IMAMATTA 26:12 - WUKE SUSI WATTI'U AL᷊AL᷊USASSA

¹² I Ya'u sarun marundinganna si yamiu; i Ya'u sarun maola'a Ruatanu wuṛṛu i yamiu mabbal᷊i al᷊aṛṛana-U.

IMAMATTA 26:12 Referans Kwoze

2 KORINTUS 6:16

Apa sul᷊ungnge Wal᷊e Mawu wuṛṛu wal᷊em paal᷊uanna? I ite indi Wal᷊en Mawu, eteudde Ruata apan wiakka. Ruata sassane nabbisara, “I Ya'u sarun matana'a su pattangnganni mangitou, wuṛṛu mabbiakka suadio'a ringanni mangitou. I Ya'u sarun maola'a Ruata mangitou wuṛṛu i mangitou sarun maola'a al᷊aṛṛana-U.

YEREMIA 7:23

I Ya'u tumba'u namarenta si mangitou tadea'u tuttuṛṛutta si Ya'u tadea'u i Ya'u maola'a Ruata mangitou, wuṛṛu i mangitou maola'a uma-U. I Ya'u nandolokki mangitou mabbisakka tumuṛṛuttu manga parenta-U tadea'u i mangitou su lal᷊ummanna'a.

SASABANGNGA 6:7

I yamiu sarun Ta'u iapidda watukku wanua apan buatte nipa'ire-U ringannu sasalu si Abraham, i Ishak wuṛṛu i Yakub; leta'a udde Ta'u ionggola si yamiu maola'a pussaanu sassane. Ete i Ya'u Mawu.”

IBRANI 11:16

Arawe nasemakke, manungku i mangitou maapulun sambau soa lembon mapia, eteudde Soa su surga. Ana waugu udde Ruata tawe masili amungkangu i mangitou managone Ruata mangitou, ana waugu Ruata suete nanaddia sambau soa si mangitou.

YOEL 2:27

Ne i yamiu masingkatte, Israel, manungku i Ya'u udde su pattangngannu, wuṛṛu manungku i Ya'u, Mawu, uddewe Ruatanu. Tawe Duata waine, tumba'u i Ya'u sassane. Uma-U tate pansilianna apia!”

TAHIUL᷊E 23:14

Mawu Ruatanu uarundinganna si yamiu sulal᷊ummu paddasanannu, mallu'adda si yamiu wuṛṛu mangonggolu auntunganna wuassu manga seennu. Ne paariagaite paddasanannu tadea'u sidutu waresi. Imbaṛṛangnga asombanganna pia sambau apan tawe natataṛṛino si yamiu, tadea'u Mawu tawe manantangngi yamiu.”

ZAKARIA 13:9

Tumba'u sepeṛṛe tatallu apan masal᷊amatta. Wuṛṛu i mangitou sarun Ta'u iapaasusi ere taumata mannal᷊u'attu wul᷊awanna. Wua'udde i mangitou sarun umal᷊iomanna si Ya'u, wuṛṛu i Ya'u sarun sumimbakka si mangitou. I Ya'u sarun mabbisara si mangitou manungku i mangitou uddewe uma-Ku, wuṛṛu i mangitou lai sarun manga'u manungku ete i Ya'u Mawu Ruata mangitou.”

SONDAPPA 21:7

Manga taumata apan naauntunga sarun manengkama manga wawal᷊issu inolaanne udde wuassia-U. I Ya'u sarun maola'a Ruatane, wuṛṛu i tou sarun maola'a ana-U.

YEHEZKIEL 11:20

Ne i mangitou sarun matuṛṛutta su manga atorang-Ku wuṛṛu mararingikka anambon parenta-U. I mangitou sarun maola'a uma-U wuṛṛu i Ya'u sarun maola'a Ruata mangitou.

YEREMIA 11:4

Pa'aire udde buatte Ta'u niola'a ringannu al᷊amona mangitou sutempo i mangitou Ta'u niapidda sinumabbangnga wuassu Mesir, wanua apan ere naraka si mangitou. I Ya'u nandolokki mangitou matuṛṛutta si Ya'u wuṛṛu ma'ola'a al᷊awo'a apan Ta'u iparenta si mangitou. Orassa indi buatte Ta'u niwal᷊o lai su taumatan Yehuda wuṛṛu tumana'u Yerusalem manungku napawe i mangitou matuṛṛutta si Ya'u, i mangitou sarun maola'a uma-U wuṛṛu i Ya'u Ruata mangitou.

YESAYA 41:10

Arie mata'utta, ana waugu i Ya'u uaringanna si'o, arie passinggawanga, ana waugu i Ya'u Ruatanu. I'o Ta'u tohasanna wuṛṛu Ta'u itul᷊ungnga, Ta'u ehetanna ringannu lima-U apan mawantuga.

PANDARIADDI 17:7

I Ya'u sarun manipussa paaire-U si'o wuṛṛu su papapulunnu, uasasansunna, wuṛṛu paaire udde tawe panguddusanne. I Ya'u sarun maola'a Ruatanu wuṛṛu Ruatan papapulunnu.

YEREMIA 32:38

I mangitou sarun maola'a uma-U, wuṛṛu i Ya'u sarun maola'a Ruata mangitou.

YEREMIA 31:33

Eteindi pa'aire wakku apan Ta'u niola'a ringannu umattu Israel: Manga tita-U sarun Ta'u iaddo sulal᷊ummu naungngi mangitou, wuṛṛu Ta'u iwoṛṛetta sulal᷊ummu ate mangitou. I Ya'u sarun maola'a Ruatan mangitou, wuṛṛu i mangitou sarun maola'a uma-U.

DARALO 50:7

“Paddaringikke, al᷊aṛṛana-U, i Ya'u mabbisara, Israel, i Ya'u mattiala su saruanni yamiu; i Ya'u indi Ruata, Ruatanu.

YEHEZKIEL 36:38

Manga soa apan orassa indi naṛṛimunsa'e, sal᷊immurine sarun mapenen tumanangnge ere Yerusalem su manga allo wahewa sutempo nal᷊iu, napene manga domba apan niola'a sasamba. Ne i yamiu masingkatte manungku ete i Ya'u Mawu.”

YESAYA 12:2

Atonna, Ruata udde Mananal᷊ama'u, i Ya'u mangngimanna si Tou. I Ya'u tawe mata'utta, ana waugu i Tou mannohassa si ya'u. Mananal᷊ama'u uddewe Ruata, ete si tou i ya'u mangngantari.

SASABANGNGA 3:6

I Ya'u indi Ruatan iupungngu al᷊amonanu, Ruatan Abraham, Ishak wuṛṛu i Yakub.” Ne i Musa nallindumma hatine, ana waugu i tou matta'utta ma'ellega Ruata.

PANDARIADDI 3:8

Wawallone udde itarua naaringikka Ruata u'amatta sulal᷊ummu wailla, ana see itarua na'imbuni su wallatu manga aaluanna tadea'u tawe aasiloannu Ruata.

MATIUS 22:32

‘Ete i Ya'u Ruatan Abraham, Ruatan Ishak wuṛṛu Ruatan Yakub.’ Ruata udde wal᷊inewe Ruatan taumata nate. I tou Ruatan taumata wiakka!”

SONDAPPA 2:1

“Su mala'ekattu jamaatta su Efesus, woṛṛetta'a arendi: Ete indi tanata wuassi Tou apan uaagassa anumpitanna pitu su lima uanan-Ne, wuṛṛu u'amatta su wallatu pitu leddan sol᷊o wul᷊awanna udde.

PANDARIADDI 6:9

Ete indi watti'u pinabbiaṛṛanni Nuh. I tou pia ana'a esakka siri tallu, eteudde i Sem, i Yafet wuṛṛu i Ham. I Nuh tawe na'ola'a pasasal᷊a, wuṛṛu ete i tou sangkatou su wallatu taumata apan ma'ola'a apapia su tempo udde. I tou mabbiakka uaaukka ringannu Ruata.

PANDARIADDI 5:24

Ana waugu i Henokh sidutu mabbiaka maranin Duata, i tou nawul᷊i nial᷊appu Ruata.

PANDARIADDI 5:22

Wua'udde i Henokh nabbiakka sulal᷊ummu paa'aukka ringannu Ruata al᷊annune 300 su tonnane. I tou naasomba al᷊aṛṛana'a waine lai

PANDARIADDI 17:8

I Ya'u sarun mangonggolla si'o wuṛṛu su papapulunnu, leta'a indi, apan orassa indi wawanuannu ere sangkatou taumata raho. Ahewallu leta'u Kanaan sarun maola'a pussa'an papapulunnu saran mal᷊annu-l᷊annu wuṛṛu i Ya'u sarun maola'a Ruata mangitou.”

SASABANGNGA 29:45

I Ya'u sarun matana'a su pattangnganu balahannu Israel, wuṛṛu maola'a Ruata mangitou.

REENGANNA 5:3

I mangitou ṛinone iapasal᷊iu, tadea'u tawe mamarantinna paddasananna, suapa i Ya'u uatana'a suadio'a ringannu walahanna-Ku.”

2 SAMUEL 7:7

Su al᷊annune i Ya'u mammal᷊intadda suadio'a ringannu walahannu Israel, taambe saran paassa i ya'u naiwal᷊o su manga piaṛṛangnge apan buatte Ta'u nipile anio i mangitou tawe mapararisikku wal᷊e-U wuassu alu cemara wuasen Libanon.’

SASABANGNGA 29:46

I mangitou sarun maasingkatta manungku ete i Ya'u Ruata mangitou apan nangapiddi mangitou sinumabbangnga wuassu Mesir, tadea'u i Ya'u wotongnge matana'a su pattangnganni mangitou. Ete i Ya'u Ruata mangitou.”

TAHIUL᷊E 23:15

“Amungkangngu sangkatou allangnga nassal᷊iu nanantangngu mawune ana see rumanta ringanni yamiu maiontolla, arie mandollokki tou iapapul᷊e.