IMAMATTA 25:43 - WUKE SUSI WATTI'U AL᷊AL᷊USASSA

⁴³ Nariaddi taumatan Israel apan nabbal᷊u'u watanganne si'o tawe wotongnge olaannu lal᷊eo. Ṛinone i yamiu mata'uttu Ruatanu.

IMAMATTA 25:43 Referans Kwoze

KOLOSE 4:1

Manga tuṛṛangnga apan naola'a tuangnga! Ṛinone i yamiu ma'ola'a manga allangngu ringannu apapia wuṛṛu atatul᷊idda. Paanaunge manungku i yamiu pia sangkatou tuangnga su surga.

IMAMATTA 25:46

wuṛṛu wotongnge lai itantilli yamiu su manga anangngu mabbal᷊i allangngi mangitou su al᷊o'engngu pabbiaṛṛanne. Arawe sansul᷊ungngu taumatan Israel tawe wotongnge olaanni yamiu ringannu maṛṛagissa.

IMAMATTA 25:17

Imbaṛṛangnga mamahia su sansul᷊ungngu taumatan Israel, arawe ṛinone i yamiu mata'uttu Mawu, Ruatanu.

EFESUS 6:9

Manga tuṛṛangnga apan naola'a mawu! Ṛinone pallal᷊agun kamiu aroddi lai su saruannu manga allangngu. Ariete mappaattu wawansaga. Paanaunge manungku i yamiu wuṛṛu manga allangngu udde, uasul᷊ungnga pia sangkatou mawu, eteudde Mawu apan su surga. I Tou tawe mamile hati.

YEHEZKIEL 34:4

Manga domba apan lome tawe paddul᷊iananni yamiu, iapa maradda'a tawe undamanni yamiu, iapa nal᷊essa tawe wa'isanni yamiu, wuṛṛu iapa nilamammiṛṛane tawe reaanna wuṛṛu iapidda apia. Ewe'e lai anambon manga domba udde niola'i yamiu ringannu maṛṛagissa.

IMAMATTA 25:53

paṛṛimaunnapa i tou buatte nammanara ere sangkatou taumatan sewa apan niwaeṛṛanna santonna. I Tuangnge tawe wotongnge ma'ola'a si tou ringannu maṛṛagissa.

MALEAKHI 3:5

Unnu Mawu Apan Lembontaṛṛino, “I Ya'u sarun dumanta ringannu tadea'u makkuungnga. I Ya'u sarun masasaṛṛawutta maola'a matatiala su manga taṛṛa wal᷊i'in mata, manga taumata apan masandaga, apan mattiala awusu, wuṛṛu inolaanne mallinga sulal᷊ummu mangonggollu bawaekke su taumata mammanara, apan mangngallangnga manga wawine wal᷊u, asisi timpal᷊uassa, wuṛṛu manga taumata raho, su saruannu anambon taumata apan tawe mangaddatta si Ya'u.”

YESAYA 58:3

Walahanna udde naiwal᷊o, “Apa hunane mappuasa amungkangngu Mawu tawe maasilo? Apa hunane i ite mattingkawawon batanganni ite amungkangngu i Tou tawe mappandumma?” Mawu nabbisara, “Atonna-tonna manungku tantal᷊anna i yamiu mappuasa, i yamiu maddea'a auntunganna sassane wuṛṛu mammoddo manga taumatan sewanu.

YESAYA 47:6

Dorone i Ya'u massa'u uma-U, i mangitou tate lai Ta'u ireengnga pussa'a-U. Wua'udde i mangitou Ta'u nitantilla si yamiu, wuṛṛu i'o tawe umakkanni mangitou, ewe'e lai matatatimmadde niallangngu ringannu maṛṛagissa.

TAHIUL᷊E 25:18

I mangitou tawe mata'uttu Mawu Ruata wuṛṛu ana see namangalo si yamiu wuassu liudde su tempo i yamiu nal᷊otakke wuṛṛu nallome, ana see namate manga taumatanu apan ringannu masahadda niumamatta su liudde.

SASABANGNGA 5:14

Manga mandariaga udde nanggesekka manga mandore taumatan Israel apan nirolokka niapariaga mamanara. I mangitou naiwal᷊o, “Anio orassa indi balahannu tate maaola'a tela anambone ere dorone?”

SASABANGNGA 3:9

Lal᷊uain balahannu Israel Ta'u niaringiṛṛanna, wuṛṛu i Ya'u naasilo lai ereapa i mangitou aallangannu taumata Mesir.

SASABANGNGA 3:7

Ana see Mawu nabbisara, “I Ya'u naasilo al᷊aṛṛana'u uatataṛṛangnga su Mesir, wuṛṛu naaringikke i mangitou u'ui mai'ipallossa wuassu manga taumata apan mangngallangnga si mangitou. I Ya'u mangke masingkattu anambon asasusa mangitou.

SASABANGNGA 2:23

Manga pira tonna wua'udde ratu Mesir natete. Arawe balahannu Israel ta'e sussal᷊iomanna ana waugu i mangitou niallangnga, na'oman sara i mangitou mangintul᷊i ma'iontolla. Sasal᷊iomanni mangitou na'omate ringannu Ruata.

SASABANGNGA 1:17

Arawe biangnga ruang katou udde taumata apam matta'uttu Ruata. Itarua maddiri tumuṛṛutta parentan ratu wuṛṛu namalan anambon ana'a esakka udde wiakka.

PANDARIADDI 42:18

Su allo atallune i Yusuf nabbisara si mangitou, “I ya'u taumata apan matta'utta wuṛṛu matuṛṛutta Ruata. I yamiu sarun ta'u ipallossa ringannu sambau pa'aire.

IMAMATTA 25:42

Taumatan Israel uddewe manga allangngu Mawu; ete i Tou apan nangapiddi mangitou sinumabbangnga wuassu Mesir, wuṛṛu ana waugu udde i mangitou tawe wotongnge iwal᷊u'a maola'a allangnga.

IMAMATTA 25:44

Amungkangngu i yamiu mappandumma allangnga, i yamiu wotongnge mamalli wuassu manga walahanna apan uatana'a maraninu.

2 TAWARIKH 28:10

Wuṛṛu orassa indi manga taumatan Yerusalem olaante manga allangngi yamiu! I yamiu wagga manungku i yamiu lai narosate su lantakku hatin Mawu Ruatanu?

AYUB 31:13

Napawe allangku sussal᷊iomanna waugu pussa'ane niapala'u, i ya'u naddaringikka si tou wuṛṛu a'olaangku ringannu naungnga matul᷊idda.

AYUB 31:14

Amungkangngu tawe, ereapate ṛinone i ya'u sumaruanna Ruata? Apa sasimba'u sutempo i Tou rumanta makkuungnga si ya'u?