IMAMATTA 26:25 - WUKE SUSI WATTI'U AL᷊AL᷊USASSA

²⁵ I Ya'u sarun mandantan pangalo su pattangngannu ipakkuumanni yamiu ana waugu i yamiu buatte nilumawanga pa'aire-U si yamiu. Wuṛṛu amungkangngu i yamiu ma'ammula su soanu maddea'a pattillummanna, i Ya'u sarun mandantan radda'a apan tawe iapapia, na'oman sara i yamiu sarun manantilu watangannu su seennu.

IMAMATTA 26:25 Referans Kwoze

REENGANNA 14:12

I Ya'u sarun mamate si mangitou ringannu mandantan radda'a ma'al᷊iu. Arawe i'o sarun Ta'u olaanna iamangnga wuassu sambau walahanna apan maggewal᷊anna wuṛṛu mattohasanna wuassi mangitou!”

YEHEZKIEL 5:17

Wal᷊ine wuassu silaka al᷊aṛṛutumma sarun Ta'u iaparanta lai al᷊aṛṛusa'itta, araṛṛagissa wuṛṛu pangalo ipamate tumanangngu, wuṛṛu manga winatangnga mal᷊aṛṛaga iapapate manga ana'i mangitou. I Ya'u, Mawu, buatte nabbisara.”

YEHEZKIEL 33:2

“Ei taumata apan mattate, wal᷊oa'e su walahannu manungku napawe i Ya'u mandantan pangalo su sambau wanua, eteindi apan sarun mariaddi. Tumana'u wanua udde sarun mamile suwallatti mangitou sangkatou mandariaga.

YEHEZKIEL 29:8

Ana waugu udde i Ya'u, Mawu Apan Atanggaṛṛanne, mamasingkatta si'o, manungku i Ya'u sarun mandolokku tantara apan sarun mamangalo si'o ringannu hal᷊ele, wuṛṛu mamate tumanangnge see manga winatangngu.

YEHEZKIEL 20:37

I yamiu sarun Ta'u olaanna ringannu maṛṛagissa tadea'u i yamiu tumuṛṛutta pa'aire-U.

YEHEZKIEL 14:17

Wotongnge mariaddi i Ya'u mandantan pangalo su wanua udde, wuṛṛu i Ya'u mangirimmu manga ahidda lutangnga apan apianne ipamate mawae taumata aroddi lai winatangnga.

YEHEZKIEL 6:3

Doloṛṛa'e i mangitou maddaringikka wuṛṛu manutukka apa apan i Ya'u, Mawu Apan Atanggaṛṛanne mabbisara su manga wowone udde, see su manga wuidda, manga rampissa wuṛṛu manga wawal᷊anne. Atonna, i Ya'u sarun mangirimmu hal᷊ele ipanggohakku manga tampa passubbanna paal᷊uanna.

YEREMIA 24:10

I Ya'u sarun mandanta si mangitou pangalo, ṛutumma, wuṛṛu sa'itta ma'oman sara i mangitou sarangkanambone mate wuṛṛu taweddu matantangnga su wanua indi apan buatte Ta'u nionggolla si mangitou wuṛṛu al᷊amona mangitou.”

TAHIUL᷊E 32:25

Pangalo sarun mangapiddu papate su manga lal᷊anna; atata'utta sarun maṛṛia'a su manga taumata su wal᷊en. Umbasanna wuṛṛu maṛṛuala sarun pateanna, wuṛṛu lai ana'a maradio'a see lai taumata timmadete.

TAHIUL᷊E 28:21

Radda'a see lai radda'a sarun maṛṛia'a si yamiu, ma'oman sara panginsueanne tawe saran sangkatou apan ta'e uatana'a su wanua apan wawanuanni yamiu udde.

LUKAS 21:11

Su alawo'u tampa sarun mariaddi linukka apan wahewa, al᷊aṛṛutumma wuṛṛu al᷊aṛṛusa'itta. Sarun mariaddi manga tanda apan ma'ata'utta wuṛṛu wahewalla su langitta.

AMOS 4:10

I Ya'u nangirimmu al᷊aṛṛusa'itta si yamiu ere lai Ta'u niiringnga su Mesir. Manga taumata saṛṛen tumuwo Ta'u nipate sulal᷊ummu pangalo, wuṛṛu manga awal᷊onu niaṛṛo. I Ya'u nalloṛṛo paddasanannu ringannu manga winal᷊uananna apan hal᷊urune maataddu'a ngirunna. Salaiwe aṛṛoddi, i yamiu ta'e lai maddiri mabbelengnga ringang-Ku.

LAL᷊ALLU 2:21

Timmadde dario'a nate uatal᷊allada su lal᷊anna, manga saṛṛen tumuwo naten hal᷊ele. Su allo I'o masa'u, I'o naṛṛata si mangitou ringannu tawe apendamma umakkanna.

YEREMIA 9:16

I mangitou sarun Ta'u isal᷊iawukka suwallattu manga walahanna apan awagananni mangitou ara'e al᷊amona mangitou. I Ya'u sidutu sarun mandolokku tantara apan mammangalo si mangitou ma'oman sara i Ya'u mamate si mangitou abbi.”

DARALO 94:1

Oh Ruata, ete I'o Ruata apan mabbal᷊issa, pal᷊iatta'e wawal᷊in-Nu, oh Mawu.

2 SAMUEL 24:15

Ne Mawu nandantan radda'a su taumatan Israel nanattakka wuassu marua'allo udde naddatingngu tempo apan buatte nitantun-Ne. Su ahewallu Israel 70.000 suatoune nate.

TAHIUL᷊E 32:41

I Ya'u sarun mandampassu hal᷊ele-U apan lullendappa, wuṛṛu mappaamattu pallaṛṛuumanna. Ta'u wal᷊isanna anambon se'e-U wuṛṛu Ta'u iṛṛuumanna anambon apan maddanting-Ku.

TAHIUL᷊E 32:35

Mawu sarun mabbal᷊issa wuṛṛu makkuumanni mangitou, tate mal᷊annu lai i mangitou mate; napawe tempo papaten mangitou udde rumantate.

REENGANNA 16:49

Ingana'a nate su tempo udde, 14.700 su atoune, tawe nasutta i mangitou apan nate sulal᷊ummu i Korah namangalo.

IMAMATTA 26:6

I Ya'u sarun mallu'adda wanuanu ma'oman sara i yamiu wotongnge matiilla ringannu matammudda wuṛṛu tawe mata'utti sai-sai. Manga winatangnga mal᷊aṛṛaga sarun Ta'u iapaawul᷊i wuassu wanua udde, wuṛṛu tate lai pangalo su wanuanu.

REENGANNA 31:3

Ne i Musa nabbisara su walahannu Israel, “Pandiahite inai mapapangalo; i yamiu ṛinone mamangalo taumatan Midian tadea'u mapaamattu ṛuumannu Mawu si mangitou.

MAL᷊AṚṚUUNGNGA 15:11

Naaringikka udde 3.000 su atoune taumatan Yehuda inaite watukku loṛangngu wuidda watu su Etam. Poiaroddi i mangitou nabbisara, “Simson, apa i'o wagga manungku taumatan Filistin uaparenta si ite? Apate indi niolangngu su saruanni yami!” I Simson sinumimbakka, “I ya'u tumba'u mabbal᷊issa inolaanni mangitou si ya'u.”

1 MARARATU 8:33

Amungkangngu uman-Nu Israel iawaddon manga seenne ana waugu i mangitou marosa, ana see i mangitou mabbelengnga ringan-Nu wuṛṛu mangaddatta Si'o Mawu, wua'udde rumanta su wal᷊en patataṛṛamawuanna, indi see umal᷊iomanna maddorongnga ampunga Si'o,

1 MARARATU 8:37

Amungkangngu wanua indi naṛṛiaannu ṛutumma ara'e al᷊aṛṛussa'itta, wuṛṛu manga sasuanna naṛṛangu su anginna mal᷊oso, radda'a ara'e niinassu taṛṛangassa, ara'e amungkangngu uman-Nu pangaloannu seetta, ara'e nirumadda'a,

YEREMIA 50:28

Manga taumata apan tinumal᷊angnga watukku Yerusalem wuassu Babel mabbatti'a ereapa Mawu Ruatang kite mabbal᷊issa inolaannu taumatan Babel su Wal᷊en Babel.)

YEREMIA 51:11

Mawu buatte nanondo manga ratu Media, ana waugu i Tou mappulu makkimunsa'a Babel. Eteudde lal᷊an-Ne i Tou mabbal᷊issa inolaannu manga taumata apan nakkimunsa'a wal᷊e-Ne. Manga tembonannu wuntuannu tantaran pangalo namarenta, “Takko'e anaanna! Riahite allungnga!

SASABANGNGA 5:3

I Musa wuṛṛu i Harun nabbisara, “Ruatan taumatan Ibrani buatte naipasilon batangan-Ne si yami. Wala'awe yami inai su wadda'a araune tallu allo amatanna tadea'u mangonggolu sasamba su Mawu, Ruatang kami. Amungkangngu yami tawe mallaghun udde, yami sarun patean-Ne ringannu radda'a ara'e pangalo.”

2 MARARATU 17:3

I tou nipangaloanna wuṛṛu niawaddon Salmaneser ratun Asyur, na'oman sara suapan tonna i tou ṛinone mamaekka wose si tou.

2 TAWARIKH 24:24

Tantaran Damsyik tumaniten matul᷊ungnga, arawe Mawu namalan mangitou mamaddon tantaran Yehuda apan tumaniten manambo, ana waugu taumatan Yehuda tate maddaringikka Mawu, Ruatan al᷊amonan mangitou. Ringannu olangnge aroddi Mawu nakkuumanni Ratu Yoas.

YESAYA 1:20

Arawe amungkangngu i yamiu lullawangnga si Ya'u, i yamiu sarun mate sulal᷊ummu pangalo. I Ya'u, Mawu, buatte nabbisara.”

YESAYA 65:12

I yamiu sarangkanambone sarun mate maola'a sol᷊eng karaṛṛagissa. Ana waugu, sutempo i Ya'u mammaggo, i yamiu tawe sumimbakka, wuṛṛu sutempo i Ya'u mabbisara, i yamiu maddiri maddaringikka. I yamiu mappianne lumawangnga si Ya'u wuṛṛu ma'ola'a al᷊al᷊eo.

YEREMIA 19:7

Sutampa indi Ya'u sarun manal᷊are anambon hol᷊agu taumatan Yehuda wuṛṛu tumana'u Yerusalem. I mangitou sarun Ta'u iwala iwaddo manga seetti mangitou wuṛṛu pateanna sulal᷊ummu pangalo. Winal᷊unanni mangitou sarun Ta'u iwala inasannu manu'u winalanganna wuṛṛu winatangnga mal᷊aṛṛaga.

HOSEA 11:6

Pangalo sarun maddisikka maddatingngu sara lal᷊ummu manga soan mangitou, manga ngara mal᷊oangnga sarun ihohakka, wuṛṛu uma-U pateanna. Udde nariaddi ana waugu i mangitou tuttuṛṛuta apulune sassane,

HABAKUK 3:5

I'o nandolokku radda'a u'amatta su saruan-Nu wuṛṛu papate uatantalongnga su liddu Mawu.