IMAMATTA 26:17 - WUKE SUSI WATTI'U AL᷊AL᷊USASSA

¹⁷ I yamiu sarun Ta'u iṛṛuumanna, na'oman sara i yamiu lawaddon manga seennu wuṛṛu paparentannu manga taumata maddantinnu. I yamiu mabbal᷊i lembon matta'utta na'oman sara i yamiu tumal᷊angnga, salaiwe taweddu.

IMAMATTA 26:17 Referans Kwoze

AMSAL 28:1

Taumata lal᷊eo tuttal᷊angnga ringannu taweddu mangangenggenne, arawe taumata matul᷊idda, waṛṛani ere singa.

IMAMATTA 17:10

Amungkangngu sangkatou taumatan Israel ara'e sangkatou taumata raho apan uatana'a namanua su wallatu taumatan Israel na'inumma daṛṛa, i tou sarun iṛṛuumannu Mawu wuṛṛu tate lai mareengnga ere al᷊aṛṛanang-Nge.

DARALO 53:5

Wisaran Mawu, “Manga taumata lal᷊eo udde tawe matimpu'o lai? I mangitou mabbiakka ringannu mangngaṛṛo su al᷊aṛṛana-U, wuṛṛu tawe saran paassa umal᷊iomanna si Ya'u.”

TAHIUL᷊E 28:25

Amungkangngu i yamiu tawe maddaringikka Mawu Ruatanu, i Tou sarun ma'ola'a si yamiu mawaddo su manga seennu. I yamiu sarun mamangalo ringannu uaatokka arawe tumal᷊angnga ringannu uasongkakka. Anambon balahannu su runia sarun maapendamma atata'utta maasilo asasusanu.

YEREMIA 19:7

Sutampa indi Ya'u sarun manal᷊are anambon hol᷊agu taumatan Yehuda wuṛṛu tumana'u Yerusalem. I mangitou sarun Ta'u iwala iwaddo manga seetti mangitou wuṛṛu pateanna sulal᷊ummu pangalo. Winal᷊unanni mangitou sarun Ta'u iwala inasannu manu'u winalanganna wuṛṛu winatangnga mal᷊aṛṛaga.

LAL᷊ALLU 1:5

Manga seenne lullala'a ana waugu napamarenta si mangitou. Mawu na'ola'a i tou uatataṛṛangnga, ana waugu tumaniten manambo rosane. Tumanangnge buatte nitawanna, wuṛṛu niapidda su pamuanganna.

1 SAMUEL 31:1

Tantal᷊anna udde taumatan Filistin uapapangalote nando'appa taumatan Israel su panenteannu Gilboa. Manambo taumatan Israel nate isudde, wuṛṛu ingana'a waine nasutta i Saul wuṛṛu manga anangnge esakka tinumal᷊angngu watanganne.

1 SAMUEL 4:10

Wua'udde napapangalote taumatan Filistin ringannu masaddatta wuṛṛu namaddon tantaran Israel. Taumatan Israel tinumal᷊angnga watukku rasanne sambau-sambau. Tumaniten bahewalla arugianna udde; 30.000 tantaran Israel nate.

PANDARIADDI 4:12

Amungkangngu i'o massuanna, leta'a sarun tawe mangonggollu hessine; i'o sarun maola'a mamamal᷊intadda apan tawe tampa atatanaanna su runia.”

YOSUA 7:4

Nariaddi inai mamangalo soa udde tumba'u tallu ṛiwu su atoune, arawe i mangitou sinumoṛṛota.

1 MARARATU 8:33

Amungkangngu uman-Nu Israel iawaddon manga seenne ana waugu i mangitou marosa, ana see i mangitou mabbelengnga ringan-Nu wuṛṛu mangaddatta Si'o Mawu, wua'udde rumanta su wal᷊en patataṛṛamawuanna, indi see umal᷊iomanna maddorongnga ampunga Si'o,

DARALO 44:10

Arawe orassa indi I'o nanantangngi yami wuṛṛu namalan kami niawaddo. I'o tate lai inai suadio'a ringanni yami.

YEREMIA 44:11

Ana waugu udde, i Ya'u, Mawu Apan Lembontaṛṛino, Ruatan Israel, sarun mando'appa si yamiu wuṛṛu makkimunsa'a ahewallu Yehuda.

YEHEZKIEL 15:7

I Ya'u sarun makkuumanni mangitou. Salaiwe i mangitou buatte naal᷊assanga wuassu putungnga, arawe putungnga lai apan mamate si mangitou. Ne i yamiu masingkatte manungku ete i Ya'u Mawu.

MAL᷊AṚṚUUNGNGA 3:8

Ne Mawu nasa'u su taumatan Israel, wuṛṛu namalan mangitou niwaddon Ratu Kusyan-Risyataim wuassu Mesopotamia. Ual᷊u tonna al᷊annune ratu udde uaparenta si mangitou.

MAL᷊AṚṚUUNGNGA 3:14

Mapul᷊o ual᷊u su tonnane walahannu Israel paparentanni Eglon.

MAL᷊AṚṚUUNGNGA 6:2

Taumatan Israel aroddi matta'uttu taumata Midian na'oman sara i mangitou ma'imbuni sulal᷊ummu manga loṛangnga wuṛṛu su manga tanmpa waine apan mal᷊annabba ereinai su manga wowone.

1 SAMUEL 12:15

Arawe, amungkangu i yamiu tawe maddaringikka Mawu, ewe'e lai lullawangnga parenta-Ne, i yamiu wuṛṛu ratunu sarun ro'apannu Mawu.

2 MARARATU 13:3

Ana waugu udde Mawu nasa'u su Israel, na'oman sara i Tou namalan Hazael ratun Siria wuṛṛu i Benhadad anangnge, masokka-sokka namaddon Israel.

2 MARARATU 13:7

Wuntuannu pangalon Israel buatte niṛṛamunsa'u ratun Siria na'oman sara i Ratu Yoahas tumba'u pia 50 tantaran awal᷊o, 10 keretan pangalo, wuṛṛu 10.000 su atoune tantara.

DARALO 53:6

Taumata lal᷊eo sarun lembon maatta'utta, sumbal᷊i taweddu mata'utta si mangitou, ana waugu Ruata nanal᷊iawukku duṛṛin taumata apan namangalo si yamiu; i mangitou nita'en Duata, ne i yamiu sarun mamaddon mangitou.

YESAYA 30:17

Saṛṛiwu su atoune sarun tumal᷊angnga maasilo wawansagu sangkatou seetta, wuṛṛu wawansagu siri lima maaola'a si yamiu tumal᷊angnga abbi-abbi. Wuassu tantaranu tumba'u matantangnga sambau pul᷊on baneṛṛa su puiddu wuidda.

YESAYA 63:10

Arawe i mangitou nilumawangnga wuṛṛu napaasusan naungngu Mawu. Ne i Tou nawal᷊elongnga naola'a seetti mangitou i Tou sassane napapangalo nando'appa si mangitou.

LAL᷊ALLU 2:4

Naal᷊ihidda seetta, i Tou nangannatta darangean-Ne wuṛṛu nantarangngu anaan-Ne si ite. Anambon taumata apan maal᷊uassa naungngi ite, nasue nipate-Ne. I Tou nanossokku asasa'u-Ne ere putungnga sulal᷊ummu soa Yerusalem indi.