29 I yamiu sarun amal᷊unusanna, na'oman sara uminassa manga anangu sassane.
Tumanite ma'ata'utta manga allo udde su wawine apan pia illoṛṛo, wuṛṛu su inangnga apan ta'e mappasusun anangnge.
Timmadde sarun uminassa anangnge sassane wuṛṛu ana'a sarun uminassa hagurangnge. Etearoddi i mangitou sarun Ta'u iṛṛuumanna, wuṛṛu iapa ta'e wiakka Ta'u isal᷊iawukka su al᷊awo'u tampa.
Tumaniten bahewalla asasilaka udde apan naṛṛia'a su uma'u na'oman sara manga inangnga apan masaṛṛionto'a nantunnu anangnge su urinna ipalloṛṛo tianna.
Ana waugu sarun dumanta tempone taumata sarun mabbisara, ‘Lal᷊umanna'a eteapa su manga wawine apan tawe illoṛṛo, apan tawe naasomba ana'a wuṛṛu tawe mapasusun anangnge!’
Mawu, ellehete wuṛṛu panutukke i mangitou apan sassansaran-Nu udde! Apa piaddu suete apan niolang-Ngu aroddi? Inangnga niuminassa anangne sidutu apan arangnguanna, imam wuṛṛu nabi nipate sulal᷊ummu Wal᷊en-Nu apan susi.
Seetta sarun maaliwunna soa indi, wuṛṛu maddea'a mamate tumanangnge. Patatalliwunna udde aroddi ahewalle, na'oman sara manga taumata sulal᷊ummu soa indi uaa'inassa hawene, ewe'e lai manga ana'i mangitou sassane.”