IMAMATTA 26:36 - WUKE SUSI WATTI'U AL᷊AL᷊USASSA

³⁶ Manga taumatanu apan uatana'a sulal᷊ummu pamuanganna su wanua waine, sarun Ta'u olaanna tumaniten matta'utta, na'oman sara tingikku rongnga apan nitiuppu anginna na'atal᷊anga si mangitou. I yamiu sarun tumal᷊anga naal᷊ihida a'enggenanna sulal᷊ummu pangalo, ana see nal᷊iundu'a salaiwe tawe seetta maraninu.

IMAMATTA 26:36 Referans Kwoze

YEHEZKIEL 21:7

Amungkangngu i mangitou maiwal᷊o anio i'o ma'u are, wal᷊oa'e manungku i'o massusa ana waugu watti'a apan sarun dumanta. Watti'a udde sarun maaola'a naungngi mangitou mata'utta, lima mangitou mallome, wuṛṛu wu'u mangitou mangngiladda, i mangitou sarun apadiannu ikkatta. Atonna tempone nia'omante, wuṛṛu sarangkanambone udde sarun mariaddi. I Ya'u Mawu Apan Atanggaṛṛanne buatte nabbisara.”

YESAYA 30:17

Saṛṛiwu su atoune sarun tumal᷊angnga maasilo wawansagu sangkatou seetta, wuṛṛu wawansagu siri lima maaola'a si yamiu tumal᷊angnga abbi-abbi. Wuassu tantaranu tumba'u matantangnga sambau pul᷊on baneṛṛa su puiddu wuidda.

IMAMATTA 26:17

I yamiu sarun Ta'u iṛṛuumanna, na'oman sara i yamiu lawaddon manga seennu wuṛṛu paparentannu manga taumata maddantinnu. I yamiu mabbal᷊i lembon matta'utta na'oman sara i yamiu tumal᷊angnga, salaiwe taweddu.

YEHEZKIEL 21:15

I tou na'ola'a walahang-Ku matal᷊o wuṛṛu maddamangnga iattara. I Ya'u namansaggu soa mangitou ringannu hal᷊ele udde apan lullendappa ere sawallo, wuṛṛu nasaddiate mamate.

YEHEZKIEL 21:12

Ei taumata apan mattate, lalluaite wuṛṛu sal᷊andete! Ana waugu hal᷊ele udde nasaddiate lumawangnga uma-U. Manga piaṛṛa'u Israel suadio'a ringannu ahewallu walahanna sarun usu'annu hal᷊ele udde ma'oman sara mate. Ne pameppelle roonu ringannu massusa,

YESAYA 7:4

Wal᷊oa'e su ratu manungku i tou ṛinone uasaddia, arawe sidutu paatammudda. I tou tawe wotongnge mata'utta ara'e umal᷊iwu. Aasa'un Ratu Pekah wuṛṛu Ratu Rezin ringannu tantarane manga taumatan Siria udde, tawe tumaniten maasilaka wuassu ruan bua anutungnga pia timbulle.

YESAYA 7:2

Napawe ratun Yehuda naaringikka manungku tantaran Siria sinumuttate su wageangngu Israel narambauten Israel, i tou wuṛṛu pabbawalage mangke matta'utta, na'oman sara i mangitou mangngiladda naal᷊ihidda punnu alu apan ia'io'u anginna.

AMSAL 28:1

Taumata lal᷊eo tuttal᷊angnga ringannu taweddu mangangenggenne, arawe taumata matul᷊idda, waṛṛani ere singa.

1 SAMUEL 17:24

Napawe taumatan Israel naasilo si Goliat, i mangitou nampattal᷊angngu atata'utta.

YOSUA 5:1

Anambon ratun Amori su samba'an baṛṛatu Sal᷊ukku Yordan, wuṛṛu anambon ratun Kanaan su winggin Tahal᷊oangngu Tangngane naaringikka manungku Sal᷊ukku Yordan niapaamara Mawu al᷊annune ṛuangannu Israel tuttumbe sal᷊ukka udde. Ne i mangitou nata'utta wuṛṛu nangilladda waugu taumatan Israel.

TAHIUL᷊E 1:44

Ana see manga taumatan Amori apan uatana'a su wageangngu leta'u panenteanna udde sinumabbangnga nandoappa si yamiu. I mangitou tumaniten manambo, naal᷊ihidda ammul᷊annu attimpua. I mangitou nangenggenna si yamiu araune sara Horma, ana see namaddon kamiu su wageangngu leta'u panenteannu Edom.

PANDARIADDI 35:5

Su tempo i Yakub wuṛṛu ammul᷊annu amonanne inaite, Ruata nandantan atata'utta su tumana'u manga soa maranine, na'oman sara i mangitou tawe nangenggenna si Yakub wuṛṛu ammul᷊annu amonanne.

PANDARIADDI 4:12

Amungkangngu i'o massuanna, leta'a sarun tawe mangonggollu hessine; i'o sarun maola'a mamamal᷊intadda apan tawe tampa atatanaanna su runia.”

YOSUA 7:5

Manga taumatan Ai nangenggena si mangitou wuassu ngara pasallangannu Soan Ai, na'oman sara leta'u Syebarin, ana see iraṛṛangngo namate tallu pul᷊o annumma su atoune su wallati mangitou su welen wuidda. Ne manga taumatan Israel sussinggawangke wuṛṛu matta'utta.

AYUB 13:25

I ya'u tumba'u rongnga apan nitontongngu anginna sumabbi, tawe mariaddi I'o mammata'utta si ya'u! I ya'u tumba'u laṛṛami apan naṛṛangu wuṛṛu tinumolangnga, tawe mariaddi I'o mangke mangngenggenna si ya'u!

DARALO 53:5

Wisaran Mawu, “Manga taumata lal᷊eo udde tawe matimpu'o lai? I mangitou mabbiakka ringannu mangngaṛṛo su al᷊aṛṛana-U, wuṛṛu tawe saran paassa umal᷊iomanna si Ya'u.”

YEREMIA 37:10

Unnuwisara i yamiu maawaddo anambon tantaran Babel ma'oman sara mallambe ete ingana'a nangkal᷊essa wahewalla sulal᷊ummu manga rasanni mangitou, arawe i mangitou sarun mabbuatta wuṛṛu manoṛṛobba sara masue soa indi.’ ”

YEREMIA 46:16

Manambo tantaranu natara wuṛṛu nadduma'a. I mangitou uahahatto, ‘Wette i ite mapul᷊ete ringannu walahanni ite tadea'u i ite mal᷊iu wuassu asasilakan hal᷊elen seetta.’

LAL᷊ALLU 1:3

Tumana'u Yehuda nanantangngu wanuane, ana waugu niallangnga wuṛṛu tumaniten nasansara. Orassa indi i mangitou uatna'a suwallattu manga walahanna tawe tampa apan mangonggollu paddarame see al᷊al᷊uassa. Seetta nalliwunna si mangitou sutempo i mangitou su asasusa.

LAL᷊ALLU 1:6

Paa'alan soa Yerusalem tumba'u watti'u tempon dorone. Manga piaṛṛangnge naola'e lome ere rusa tumaniten mal᷊unussa. I mangitou tawe naal᷊ore su saruannu seetta apan mangngenggena.

LAL᷊ALLU 4:19

Mangangenggenni yami tumaniten mal᷊ihakka mallihaṛṛanna wuassu manu'a rajawali. I mangitou mangngenggenna si yami su wowone, wuṛṛu nangampangnga si yami su wadda'u anne.

DARALO 53:6

Taumata lal᷊eo sarun lembon maatta'utta, sumbal᷊i taweddu mata'utta si mangitou, ana waugu Ruata nanal᷊iawukku duṛṛin taumata apan namangalo si yamiu; i mangitou nita'en Duata, ne i yamiu sarun mamaddon mangitou.

DARALO 89:43

I'o nangonggolu auntunganna su manga seenne, wuṛṛu na'ola'a anambon ro'amme lullala'a.

HOSEA 8:3

arawe i mangitou maddiri manengkamma apa apan mapia. Ana waugu udde i mangitou sarun enggenannu seetti mangitou.