IMAMATTA 26:32 - WUKE SUSI WATTI'U AL᷊AL᷊USASSA

³² Wanuanu sarun Ta'u ṛimunsaanna atonna, na'oman sara manga seetta apan matana'a ṛumindu'a maasilo ahewallu asasilaka udde.

IMAMATTA 26:32 Referans Kwoze

YEREMIA 9:11

Mawu nabbisara, “Yerusalem Ta'u olaanna napapussa'a tampa pa'imbuniannu asun ahuranganna. Manga soan Yehuda sarun mabbal᷊i mal᷊annabba, tampa apan tate lai atanaanna.”

YEREMIA 25:11

Ahewallu wanua indi sarun Ta'u iwala maṛṛimunsa'a wuṛṛu mabbal᷊i mal᷊annabba. Manga walahanna maranine sarun mattaṛṛamawu ratun Babel pitun pul᷊o su tonnane al᷊annune.

YEREMIA 19:8

I Ya'u sarun maṛṛia'u asasilaka apan wahewalla su soa indi, ma'oman sara suapan taumata apan sumabbi isudde sarun ṛumindu'a wuṛṛu mata'utta.

YEREMIA 18:16

Wanua indi buatte niola'i mangitou tampa apan maata'utta, wuṛṛu sarangkal᷊o'enge maola'a aal᷊uandaga. Sarangkanambone apan umamatta sarun mapapa'ilingngu pua ana waugu matta'utta.

YEHEZKIEL 5:15

Amungkangngu i Ya'u masa'u wuṛṛu mannaungnga lal᷊eo si'o see makkuumannu, anambon araratuanna uapal᷊iwutta si'o sarun maapendamma atata'utta. I mangitou sarun mangal᷊uandaga si'o wuṛṛu mammuta maasilo si'o.

YEREMIA 25:18

Yerusalem wuṛṛu anambon soa su Yehuda, suadio'a ringannu manga ratu wuṛṛu manga tembonannu araratuanna, Ta'u onggol᷊annu anggore udde, ma'oman sara i mangitou mabbal᷊i ere wadda'a apan mamara wuṛṛu ma'ata'utta. Naddatingngu allo indi aranni mangitou ipappaatta ipammontoga.

1 MARARATU 9:8

Wal᷊en patataṛṛamawuanna indi sarun maola'a ere winal᷊al᷊anna niomboanna na'aman sara suapan taumata apan sumabbi isudde sarun ṛumindu'a wuṛṛu mata'utta. I mangitou sarun mabbisara, ‘Anio Mawu na'ola'a aroddi su wanua wuṛṛu su wal᷊en indi?’

TAHIUL᷊E 28:37

Su manga wanua tampan kamiu nisal᷊iawukku Mawu, manga taumata sarun mata'utta maasilo si yamiu; yamiu sarun al᷊uandahanna wuṛṛu ilagge mangitou.

LUKAS 21:20

“Napawe i yamiu naasilo Yerusalem tatalliwunannu tantara, i yamiu sarun maasingkatta manungku soa udde tate mal᷊annu lai mahohakka.

HABAKUK 3:17

Salaiwe alu ara tawe buane, wuṛṛu punnu anggore tawe anggorene, salaiwe pangangitingngu zaitun naasomba angngone wuṛṛu hessin gandumma su wawail᷊anna maadio'a naungnga, salaiwe manga domba nate abbi wuṛṛu tanda'u winatangnga papadul᷊iananna tawe loṛṛone,

DANIEL 9:18

Daringiṛṛewe i yami, oh Ruata, elehetewe i yami wuṛṛu intannoiwe asasusan kami see ahahohakku soa apan isassago ringannu aran-Nu. I yami umal᷊iomanna Si'o wal᷊inewe ana waugu manga inasaharanni yami, ewe'e ana waugu I'o napenen darangngu.

LAL᷊ALLU 4:12

Su wallattu manga ratu wuṛṛu tumana'u runia tawe saran sangkatou apan mangngimanna manungku manga ngaran soa Yerusalem wotongnge asuttannu seetta.

YEREMIA 44:22

Mawu tate maataṛṛangnga lai ma'ellega si yamiu mangngonggollu sasamba su manga mawu waine. Pallal᷊agunu udde lal᷊eo maarantinna. I yamiu narosa su lantakku hati Mawu wuṛṛu tawe tumuṛṛutta manga parenta-Ne. Ana waugu udde orassa indi lai wanuanu naṛṛimunsa'e na'oman sara tate atanaanna apia, wuṛṛu aranne iapaatta maola'a wawontoga. Taumata apan naasilo naapendamma atata'utta.”

YEREMIA 44:2

Eteindi tanata Mawu Apan Lembontaṛṛino, Ruatan Israel, si mangitou, “I yamiu sassane buatte naasilo asasilaka apan Ta'u niṛṛia'a su Yerusalem wuṛṛu su anambon soa waine su Yehuda. Na'oman sara orassa indi lai manga soa udde ta'e naṛṛimunsa'a tawe tumatanangnge.

YEREMIA 25:38

Naal᷊ihidda singa sinumabbangnga wuassu loṛṛangnge, aroddi lai Mawu sumabbangnga makkuumannu uman-Ne. Araṛṛagissu pangalo wuṛṛu asasa'u Mawu buatte namal᷊u wanua indi naola'a wadda'u anne.

YESAYA 64:10

Manga soa-Nu apan na'ukkassa naal᷊ihidda wadda'u anne, Yerusalem naola'a wadda'a maṛṛasa wuṛṛu mal᷊annabba.

YESAYA 24:1

Mawu sarun mapaawinasan dunia, ma'oman sara mal᷊ol᷊okka wuṛṛu mal᷊annabba. I Tou sarun mangal᷊isangu wowon dunia wuṛṛu manal᷊iawukku tumanangnge.

YESAYA 6:11

I ya'u naiwal᷊o, “Pira al᷊annune olangnge sarun iapaamatta, Mawu?” I Tou sinumimbakka, “Ma'oman sara manga soa mahohakka abbi sara tate tumatanangnge, manga wal᷊en tate atanaanna lai, wuṛṛu leta'a naola'a tawe loṛṛone wuṛṛu lol᷊okke,

YESAYA 5:9

I ya'u ma'aringikka Mawu Apan Lembontaṛṛino nassalu, “Manga wal᷊en apan bahewalla wuṛṛu mapia indi sarangkanambone sarun mahangginna tawe lal᷊oṛṛone.

YESAYA 5:6

I Ya'u sarun mamalane tuwoannu ahuranganna waine. Punnu anggorene tawe Ta'u tontoanna, wuṛṛu tawe Ta'u wabbasanna. Ewe'e Ta'u iwala tataapannu ahuranganna ṛoaanna wuṛṛu nannal᷊o, ewe'e lai manga winabbawa Ta'u isingadda mangema'u uranna su wailla udde.”

YEREMIA 12:11

Ore, i Ya'u naasilo si mangitou na'ola'a wanua-U tampa mal᷊annabba wuṛṛu ma'asusa. Sarangkanambone niwala aroddi, taweddu mamadul᷊i.

YEREMIA 33:10

Mawu nabbisara, “Taumata mabbisara manungku tampa indi ere wadda'u anne, tawe taumata ara'e winatangnga apan matana'a isudde. Wisaram mangitou udde atonna, ana waugu manga soan Yehuda wuṛṛu manga lal᷊anna su Yerusalem tate loṛṛone abbi; tawe taumata ara'e winatangnga apan matana'a isudde.