanna, runia nepenen lanna'u manara-Nu.

1 MARARATU 17:1

Pia sangkatou nabi aranne i Elia. I tou darantane wuassu Tisbe, sambau soa su wageangngu Gilead. Su allo sambau i tou nirumanta ringanni Ratu Ahab wuṛṛu nabbisara, “Ringannu arannu Mawu apan biakka, Ruata apan sassubbannu taumatan Israel wuṛṛu ta'u a'imbeanna, i ya'u mamasingkatta si Tuangnga manungku al᷊annune darua ara'e tallu tonna apan manansunna indi sarun tawe angngukka ara'e uranna saran addio'a, tabbene'e i ya'u mabbisara.”

IMAMATTA 25:19

Leta'u wanua udde sarun mangonggolu hessine na'oman sara i yamiu maatahuanna anna apan manambo wuṛṛu uatana'a poiaroddi ringannu paddarame.

TAHIUL᷊E 11:13

Nariaddi paatuṛṛutte manga parenta apan ta'u niapasingkata si yamiu allo indi; pandangngute Mawu Ruatanu wuṛṛu pattaṛṛamawute si Tou ringannu ahewallu lal᷊ummu naungngu.

DARALO 67:7

Leta'a buatte nangonggolu hessine, Ruata, Ruatan kite buatte nangal᷊amatta si ite.

DARALO 85:13

Mawu nangongolu apianne, ne leta'i ite sarun mangonggolu hessine.

YOEL 2:22

Ei manga winatangnga, ariete masusa. Manga wadda'u nannal᷊o orassa indi nangelompe. Ringannu nabelle'a manga aaluanna nabbua, wuan anggore wuṛṛu ara mangke pia serege.